上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
撒母耳記上
以色列人要求立王
8:1 撒母耳已經老，就設立伊的子做以色列的士師。
以色列人要求設立王
8:1 撒母耳已經老，就設立伊兩個子做以色列的士師。
8:2 伊的大子名叫約珥，第二子名叫亞比亞；𪜶佇別是巴做士師。
8:2 大子約珥及第二子亞比雅攏佇別是巴做士師。
8:3 總是伊的子無行伊的路，偏私貪財，受賄賂，無照直判斷。
8:3 毋拘𪜶無學𪜶老父的模樣；𪜶貪不義之財，收賄賂，無照公道裁決。
8:4 以色列的長老攏聚集，到拉瑪見撒母耳，
8:4 對按呢，以色列的長老攏聚集來拉瑪見撒母耳，
8:5 給伊講：「看啊，你已經老，你的子無行你的路。今求你給阮設立一個王判斷阮，親像列國一樣。」
8:5 給伊講：「你已經年老，你兩個子無學你的模樣。所以著設立一個王給阮治理，親像別個國家仝款。」
8:6 𪜶講「求你給阮設立一個王判斷阮」彼個事撒母耳無歡喜，撒母耳就祈禱耶和華。
8:6 撒母耳對𪜶要求一個王的事無歡喜。伊就對上主祈禱。
8:7 耶和華對撒母耳講：「百姓對你所講一切的話，你著趁，因為𪜶是棄拺你，是棄拺我，無互我做𪜶的王。
8:7 上主對撒母耳講：「人民的要求，你著接受。𪜶毋是棄拺你，是棄拺我；𪜶無愛我做𪜶的王。
8:8 對我導𪜶出埃及到今仔日，𪜶一切的所行離開我，去服事別個上帝。今也照按呢款待你。
8:8 對我導𪜶出埃及到今仔日，𪜶所做的攏是離開我，去服事別個神明，現在𪜶嘛按呢啲對待你。
8:9 所以你著趁𪜶的話，總是著嚴嚴警戒𪜶，互𪜶知將來管理𪜶的王的制度是怎樣。」
8:9 今𪜶的要求你著接受，毋拘著嚴嚴給𪜶警告，互𪜶知將來𪜶的王會按怎管轄𪜶。」
8:10 撒母耳用耶和華的話攏給百姓講，就是許個對伊討一個王的，講：
8:10 撒母耳將上主的話攏給許個對伊要求一個王的人民講：
8:11 「將來管理恁的王的制度就是按呢：伊欲取恁的子為家己設立伊給伊管車，做伊的馬兵，走佇車的頭前；
8:11 「將來恁的王會按呢管轄恁：伊會召恁的子去作兵，有的做戰車兵，有的做馬兵；𪜶走做前，做王的先鋒。
8:12 閣欲為家己設立𪜶做千總、五十夫長，也欲設立人給伊作園，收五穀，製造軍器及車裡的器具；
8:12 伊會派人做官長，有的管一千，有的管五十；嘛會派人給伊作園，收成五穀，造軍器及戰車的裝備。
8:13 欲取恁的查某子給伊製造芳油，做煮食者做煏餅者；
8:13 伊會召恁的查某子給伊製造芳油，煮食，烘餅。
8:14 恁的田園、葡萄園、橄欖園彼個上好的，伊欲取伊來互伊的奴僕。
8:14 伊會給恁上好的田園、葡萄園、橄欖園提去互伊的人臣。
8:15 恁所種作的及恁的葡萄園，伊欲取十份一互伊的太監及奴僕；
8:15 恁的五穀及葡萄，伊會取十分一互伊的官員及人臣。
8:16 閣欲取恁的奴僕女婢，勇健的少年人及恁的驢，來做伊的差用。
8:16 伊會掠恁的奴僕、女婢、勇壯的少年人，及恁的驢仔，給伊做工。
8:17 恁的羊群伊欲取十份的一份，恁也欲做伊的奴僕。
8:17 恁的羊群，伊欲取十分一；恁嘛會做伊的奴隸。
8:18 彼時恁欲因為所揀的王來喉叫，總是耶和華佇彼時聽恁。」
8:18 彼時，恁會因為所揀的王哀叫，毋拘上主毋插恁。」
8:19 總是百姓肯聽撒母耳的話，講：「啊！阮的確欲一個王治理阮，
8:19 毋拘人民毋聽撒母耳的話，反轉應講：「你講的，阮無贊成！阮一定欲有一個王治理阮。
8:20 互阮親像列國一樣，阮的王判斷阮，做頭導阮，替阮交戰。」
8:20 按呢阮才會親像別國有家己的王給阮治理，導阮去交戰。」
8:21 撒母耳已經聽見百姓攏總的話，就講許個話互耶和華聽。
8:21 撒母耳聽著人民的話了後，就講互上主聽。
8:22 耶和華對撒母耳講：「你著聽𪜶的話，給𪜶設立一個王。」撒母耳給以色列人講：「恁逐個倒去家己的城！」
8:22 上主對撒母耳講：「你著聽𪜶的要求，給𪜶設立一個王。」撒母耳就給以色列人講：「恁通倒去。」
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。