上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
撒母耳記上
約櫃佇非利士人中間
5:1 非利士人帶上帝的約櫃對以便以謝扛到亞實突。
約櫃佇非利士引起的災害
5:1 非利士人給上帝的約櫃搶去，對以便‧以謝運去亞實突。
5:2 非利士人將上帝的櫃扛入大袞的廟，下佇大袞的身邊。
5:2 非利士人給上帝的約櫃運去大袞的廟，給伊囥佇大袞的邊仔。
5:3 隔早起，亞實突的人起來，看見大袞跋倒佇耶和華的櫃前，面仆佇地裡，就將大袞閣祀佇伊的原位。
5:3 隔日透早亞實突人起來，看著大袞倒佇上主的約櫃頭前，面仆佇土腳；就將大袞閣𫞼起來伊的原位。
5:4 閣隔日透早起來，看見大袞跋倒佇耶和華的櫃前，面仆佇地裡，閣大袞的頭及二支手掌攏折佇戶椗頂，只有剩大袞啒啒的身軀。（
5:4 閣隔日透早，𪜶起來，看著大袞閣再倒佇上主約櫃頭前，面仆佇土腳，頭及兩支手掌攏斷去，落佇戶橂頂面；只有賰大袞的身軀。
5:5 為著按呢，大袞的祭司及一切入亞實突、大袞的廟的人攏無踏大袞的戶椗，直到今仔日。）
5:5 因為按呢，大袞的祭司及所有入亞實突 大袞廟的人，到今仔日攏無踏大袞廟的戶橂。
5:6 耶和華的手重重拍亞實突人，敗壞𪜶，互𪜶發仔症。就是亞實突及伊的境內攏是按呢。
5:6 上主的手重重拍亞實突人及周圍的人民，互𪜶生毒瘡，閣互𪜶驚。
5:7 亞實突人看見按呢，就講：「以色列上帝的櫃通𫢶佇咱中間，因為伊的手重重拍咱及咱的上帝大袞」；
5:7 亞實突人看著按呢就講：「以色列上帝的約櫃毋通閣囥佇咱遮，因為伊的手重重拍咱，嘛拍咱的神明大袞。」
5:8 就差人請非利士許個首領來聚集𪜶遐，講：「以色列上帝的櫃咱著怎樣設法啊？」𪜶應講：「通將以色列上帝的櫃運去迦特。」就將以色列上帝的櫃運到遐。
5:8 亞實突人就派人請非利士的首領來，問𪜶，講：「阮著按怎處理以色列上帝的約櫃？」
𪜶應講：「給以色列上帝的約櫃運去迦特。」𪜶就將以色列上帝的約櫃運去。
5:9 運到了後，耶和華的手攻擊彼個城，互彼個城的人真大亂，閣拍城內的人無論大細，𪜶攏發仔症。
5:9 約櫃一下運到遐，引起大恐惶，因為上主的手攻擊彼個城；閣拍城內的人，互城內的人無論大細攏生毒瘡。
5:10 𪜶就將上帝的櫃送到以革倫。上帝的櫃到以革倫，以革倫的人就喝講：「𪜶將以色列上帝的櫃運到咱遮，欲害死咱及咱的百姓！」
5:10 𪜶就將上帝的約櫃送去以革倫。上帝的約櫃一下到以革倫，以革倫人喝講：「𪜶將以色列上帝的約櫃運來咱遮，是欲害死咱及咱的同胞。」
5:11 就差人聚集非利士攏總的首領，講：「以色列上帝的約櫃著送伊去互伊倒去本所在，免得伊害死咱及咱的百姓！」彼時通城有致到死的擾亂，因為上帝的手佇遐拍𪜶真重；
5:11 𪜶就派人去請非利士攏總的首領來，對𪜶講：「給以色列上帝的約櫃送倒去原來的所在，才免伊害死咱及咱的同胞。」
全城充滿死亡的驚惶；因為上帝的手重重拍𪜶。
5:12 無死的人攏抵著仔症。城中啼哭的聲，透到天裡。
5:12 無死的人攏生毒瘡；全城啼哭的聲透到天頂。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。