上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
撒母耳記上
哈拿的祈禱
2:1 哈拿祈禱講：
我的心因為耶和華來快樂；
我的角因為耶和華來攑高。
我向對敵敢講大話；
因為我為著你的拯救來歡喜。
哈娜的祈禱
2:1 哈娜祈禱講：
我的心因為上主歡喜；
我的頭因為上主攑高高；
我的嘴敢向對敵誇耀，
因為你的拯救互我快樂。
2:2 無有聖者親像耶和華；
你以外無別個，
也無石磐親像咱的上帝。
2:2 只有上主至聖，
你以外無別個；
咱的上帝是唯一的保護者。
2:3 恁通自誇講驕傲的話，
也通互濫糝的話出你的嘴；
因為耶和華是智識的上帝，
人的行做互伊批評。
2:3 人毋通自高講驕傲的話；
毋通自誇講大話，
因為上主是無所不知的上帝，
人的行為受你評鑑。
2:4 勇士的弓已經遏折；
著觸的人用氣力縖腰。
2:4 勇士的弓已經受遏折；
軟弱的人得著氣力。
2:5 飽足的，互人倩來趁食；
枵的，無閣枵。
𣍐生育的，生七個子；
有多多子的，反轉衰弱。
2:5 富足的著互人倩才有通食；
枵餓的無閣枵。
𣍐生育的生七個；
有真多子的到尾無賰半個。
2:6 耶和華互人死，也互人活，
互人落陰間，也互人起來。
2:6 上主互人死，亦互人活；
互人落陰間，亦互人起來。
2:7 耶和華互人喪鄉，也互人好額，
互人降低，也互人升高。
2:7 上主互人散赤，亦互人好額；
互人降低，亦互人高升。
2:8 伊對塵埃升高喪鄉人，
對糞埽堆高升欠缺的人，
互𪜶及首領相及坐，
續接榮光的座位。
因為地的柱屬佇耶和華；
伊將世界安置佇彼頂面。
2:8 伊對塵埃提拔困苦的人，
對糞埽堆高升欠缺的人，
互𪜶及尊貴的人坐做夥，
互𪜶坐大位。
大地的根基上主建立；
伊將世界安置佇彼頂面。
2:9 伊欲保守伊聖者的腳，
互歹人佇黑暗中靜寂寂；
因為人倚靠氣力𣍐會卡贏。
2:9 伊保守伊忠信子民的腳步，
互歹人佇烏暗中消失；
人𣍐當靠家己的氣力較贏。
2:10 及耶和華相爭的，欲受拍碎；
伊欲對天用雷拍伊，
耶和華欲審判地的極頭，
賞賜氣力互伊的王，
舉起伊受抹油者的角。
2:10 敵對上主的人會受拍碎；
伊欲對天用雷摃𪜶。
上主欲審判全世界。
伊欲賜氣力互伊的君王，
互伊所揀選的頭攑高高。
2:11 以利加拿倒去拉瑪到伊的家。彼個囝仔佇祭司以利的面前服事耶和華。
2:11 以利加拿倒去伊佇拉瑪的厝。囝仔撒母耳受祭司以利指導，服事上主。
以利的二個子
2:12 以利許個子是匪類，識耶和華。
以利的兩個子
2:12 以利兩個子是匪類，藐視上主，
2:13 祭司佇百姓的例就是：見若人獻祭，啲煮肉的時，祭司的奴僕就來，手攑三爪的叉，
2:13 無守祭司取獻祭的肉的規定。人獻祭肉啲煮的時，祭司的僕人就來，攑三爪的肉叉，
2:14 用叉插入鉢，抑是鼎，抑是鐵銚，抑是鍋，見若所叉出來的肉，祭司攏提做家己的。𪜶佇示羅親像按呢款待見若來遐的以色列人。
2:14 插入鍋仔鼎仔，鐕出來的肉祭司就提去。彼時，祭司對來示羅獻祭的以色列人攏按呢做。
2:15 閣佇未燒油膋的代先，祭司的奴僕就來給獻祭的人講：「你著用肉互祭司，通煏。因為伊愛你過煮的肉，是愛生的。」
2:15 毋若按呢，肉油猶未燒以前，祭司的僕人就來，給獻祭的人講：「肉一寡提來去互祭司烘；伊無愛煮過的肉，愛生的。」
2:16 彼人若對伊講：「欲代先燒油，然後通照你的心所愛提去。」伊就講：「啊，此霎著互我；若，我欲強強提去。」
2:16 獻祭的人若講：「油燒了，肉才照你所愛的提去。」
祭司的僕人就講：「𣍐用得，隨時互我；若毋，我欲強提去。」
2:17 按呢，許個少年人的罪佇耶和華的面前真重，因為人厭惡耶和華的祭祀。
2:17 以利兩個子的罪佇上主眼中非常嚴重，因為𪜶藐視獻互上主的祭物。
撒母耳佇示羅
2:18 彼時，撒母耳猶細漢，穿幼苧布的以弗得，佇耶和華的面前服事。
撒母耳佇示羅
2:18 彼時撒母耳猶細漢，穿幼麻布的以弗得祭司服啲服事上主。
2:19 閣伊的老母逐年給伊做一領細領的長衫，及伊的丈夫上來獻年祭的時帶來互伊。
2:19 伊的老母逐年給伊做一領細領外袍，及伊的丈夫上來獻年祭的時，帶來互伊。
2:20 以利給以利加拿及伊的某祝福，講：「願耶和華對此個婦仁人閣賞賜你後裔，來替所還互耶和華的。」𪜶就倒去本所在。
