上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
士師記
米迦的偶像
17:1 以法蓮山地有一個人名叫米迦。
米迦的偶像
17:1 有一個人叫做米迦，住佇以法蓮山區。
17:2 他給老母講：「你彼一千一百銀互人提去，你因為按呢咒詛，閣講互我聽。看啊，此個銀佇我遮，是我提去。」伊的老母講：「願耶和華賜福我的子。」
17:2 伊對老母講：「你一千一百塊銀互人偷提去，你給彼個人咒詛，閣講互我聽。你看，許個銀佇我遮，是我提的。」
伊的老母講：「願上主賜福我的子。」
17:3 伊就將千一銀還伊的老母。伊的老母講：「我已經對我的手用此個銀，為我的子獻互耶和華，通雕刻一身像，鑄一身像。今我猶原閣交你。」
17:3 伊就將彼千一塊銀還伊的老母。後來伊的老母講：「我欲將諸個銀獻互上主，互我的子通刻一身神像，閣鑄一身神像。今我將諸個銀交你。」
17:4 米迦將銀還伊的老母，伊的老母用二百銀互鑄造的人，伊就用彼個做雕刻的偶像，鑄的偶像，下伊佇米迦的厝。
17:4 米迦閣將許個銀還伊的老母。伊的老母就用兩百塊銀互拍金師傅，造雕刻的神像及鑄的神像。諸個神像下佇米迦的厝。
17:5 此個米迦有上帝的厝，閣製造以弗得及家內許個偶像，行設立的禮，分別伊一個子做伊的祭司。
17:5 米迦有一間神廟，閣造以弗得及家族神像；伊閣給伊一個子設立做祭司。
17:6 彼時以色列中無王，逐人照伊所看做著的來行。
17:6 彼時，以色列人無王，逐個人攏照伊看做著的去做。
17:7 猶大伯利恆有一個少年人，屬猶大族的利未人，伊寄腳佇遐。
17:7 猶大的伯利恆有一個少年人；伊是利未人，暫時住佇猶大支族的地區。
17:8 此人離開猶大伯利恆城，欲尋一個通徛起的所在。行路的時，到以法蓮的山地，米迦的厝。
17:8 伊離開猶大的伯利恆城，欲尋一個通徛起的所在。伊來到以法蓮山區米迦的厝。
17:9 米迦問伊講：「你對叨落來？」伊應講：「我是猶大伯利恆的利未人，欲尋一個通徛起的所在。」
17:9 米迦問伊講：「你對叨位來？」
伊應講：「我是利未人，對猶大的伯利恆來，欲尋一個通徛起的所在。」
17:10 米迦給伊講：「你來及我住，做我的老父、做我的祭司。我逐年互你十個銀仔，一付衣裳及你的日食。」利未人就入去。
17:10 米迦給伊講：「請來及我住，做我的師父，做我的祭司；我逐年互你十塊銀、一套禮服，及食物。」利未人就入去。
17:11 利未人甘願及彼人相及住；米迦看此個少年人親像家己的子。
17:11 利未人答應及米迦做夥住。米迦將此個少年人看做家己的子。
17:12 米迦給利未人行設立的禮，少年人就做伊的祭司，來住佇伊的厝。
17:12 米迦給利未人設立做祭司，伊就住佇米迦的厝。
17:13 米迦講：「今我知耶和華欲好款待我，因為我有一個利未人做祭司。」
17:13 米迦講：「今我知上主欲好款待我，因為我有一個利未人做祭司。」
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。