上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
士師記
參孫出生
13:1 以色列人閣行耶和華所看做歹的事，耶和華將𪜶交佇非利士人的手四十年。
參孫出世
13:1 以色列人閣做上主看做歹的事；上主給𪜶交佇非利士人的手四十年。
13:2 彼時，有一個瑣拉人，是但的族，名叫瑪羅亞。伊的某無懷孕，無生。
13:2 彼時，有一個但支族的瑣拉人，叫做瑪挪亞；伊的某無懷孕，無生。
13:3 耶和華的使者對彼個婦仁人顯現，給伊講：「你平素無懷孕，無生，今你欲懷孕生一個子。
13:3 上主的使者對彼個婦仁人顯現，給伊講：「你以前𣍐懷孕，𣍐生子，毋拘現在你欲懷孕生一個子。
13:4 所以你著細膩，薄酒厚酒攏通飲，無清氣的物也攏通食。
13:4 所以你著細膩，薄酒厚酒毋通飲，律法規定無清氣的物攏毋通食。
13:5 因為你懷孕欲生一個子，剃頭毛的刀通到伊的頭殼，因為此個囝仔對胎裡就歸上帝做拿細耳人。因為伊欲做救以色列的頭一站脫離非利士人的手。」
13:5 你欲懷孕生一個子，毋通給伊剃頭；因為此個囝仔對胎裡就歸上帝做拿細耳人；伊欲開始解救以色列人脫離非利士人的手。」
13:6 婦仁人來給伊的丈夫講：「有一個上帝的人到我遮，伊的容貌親像上帝使者的容貌，真通驚。我無問伊對叨落來，伊也無用伊的名給我講，
13:6 婦仁人去給伊的丈夫講：「有一個上帝重用的人來我遮，伊的容貌親像上帝的使者，互人驚畏。我無問伊對叨位來，伊嘛無給我講伊的名；
13:7 總是給我講：『你懷孕欲生一個子，所以薄酒厚酒攏通飲，無清氣的物也攏通食；因為此個囝仔對胎裡到伊死的日，欲歸上帝做拿細耳的人。』」
13:7 毋拘伊對我講：『你欲懷孕生一個子，所以薄酒厚酒毋通飲，無清氣的物攏毋通食，因為此個囝仔對胎裡到伊死彼日，欲歸上帝做拿細耳人。』」
13:8 瑪羅亞就求耶和華講：「主啊，求你互你所差上帝的人閣來阮遮，通教示阮怎樣款待此個欲生的子。」
13:8 瑪挪亞就求上主講：「主啊，求你互你所差上帝重用的人閣來阮遮，通教導阮按怎對待此個啲欲出世的囝仔。」
13:9 上帝聽瑪羅亞的話；婦仁人坐佇田裡的時，上帝的使者閣到伊遐，總是伊的丈夫瑪羅亞無及伊佇啲。
13:9 上帝聽瑪挪亞的懇求。婦仁人坐佇園裡的時，上帝的使者閣來伊遐；毋拘伊的丈夫瑪挪亞無及伊做夥。
13:10 婦仁人趕緊走去報伊的丈夫給伊講：「彼日來我遮彼個人，閣對我出現。」
13:10 婦仁人趕緊走去報伊的丈夫，給伊講：「彼日來我遮彼個人閣對我顯現。」
13:11 瑪羅亞起來隨伊的某到彼人遐，給伊講：「曾及此個婦仁人講話的是你嗎？」伊講：「是我。」
13:11 瑪挪亞趕緊隨伊的某去彼個人遐，對伊講：「你豈是對阮某講話彼個人？」
伊講：「是。」
13:12 瑪羅亞講：「願你的話應驗！此個囝仔著照甚麼法，阮著對伊怎樣行？」
13:12 瑪挪亞講：「你的話實現了後，阮著按怎教此個囝仔？伊著守什麼規矩？」
13:13 耶和華的使者對瑪羅亞講：「我給婦仁人所講一切的事，伊攏著斟酌。
13:13 上主的使者對瑪挪亞講：「我給此個婦仁人講的代誌，伊攏著謹慎；
13:14 見若葡萄所出的伊通食，薄酒厚酒攏通飲，一切無清氣的物也通食。見我所命令的，伊攏著遵守。」
13:14 所有葡萄樹出的物毋通食，薄酒厚酒毋通飲，一切無清氣的物嘛毋通食。我給伊吩咐的，伊攏著遵守。」
13:15 瑪羅亞對耶和華的使者講：「請你互我留啲，阮通給你備辦一隻山羊仔。」
13:15 瑪挪亞對上主的使者講：「請留落來，互阮通準備一隻山羊仔請你。」
13:16 耶和華的使者給瑪羅亞講：「你雖然留我，我食你的物，你若備辦燒祭就著獻互耶和華。」因為瑪羅亞知伊是耶和華的使者。
13:16 上主的使者給瑪挪亞講：「你給我留落來，我嘛𣍐食你的物件。你若欲獻燒化祭，著獻互上主。」瑪挪亞毋知伊是上主的使者。
13:17 瑪羅亞給耶和華的使者講：「你名叫甚麼，到你的話應驗的時，阮通尊敬你。」
13:17 瑪挪亞對上主的使者講：「請給我講你的大名。你的話實現的時，阮通報答你。」
13:18 耶和華的使者給伊講：「你啥事問我的名，我的名是奇妙的。」
13:18 上主的使者給伊講：「你無應該問我的名。我的名是奇妙，得理解。」
13:19 瑪羅亞將一隻山羊仔及素祭佇石磐頂來獻互耶和華，使者行奇怪的事；瑪羅亞及伊的某看見，
13:19 瑪挪亞將一隻山羊仔及素祭，佇石磐頂獻互上主；彼時，瑪挪亞及伊的某看見一項奇妙的事。
13:20 因為火焰對壇頂淐上天的時，耶和華的使者佇壇頂的火焰中也上去。瑪羅亞及伊的某看見，就仆佇地裡。
13:20 火焰對壇頂淐上天的時，上主的使者嘛對石磐頂的火焰中上去。瑪挪亞及伊的某看見，就仆佇土腳。
13:21 耶和華的使者無閣出現互瑪羅亞及伊的某看見，瑪羅亞才知伊是耶和華的使者。
13:21 上主的使者無閣出現互瑪挪亞及伊的某看見，瑪挪亞才知伊是上主的使者。
13:22 瑪羅亞給伊的某講：「咱的確會死，因為咱有看見上帝。」
13:22 瑪挪亞給伊的某講：「咱一定會死，因為咱有看見上帝。」
13:23 伊的某就給伊講：「耶和華若欲互咱死，的確無對咱的手接納燒祭及素祭，閣無將諸個一切的事指示咱，此霎也無將這事給咱講。」
13:23 伊的某給伊講：「上主若欲互咱死，一定𣍐接納咱獻的燒化祭及素祭，𣍐互咱看見諸個代誌，嘛𣍐佇此陣互咱聽著諸個話。」
13:24 後來婦仁人生一個子，給伊號名叫參孫。囝仔大漢，耶和華賜福伊。
13:24 後來，婦仁人生一個子，給伊號名叫做參孫；囝仔大漢，上主賜福伊。
13:25 佇瑪哈尼‧但，就是瑣拉及以實陶的中間，耶和華的神起頭感動伊。
13:25 佇瑣拉及以實陶中間的瑪哈尼‧但，上主的神開始充滿伊。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。