上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
撒母耳記上
掃羅迫害大衛
19:1 掃羅對伊的子約拿單及眾人臣講，著刣死大衛；總是掃羅的子約拿單不止歡喜大衛。
掃羅迫害大闢
19:1 掃羅要求伊的子約拿單及所有的官長著刣死大闢。毋拘約拿單真意愛大闢，
19:2 約拿單給大衛講：「我的老父掃羅想欲刣你，所以明仔早起你著小心，到一個偏僻的所在，家己匿。
19:2 就給大闢講：「我的老父想欲刣你；你著細膩，明仔早起你去匿𫢶祕密的所在。
19:3 我欲去你所匿的田，徛佇我的老父身邊，我及我的老父議論你的事。我所看見的，我欲給你講。」
19:3 我會去野外你匿的所在，徛佇我的老父身邊，及伊講起你的代誌；我若知影什麼，會給你講。」
19:4 約拿單對伊的老父掃羅論大衛替伊講好話，講：「王通得罪你的奴僕大衛；因為伊未曾得罪你，伊對你所行的攏是好。
19:4 約拿單對伊的老父替大闢講好話，講：「請王毋通傷害你的僕人大闢，因為伊毋曾傷害你。伊所做的攏對你真有幫贊。
19:5 因為伊曾拚命刣死彼個非利士人，耶和華為以色列眾人大行拯救；彼時你看見，不止歡喜，今啥事無緣故欲刣死大衛，流無罪的人的血，來犯罪啊？」
19:5 伊曾冒性命的危險，刣死彼個非利士人。上主有互以色列人得著大勝利；諸個代誌你攏知，嘛真歡喜。今是按怎王無緣無故欲刣大闢，流無辜的人的血得罪上帝？」
19:6 掃羅聽約拿單的話，掃羅指耶和華的活來咒誓講：「我無欲互伊死。」
19:6 掃羅聽約拿單的話，就指永活的上主咒誓：「我𣍐刣大闢。」
19:7 約拿單叫大衛來，約拿單將這一切的話給伊講，約拿單導大衛去見掃羅。伊猶原徛佇掃羅的面前。
19:7 約拿單叫大闢來，將這一切的經過攏給伊講。約拿單導大闢去見掃羅；大闢就繼續侍候掃羅。
19:8 以後閣有交戰。大衛出去及非利士人交戰，大大刣死𪜶，𪜶就佇伊的面前逃走。
19:8 戰爭閣爆發；大闢出去及非利士人交戰，給𪜶徹底拍敗，𪜶就逃走。
19:9 （掃羅坐佇厝內手攑槍），彼時對耶和華遐來的歹神閣臨到伊，大衛用手彈琴。
19:9 有一日，掃羅坐佇厝內，手裡攑槍，對上主遐來的歹神閣臨到伊；彼時大闢啲彈琴。
19:10 掃羅欲用槍刺大衛，釘伊佇壁裡；伊就對掃羅的面前閃開，彼支槍鑿入壁。彼暝大衛就走，來閃避伊。
19:10 掃羅用槍射大闢，欲給伊釘佇壁裡；大闢閃開，彼支槍鑿入壁裡。彼暝，大闢逃走，離開。
19:11 掃羅差人到大衛的厝守伊，聽候天光欲刣伊。大衛的某米甲對伊講：「你今暝若無逃命，明仔日你欲受刣。」
19:11 掃羅派人去大闢的厝監視，按算透早欲給伊刣。大闢的某米甲對伊講：「你今暗若無逃命，明仔載一定會互人刣死。」
19:12 米甲就對窗仔墜大衛落去，伊就走去，來閃避。
19:12 米甲就對窗仔給大闢縋落去；伊就逃走去匿。
19:13 米甲用家內的偶像下佇眠床，頭殼靠佇山羊毛的枕頭，用被蓋伊。
19:13 米甲用家族神像下佇眠床，用山羊毛蓋頭殼，用外衫給伊蓋啲。
19:14 掃羅差人去掠大衛，米甲講：「伊破病。」
19:14 掃羅派人去掠大闢；米甲給𪜶講：「伊啲破病。」
19:15 掃羅閣差人去看大衛，講：「連眠床扛來我遮，我通刣死伊。」
19:15 掃羅閣派人去，一定欲看著大闢，講：「連眠床續扛來我遮，我欲互伊死。」
19:16 使者入去，看見床裡有偶像，頭殼靠佇山羊毛的枕頭。
19:16 使者入去，看著眠床有家族神像，頭殼蓋山羊毛。
19:17 掃羅對米甲講：「你啥事按呢騙我，放我的對敵逃走啊？」米甲應講：「伊給我講：『你放我去，我豈著刣死你嗎？』」
19:17 掃羅對米甲講：「你是按怎騙我，放我的對敵逃走？」
米甲應講：「伊給我講：『放我走。若無，我欲給你刣死。』」
19:18 大衛走去，逃閃到拉瑪見撒母耳，將掃羅對伊所行的事攏總給伊講。伊及撒母耳就去拿約徛起。
19:18 大闢逃走，去拉瑪見撒母耳，將掃羅對伊所做的代誌攏給撒母耳講。伊及撒母耳就去住佇拿約。
19:19 有人給掃羅講，看啊，大衛佇拉瑪的拿約。
19:19 有人給掃羅講：「大闢佇拉瑪的拿約。」
19:20 掃羅差使者去掠大衛。𪜶看見一陣先知啲講先知話，閣撒母耳徛佇𪜶中間監督𪜶；上帝的神臨到掃羅的使者，𪜶也講先知話。
19:20 掃羅派使者去掠大闢；𪜶看著撒母耳做頭導一陣先知入神講話，上帝的神臨到掃羅的使者，𪜶嘛開始入神講話。
19:21 有人將此個事給掃羅講，伊就差別個使者去，𪜶也講先知話。掃羅第三擺差使者去，𪜶也講先知話。
19:21 有人將此個代誌給掃羅講，伊閣派使者去，𪜶嘛入神講話。掃羅第三遍派使者去，𪜶嘛入神講話。
19:22 後來伊本身也去拉瑪，到西沽的大井遐，問人講：「撒母耳及大衛佇叨落？」有人給伊講：「看啊，佇拉瑪的拿約。」
19:22 後來伊本身嘛去拉瑪，到西沽的彼個大鼓井遐，問人：「撒母耳及大闢佇叨位？」有人給伊講：「𪜶佇拉瑪的拿約。」
19:23 伊就去拉瑪的拿約。上帝的神也臨到伊，伊愈行愈講先知話，直到拉瑪的拿約。
19:23 掃羅就去拿約；上帝的神嘛臨到伊；伊那行那入神講話，一直到拿約。
19:24 伊就褪衫，佇撒母耳的面前講先知話，通日通暝褪裼倒啲。對按呢人啲講：「掃羅也列佇先知中嗎？」
19:24 伊甚至褪衫，佇撒母耳的面前入神講話，歸暝歸日褪裼倒啲。因為按呢，人講：「連掃羅嘛啲做先知噢？」
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。