上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
撒母耳記上
送約櫃倒去
6:1 耶和華的約櫃住佇非利士人的地七月日久。
約櫃運倒去以色列
6:1 上主的約櫃停留佇非利士人的地七月日久。
6:2 非利士人叫許個祭司及術士，講：「耶和華的約櫃咱著怎樣設法？請指示阮著怎樣送伊倒去本所在。」
6:2 非利士人叫許個祭司及卜卦的來問：「上主的約櫃阮著按怎處理？請指點阮欲按怎送伊倒去原來的所在？」
6:3 𪜶講：「恁若送以色列上帝的約櫃去，通互伊空空去，的確著用補過失的祭還伊，恁才會得著好，也會知伊的手啥事無離開恁。」
6:3 𪜶講：「恁若欲送以色列上帝的約櫃倒去，毋通互伊空手去，一定著帶賠罪的禮物；恁的病才會得著醫好，恁才會知是按怎上帝繼續啲刑罰恁。」
6:4 𪜶講：「阮著用甚麼做補過失的祭來還伊啊？」應講：「著用金仔五個，金老鼠五隻，照非利士首領的數額，因為恁及恁的首領所抵著的災禍一樣。
6:4 非利士人問：「阮著用什麼做賠罪的禮物？」
祭司及卜卦的應講：「照非利士首領的數目，恁著造五粒金毒瘡，五隻金鳥鼠，因為恁的首領攏受著像款的災禍。
6:5 所以恁著做恁的仔的像及毀傷恁的地老鼠的像，閣著歸榮光互以色列的上帝，豈採伊對佇恁及恁的上帝，及恁的地，會放輕伊的手。
6:5 恁著造毒瘡的模型，及毀壞恁的土地的鳥鼠的模型；閣著將榮光歸互以色列的上帝；無定著伊對恁、恁的神明、恁的土地會手下留情。
6:6 恁啥事硬恁的心親像埃及人及法老硬𪜶的心啊？上帝佇𪜶中間行神蹟，𪜶豈無放百姓去，百姓就去嗎？
6:6 恁是按怎欲親像埃及人及埃及王赫呢硬心？上帝豈毋是嚴嚴對付𪜶，𪜶才放以色列人離開？
6:7 今恁著備辦一張新的車，及二隻有奶的牛母未曾掛軛的，將諸個牛縛佇車裡，也互牛仔子離開伊倒去𪜶厝。
6:7 現在，恁著準備一台新的車，兩隻猶啲飼奶，毋曾掛軛的牛母，將牛母套佇車，給牛仔子牽倒去牛椆；
6:8 用耶和華的約櫃下佇車裡，也用你所還金的寶物做補過失的祭的橐佇箱內，下佇櫃邊，送伊去。
6:8 閣將上主的約櫃下佇車頂，給你所造賠罪的金器囥佇約櫃邊的箱仔內送去。
6:9 恁著看：伊若對伊交界的路上到伯‧示麥，就降此個大災禍互咱的實在是伊；若無，就通知拍咱的是伊的手，是咱偶然抵著的。」
6:9 恁著注意看，彼台車若對交界的路上到伯‧示麥，就知降此個大災禍互咱的實在是上主。車若毋是向彼個方向去，就知拍咱的毋是伊，是咱偶然抵著的。」
6:10 許個人就按呢行：將二隻有奶的牛母縛佇車裡，閣關牛仔子佇厝內，
6:10 非利士人就照按呢做。𪜶將兩隻猶啲飼奶的牛母套佇彼台車，給牛仔子關佇牛椆；
6:11 閣用耶和華的約櫃以及囥金老鼠及仔像的箱攏下佇車裡。
6:11 閣給上主的約櫃，以及囥金鳥鼠、金毒瘡的模型的箱仔，攏下佇車頂。
6:12 牛母直直向伯‧示麥的路去，對大路行愈行愈哮，無偏左右。非利士許個首領隨後面去，到伯‧示麥的境界。
6:12 牛母向伯‧示麥的大路直直行落去，那行那哮，無偏左右。非利士人的首領隨佇後面，一直到伯‧示麥的邊界。
6:13 抵抵伯‧示麥人佇山谷割麥，攑目看見約櫃，看見就歡喜。
6:13 彼時伯‧示麥人佇山谷啲收割麥仔；𪜶攑頭一下看，看著約櫃就非常歡喜。
6:14 車到伯‧示麥人約書亞的園，就停啲。佇遐有一塊大塊石磐，𪜶破車的柴，獻二隻牛母做燒祭互耶和華。
6:14 車到伯‧示麥人約書亞的園，就停啲；佇遐有一塊大石，𪜶破彼台車的柴，給彼兩隻牛母做燒化祭獻互上主。
6:15 利未人將耶和華的約櫃及伊邊仔貯金的寶物的箱提落來，下佇彼塊大石磐的頂面。伯‧示麥人佇彼日獻燒祭及祭祀互耶和華。
6:15 利未人將上主的約櫃，及邊仔貯金器的箱仔提落來，下佇彼塊大石的頂面。伯‧示麥人佇彼日獻燒化祭及別款的祭互上主。
6:16 非利士人五個首領看見，像彼日就倒去以革倫。
6:16 非利士人五個首領攏有看著，就佇像彼日倒去以革倫。
6:17 非利士人還互耶和華做補過失的祭的金仔，就是諸個：一粒為著亞實突，一粒為著迦薩，一粒為著亞實基倫，一粒為著迦特，一粒為著以革倫。
6:17 非利士人帶五個金毒瘡做賠罪祭還互上主；一個為著亞實突城，一個為著迦薩城，一個為著亞實基倫城，一個為著迦特城，一個為著以革倫城。
6:18 金老鼠的數額是照非利士的首領所管的城，就是堅固的城及鄉社，也續到大塊石磐。就是下耶和華的約櫃的，此塊石磐到今仔日猶佇伯‧示麥人約書亞的園。
6:18 金鳥鼠的數目照非利士五個首領所管設防的城及無設防的庄社來定。𪜶下上主的約櫃彼塊大石，到今仔日猶佇伯‧示麥人約書亞的園裡做證據。
約櫃佇基列‧耶琳
6:19 耶和華拍死伯‧示麥人因為𪜶看伊的約櫃內，就拍死𪜶七十人；五萬人百姓哀哭。因為耶和華大大拍死百姓。
約櫃佇基列‧耶琳
6:19 上主拍死七十個伯‧示麥人，因為𪜶偷看約櫃的內面。人民大哀哭，因為上主拍死赫多人。
6:20 伯‧示麥人講：「是誰會徛佇耶和華此個聖的上帝的面前啊？伊欲上去甚麼人遐來離開咱啊？」
6:20 伯‧示麥人講：「啥人會當服事上主此位至聖的上帝？咱欲給約櫃送去叨位？」
6:21 對按呢差人去見基列‧耶琳徛起的百姓，講：「非利士人將耶和華的約櫃送倒來，恁落來扛上去恁遐。」
6:21 𪜶就差人去見基列‧耶琳人，講：「非利士人有將上主的約櫃送倒來；請恁來，給伊接去恁遐。」
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。