2:20 以利給以利加拿及伊的某祝福，講：「願上主對此個婦仁人閣賜你子兒，來補你獻互上主此個囝仔。」
𪜶就倒去𪜶兜。
2:21 耶和華看顧哈拿，伊就懷孕生三個子，二個查某子。囝仔撒母耳也佇耶和華的面前漸漸大漢。
2:21 上主賜福哈娜，互伊閣生三個後生、兩個查某子。囝仔撒母耳繼續服事上主，日日大漢。
以利及伊的子
2:22 以利真老，聽見伊的子對以色列眾人所行一切的事，閣聽見𪜶及會幕門前做工的婦仁人私通，
以利警告伊的子
2:22 以利已經真老，聽著伊的子對以色列眾人所做的代誌，閣聽著𪜶及會幕門口做工的婦仁人做夥睏。
2:23 伊就給𪜶講：「恁啥事行諸個事啊？我對諸個眾百姓聽見恁的歹所行。
2:23 以利給𪜶講：「恁是按怎做此款歹代誌？我對上主的子民聽著恁的歹行為。
2:24 我的子啊，通按呢！因為我所聽見的風聲是好，恁互耶和華的百姓犯罪。
2:24 我的子啊，毋通按呢。我有聽著上主的子民對恁的風評真僫。
2:25 人若得罪人，上帝審判伊；人若得罪耶和華，是誰替伊祈禱？」若是𪜶聽老父的話，因為耶和華存意欲刣𪜶。
2:25 人得罪人，上帝會給伊審判；人若得罪上主，啥人會當替伊辯護？」
毋拘𪜶毋聽老父的話，因為上主已經決定欲刣𪜶。
2:26 囝仔撒母耳漸漸大漢，得著耶和華及人愈疼伊。
2:26 囝仔撒母耳日日大漢，上主及人愈疼伊。
預言以利家遭禍
2:27 有上帝的奴僕來見以利，對伊講：「耶和華按呢講：『你的祖公的家前佇埃及法老的家做奴僕的時，我豈無對伊出現嗎？
預言以利家的災禍
2:27 有一日，有一個上帝重用的人來見以利，對伊講：「上主按呢講：『恁祖先做埃及王的奴隸的時，我有對𪜶顯現。
2:28 我豈無對以色列眾支派，揀伊做我的祭司，佇我的壇頂獻祭，燒香，穿以弗得佇我的面前，以色列族所獻的火祭我豈無攏互伊的祖公的家嗎？
2:28 我對以色列眾支族揀亞倫的家做我的祭司，佇我的祭壇獻祭，燒香，穿以弗得祭司服服事我。以色列人用火燒獻互我的祭物，我攏有分互恁祖先。
2:29 我所命令的祭祀禮物佇我徛起的所在的，恁啥事𧿬踏伊，尊重你的子卡過頭尊重我，用我的百姓以色列所獻上好的禮物來家己肥啊？』
2:29 我所命令佇我的厝獻的牲禮祭物，恁是按怎給𪜶踐踏？你看重你的子較過頭尊重我；竟然准𪜶對我的子民以色列獻的祭物，提上好的份去食甲肥滋滋？』
2:30 所以，耶和華──以色列的上帝講：『我實在曾講，你的家你的老父的家欲永遠行佇我的面前；總是今耶和華講，我決斷按呢。因為尊重我的，我欲尊重伊；藐視我的，伊欲受看輕。
2:30 「所以上主 — 以色列的上帝講：『我雖然曾應允，你的家及你的宗族會永遠服事我，毋拘現在我上主決定無欲照按呢對待恁；因為尊重我的，我欲尊重伊；藐視我的，欲受看輕。
2:31 看啊，日子欲到，我欲斬斷你的手骨及你的父的家的手骨，互你的家中無一個老人。
2:31 看，日子啲欲到，我欲斬斷你及你的宗族的手骨，按呢你的家族無人會長歲壽。
2:32 佇上帝互以色列人享福的時，你欲看見我的厝的衰敗。佇你的家中欲永遠無一個老人。
2:32 佇我賜福互以色列人的時，你顛倒會看見你的厝衰敗；你的家族無人會長歲壽。
2:33 屬佇你的人我無對我的壇剿滅的；欲拍歹你的目睭、憂傷你的心。你家中所閣生的人攏欲中年就死。
2:33 我會給你留一個後代佇我的祭壇服事，毋拘你的目睭會失明，心絕望；其他的後代攏會早死。
2:34 你二個子何弗尼、非尼哈所抵著的欲做你的兆頭：𪜶二人欲同一日死。
2:34 你兩個子何弗尼及非尼哈會仝一日死，這證明我對你講的話一定實現。
2:35 我欲為家己立一個盡忠的祭司；伊欲照我的心我的意來行。我欲為伊建立堅固的家；伊欲永遠行佇我所抹油者的面前。
2:35 我會為家己設立一個忠實的祭司，伊會照我的心意做代誌。我會為著伊建立穩固的家；伊會一世人服事我所選立的王。
2:36 你的家所剩的人攏欲來跪拜伊，求一個銀，一個餅，講：求你互我當祭司職的一個，互我通得著淡薄餅來食。』」
2:36 你的後代所賰的人攏會對伊求乞討食，講：求你互我參與祭司的工作，互我通度三頓。』」
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。