上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
撒母耳記上
刣死祭司
22:1 大衛就離開遐，走到亞杜蘭的洞。伊的兄弟及伊的老父全家聽見，就攏落去到伊遐。
掃羅殺害祭司
22:1 大闢離開迦特，走到亞杜蘭洞；伊的兄弟及伊的老父全家聽著，就攏落去伊遐。
22:2 見若窘迫的、欠債的、心內鬱悴的攏聚集到伊遐；大衛就做𪜶的頭，倚伊的約略有四百人。
22:2 所有受壓迫的，欠債的，心不滿的，攏聚集來伊遐，大闢就做𪜶的頭；去倚伊的，約有四百人。
22:3 大衛對遐去摩押的米斯巴，給摩押王講：「求你容允我的老父我的老母出來，𫢶恁遮徛，聽候我知上帝欲給我怎樣行。」
22:3 大闢對遐去摩押的米斯巴，對摩押王講：「求你允准我的父母來𫢶恁遮，聽候我知上帝按怎給我安排。」
22:4 伊導𪜶到摩押王的面前。大衛𫢶佇山寨的時陣，伊的父母也𫢶佇摩押王遐。
22:4 大闢導𪜶到摩押王遐。大闢住佇要塞彼段時間，伊的父母攏住佇摩押王遐。
22:5 先知迦得給大衛講：「你通𫢶佇衛所，著去猶大地。」大衛就離開遐，去到哈列的樹林。
22:5 後來，先知迦得給大闢講：「毋通閣住佇要塞，著去猶大地區。」大闢就離開，去哈列的樹林。
22:6 掃羅佇基比亞的拉瑪，坐佇垂絲柳的樹腳，手裡攑槍，眾人臣圍纍佇伊的左右。掃羅聽見講大衛及隨的人互人抵著，
22:6 有一日，掃羅佇基比亞的拉瑪，坐佇柳樹腳，手裡攑槍，眾侍衛徛佇伊周圍。彼時，掃羅聽著有人知影大闢及隨伊的人佇叨位，
22:7 掃羅就給圍伊的人臣講：「便雅憫人啊，恁著聽！耶西的子會用田及葡萄園互恁逐人嗎？會設立恁逐人做千總百總嗎？
22:7 就給伊的侍衛講：「便雅憫人啊，聽咧。恁想講耶西的子會互恁逐個人田及葡萄園噢？會派恁做官長指揮一千個，抑是一百個兵噢？
22:8 恁竟然相及計謀攻擊我！我的子曾及耶西的子結約，無人報我知；恁中間無一人可憐我；我的子教唆我的人臣攻擊我，當等我親像今仔日的款，恁攏無報我知。」
22:8 恁竟然共謀欲背叛我。我家己的子及耶西的子結盟，恁無人給我報告；恁中間無人關心我。今仔日我的子使弄我的部下當等欲害我，恁攏無報我知。」
22:9 彼時以東人多益徛佇掃羅人臣的中間，給伊講：「我曾看見耶西的子到羅伯，到亞希突的子亞希米勒遐。
22:9 彼時以東人多益徛佇掃羅侍衛的中間，給伊講：「我有看著耶西的子去挪伯，到亞希突的子亞希米勒遐。
22:10 亞希米勒替伊問耶和華，閣互伊食物，也用非利士人歌利亞的刀互伊。」
22:10 亞希米勒替大闢問上主，閣互伊食物，嘛攑非利士人歌利亞的刀互伊。」
22:11 王就差人召亞希突的子祭司亞希米勒及伊老父全家，就是𫢶佇羅伯許個祭司；𪜶就攏來王遐。
22:11 王就派人召亞希突的子祭司亞希米勒，閣召𪜶老父全家，就是𫢶佇挪伯許個祭司來；𪜶就攏來王遐。
22:12 掃羅講：「亞希突的子啊，著聽！」伊應講：「我的主啊，我佇遮。」
22:12 掃羅講：「亞希突的子，聽咧！」
伊應講：「我的主啊，我佇遮。」
22:13 掃羅給伊講：「恁啥事及耶西的子計謀攻擊我，你竟然用餅及刀互伊，閣替伊問上帝，互伊起來攻擊我，當等我親像今仔日的款？」
22:13 掃羅給伊講：「你是按怎及耶西的子共謀背叛我，互伊餅及刀，閣替伊求問上帝，致到伊今仔日當等欲害我？」
22:14 亞希米勒應王講：「你的人臣中是誰會比得大衛的盡忠啊？伊是王的子婿，閣做你的參謀，也佇你的家中是尊貴的。
22:14 亞希米勒應王講：「你的侍衛啥人會比大闢較盡忠？伊是王的子婿，閣是你的侍衛長，佇宮廷受敬重。
22:15 我豈是對今仔日才替伊問上帝嗎？我決斷無彼號意思！王莫得用甚麼歸佇奴僕及我的老父全家；因為諸個一切的事，無論大細，你的奴僕攏知。」
22:15 我豈今仔日才替伊求問上帝？絕對毋是。請王毋通給罪歸互你的僕人及我的老父全家；因為背叛王諸個代誌，無論大細項，你的僕人攏毋知。」
22:16 王講：「亞希米勒啊，你及你的老父全家攏的確著死！」
22:16 王講：「亞希米勒，你及你的老父全家攏著死。」
22:17 王命令左右的侍衛講：「恁越轉去刣耶和華的祭司；因為𪜶也幫助大衛，閣因為𪜶知大衛逃走，竟然無報我知。」總是王的人臣肯伸手拍死耶和華的祭司。
22:17 王就命令左右的侍衛講：「恁去，給上主的祭司攏刣死；因為𪜶倚大闢，𪜶知大闢逃走閣無報我知。」毋拘王的侍衛毋肯下手刣上主的祭司。
22:18 王給多益講：「你越轉去拍許個祭司！」以東人多益就越轉去拍祭司，彼日刣死穿幼苧布的以弗得八十五人；
22:18 王給多益講：「你去，去刣許個祭司。」以東人多益就去刣祭司；彼日刣死八十五個穿幼麻布以弗得的人。
22:19 閣用刀拍祭司的城羅伯其中的男女、囝仔、食奶的嬰仔，及牛、驢、羊攏用刀刣死。
22:19 伊閣用刀刣祭司的城挪伯城內的人，無論男女、囝仔、食奶的嬰仔，及牛、驢、羊，攏刣死。
22:20 亞希突的子亞希米勒有一個子，名叫亞比亞他，脫離走去隨大衛。
22:20 亞希突的子亞希米勒有一個子叫做亞比亞他，逃走去大闢遐。
22:21 亞比亞他給大衛講掃羅有刣死耶和華的祭司。
22:21 亞比亞他將掃羅刣死上主的祭司的代誌給大闢講。
22:22 大衛給亞比亞他講：「彼日以東人多益佇遐，我知伊的確會給掃羅講。你的老父全家失落生命，攏是因為我的緣故。
22:22 大闢給亞比亞他講：「彼日我看著以東人多益佇遐，就知伊一定會給掃羅報告。你的老父全家失落性命，攏是因為我的緣故。
22:23 你著及我住，免驚。因為數想我的生命的就是數想你的生命；你及我住會得著保全。」
22:23 你來及我住，毋免驚，因為想欲害你性命的嘛欲害我；來及我住，你就安全。」
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。