上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
撒母耳記上
非利士人無歡喜大衛
29:1 非利士人聚集𪜶的軍兵到亞弗；以色列人紮營佇耶斯列的水泉邊。
非利士人無信任大闢
29:1 非利士人召集𪜶所有的軍隊到亞弗。以色列人佇耶斯列的水泉邊紮營。
29:2 非利士人許個首領導兵，有的一百有的一千，進前去；大衛及隨伊的人及亞吉隨佇後面。
29:2 非利士人的首領帶兵出陣，有的帶百人，有的帶千人。大闢及伊的部下，以及亞吉王行佇後面。
29:3 非利士人的首領講：「諸個希伯來人佇遮做甚麼？」亞吉給非利士人的首領講：「此個豈是以色列王掃羅的人臣大衛嗎？伊及我住已經有諸個日諸個年。對伊投降我到今仔日，我未曾看見伊有過失。」
29:3 非利士人的將領講：「諸個希伯來人佇遮創啥？」
亞吉王給非利士人的將領講：「此個人是以色列王掃羅的將領大闢。伊已經及我住年外；對伊來投降到今仔日，我毋曾看著伊有犯什麼過失。」
29:4 非利士人的首領受氣伊，非利士人的首領給伊講：「著互此人倒去，倒去你所安置伊的所在，通互伊及咱落陣，驚了伊佇陣內做咱的對敵。伊欲及伊的主人復和欲用甚麼啊？豈是諸個人的頭殼？
29:4 非利士人的將領對亞吉受氣，給伊講：「互此個人倒去你給伊安置的所在，毋通互伊及咱出去交戰，才免伊佇交戰的時變做咱的對敵。伊欲用什麼回復伊的主人對伊的信任？豈毋是咱諸個人的頭殼？
29:5 前𪜶有人跳舞唱和講：『掃羅刣死𪜶的千千，大衛刣死𪜶的萬萬』，所講的，豈是此個大衛嗎？」
29:5 以前以色列人跳舞的時，有人唱，有人應，講：
掃羅刣死千千，
大闢刣死萬萬；
𪜶所講的豈毋是此個大闢？」
29:6 亞吉叫大衛來，給伊講：「我指永活的耶和華來咒誓，你是正直。你及我出入佇軍隊中，我看是好。因為對你來我遮的時到今仔日，我曾看見你有甚麼過失，獨獨諸個首領看你做好。
29:6 亞吉叫大闢來，給伊講：「我指永活的上主咒誓，你是誠實的人；你佇我的軍隊服役，我真滿意，因為對你來遮到今仔日，我毋曾看著你有什麼失錯。毋拘其他的首領無合意你。
29:7 今你倒去，安然去，驚了你所做非利士人的首領無歡喜。」
29:7 今你平安轉去，才免諸個首領無歡喜你的所做。」
29:8 大衛給亞吉講：「我曾做甚麼？對我起頭來你的面前的時，到今仔日，你佇你的奴僕有看出甚麼代誌，互我無通及王──我的主的對敵交戰啊？」
29:8 大闢對亞吉講：「我有做什麼代誌？對我來你遮到今仔日，你佇你奴僕的身上有看著什麼代誌，互你的奴僕𣍐當及王 — 我的主的對敵交戰？」
29:9 亞吉應大衛講：「我知你佇我的目睭前是好，親像上帝的使者一樣；總是非利士人的首領講：『此人通及咱去交戰。』
29:9 亞吉應講：「我知，我看你親像上帝的使者赫呢好，毋拘非利士人的將領無愛你及阮鬥陣去交戰。
29:10 所以你以及你的主的奴僕，及你來的，著早早起來，你已經起來到天光就著去！」
29:10 所以，明仔載天一下光，你著導所有離開掃羅，隨你來我遮的人離開。」
29:11 隔早起大衛及隨伊的人早早起來，起身倒去非利士的地。非利士人也上去耶斯列。
29:11 隔早起，大闢及隨伊的人透早就出發，倒去非利士人的地；像時，非利士人向耶斯列進軍。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。