上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
撒母耳記上
大衛受抹油做王
16:1 耶和華給撒母耳講：「我已經棄拺掃羅無互伊做以色列王，你為著伊憂悶欲到偌久啊？你著用角貯油滿滿，去啊，我欲差你去伯利恆人耶西遐；因為我佇伊的子的中間，備辦一個王。」
大闢受選立做王
16:1 上主給撒母耳講：「我已經棄拺掃羅，無愛伊閣作以色列王，你欲為著伊憂傷偌久？你用油給角貯互滿，準備出發，我欲差你去伯利恆人耶西遐；我佇伊的子中間已經揀一個欲作王。」
16:2 撒母耳講：「我怎樣通去？掃羅若聽見，伊欲刣我。」耶和華講：「你通帶一隻牛仔及你去，就講：『我來是欲祭獻耶和華。』
16:2 撒母耳講：「我哪通去？掃羅若聽著會刣我。」
上主講：「你帶一隻母的牛仔去，講你是欲去獻祭互上主。
16:3 你著請耶西來赴此個祭祀，我欲指示你所應該行的事。我所指示你的人，你著替我給伊抹油。」
16:3 你著請耶西來赴此個祭祀；我欲指示你應該做的事；我給你指示彼個人，你著替我給伊抹油作王。」
16:4 撒母耳就照耶和華的話去行。到伯利恆，城裡許個長老攏愕愕惙出來迎接伊講：「你來是為著平安嗎？」
16:4 撒母耳照上主的話去做，去到伯利恆；城內的長老攏皮皮惙出來迎接伊，講：「你豈是帶平安來？」
16:5 伊講：「為著平安，我是欲祭獻耶和華。恁著清氣家己，來及我赴祭祀。」撒母耳就互耶西及伊許個子清氣，叫𪜶來赴祭祀。
16:5 伊講：「是，是帶平安來。我來是欲獻祭互上主。恁著潔淨家己，及我做夥赴祭祀。」撒母耳就給耶西及伊的子潔淨，然後請𪜶參加祭祀。
16:6 𪜶已經來，撒母耳看見以利押，意思講，耶和華所欲抹油者果然佇伊的面前。
16:6 𪜶來的時，撒母耳看著以利押，心內想：「徛佇上主面前此個一定是伊所選立的人。」
16:7 總是耶和華給撒母耳講：「莫得看伊的容貌及伊身軀的大漢，此人是我所拒絕。因為耶和華啲看無親像人啲看：人看外貌；耶和華是看心內。」
16:7 毋拘上主給撒母耳講：「毋通看伊的外表，身材大漢；我揀的毋是此個。上主啲看無親像人啲看；人看外表，上主看內心。」
16:8 耶西叫亞比拿達互伊對撒母耳的面前經過，撒母耳講：「耶和華也無揀此人。」
16:8 後來耶西叫亞比拿達對撒母耳面前行過；撒母耳講：「上主嘛無揀此個。」
16:9 耶西閣叫沙瑪經過，伊講：「耶和華也無揀此個。」
16:9 耶西閣叫沙瑪經過；撒母耳講：「上主嘛無揀此個。」
16:10 耶西互伊許個子七個攏對撒母耳的面前經過，撒母耳給耶西講：「耶和華也無揀諸個。」
16:10 耶西互伊七個子攏對撒母耳面前行過。撒母耳給耶西講：「上主攏無揀𪜶。」
16:11 撒母耳給耶西講：「你的子攏佇遮嗎？」伊應講：「猶有一個煞尾的，今啲飼羊。」撒母耳給耶西講：「你差人導伊來；因為伊猶未來，咱無欲坐桌。」
16:11 撒母耳閣給耶西講：「你的子豈攏佇遮？」
伊應講：「猶有一個煞尾子，伊此陣啲飼羊。」
撒母耳給耶西講：「你差人去叫伊來；伊猶未來，咱無欲坐桌。」
16:12 就差人導伊入來。伊是赤色，目睭清秀，生做好看。耶和華講：「此人就是，你起來給伊抹油。」
16:12 耶西派人去叫伊來。伊紅膏赤蠘，目睭有神，生做英俊。上主講：「此個就是；你給伊抹油。」
16:13 撒母耳就用角內的油，佇伊許個兄的中間抹伊。對彼日起，耶和華的神大大臨到大衛，撒母耳起身倒去拉瑪。
16:13 撒母耳就佇大闢許個兄哥面前用角內的油給伊抹。對彼日起，上主的神完全支配大闢。撒母耳就出發倒去拉瑪。
大衛佇掃羅的宮裡
16:14 耶和華的神離開掃羅，有歹神對耶和華遐來攪擾伊。
大闢佇掃羅的宮內
16:14 上主的神離開掃羅，就有歹神對上主遐來互伊起驚惶。
16:15 掃羅的人臣對伊講：「看啊，今有一個歹神對上帝遐來攪擾你。
16:15 掃羅的人臣對伊講：「今有歹神對上帝遐來互你驚惶。
16:16 阮的主著命令跟隨你面前的人臣，尋一個𠢕彈琴的來，對上帝遐來的歹神臨到你的時，互伊用手彈琴，你就好。」
16:16 請王命令跟隨你的部下尋一個𠢕彈琴的人來，按呢，對上帝遐來的歹神來的時，叫伊彈琴，你就會好。」
16:17 掃羅給伊的人臣講：「恁給我尋一個𠢕彈琴的，導來我遮。」
16:17 掃羅給伊的人臣講：「恁給我尋一個𠢕彈琴的，給伊導來我遮。」
16:18 少年人中有一個講：「我曾看見伯利恆人耶西一個子𠢕彈琴，是大勇士閣是戰士，講話有智慧，面貌好看，耶和華也及伊佇啲。」
16:18 有一個少年人講：「我曾看著伯利恆人耶西一個子𠢕彈琴；伊是勇敢的戰士，口才好，外表英俊，閣有上主及伊同在。」
16:19 掃羅差使者去見耶西講：「差你的子大衛就是彼個飼羊的來我遮。」
16:19 掃羅差使者去見耶西，講：「請你去叫你彼個啲顧羊的子大闢來我遮。」
16:20 耶西就用驢載餅及一皮袋的酒，及一隻山羊仔，交伊的子大衛，送互掃羅。
16:20 耶西就叫伊的子大闢用驢仔載真多餅、一皮袋酒，及一隻山羊仔，帶去送掃羅。
16:21 大衛到掃羅遐，跟隨佇伊的面前。掃羅真疼伊，大衛就做掃羅攑軍器的人。
16:21 大闢到掃羅遐，給伊侍候。掃羅真疼伊，揀伊做侍衛，替掃羅攑軍器。
16:22 掃羅差人去見耶西，講：「求你容允大衛跟隨佇我面前，因為伊得著恩典佇我的目睭前。」
16:22 掃羅差人去給耶西講：「我真合意大闢。請你互伊佇我身邊侍候我。」
16:23 對上帝遐來的歹神臨到掃羅的時，大衛就提琴，用手來彈，掃羅就寬心得著好，歹神離開伊。
16:23 逐遍，對上帝遐來的歹神臨到掃羅的時，大闢攏會彈琴，掃羅心情就輕鬆，回復元氣；歹神就離開伊。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。