上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
士師記
陀拉
10:1 亞比米勒了後，有以薩迦人朵多的孫、普瓦的子陀拉起來，拯救以色列人。伊𫢶佇以法蓮山地的沙密。
陀拉
10:1 亞比米勒死了後，有以薩迦支族的人朵多的孫，普瓦的子，陀拉興起，解救以色列人；伊住佇以法蓮山區的沙密。
10:2 伊做以色列的士師二十三年，就死，埋葬佇沙密。
10:2 伊做以色列的士師二十三年。伊死，人給伊安葬佇沙密。
睚珥
10:3 伊了後有基列人睚珥起來，做以色列的士師二十二年。
睚珥
10:3 陀拉死了後，基列人睚珥興起，做以色列的士師二十二年。
10:4 伊有三十個子，騎三十隻的驢仔。𪜶有三十座城，名叫哈倭特‧睚珥，到今仔日，攏是佇基列地。
10:4 伊有三十個子，騎三十隻驢仔，閣有三十座城，攏佇基列地區；諸個城到今仔日猶叫做哈倭特‧睚珥。
10:5 睚珥死，就埋葬佇加們。
10:5 睚珥死，人給伊安葬佇加們。
耶弗他
10:6 以色列人閣行耶和華所看做歹的事，去服事諸個巴力及亞斯他錄，以及亞蘭的上帝、西頓許個上帝、摩押的上帝、亞捫人的上帝、非利士人的上帝，棄拺耶和華，無服事伊。
耶弗他
10:6 以色列人閣做上主看做歹的事，去服事巴力及亞斯她錄，以及敘利亞、西頓、摩押、亞捫人，及非利士人的神明；𪜶棄拺上主，無服事伊。
10:7 耶和華受氣以色列人，賣𪜶佇非利士人的手及亞捫人的手。
10:7 上主對以色列人發受氣，將𪜶交互非利士人及亞捫人。
10:8 𪜶對彼年，擾亂壓制以色列人十八年，就是佇約但彼旁、眾以色列人徛起佇亞摩利人的地就是佇基列的。
10:8 𪜶擾亂閣壓制住佇約旦河東旁，亞摩利人境內，基列地區的以色列人有十八年久。
10:9 亞捫人閣過約但河去攻擊猶大、便雅憫、以法蓮族。以色列人就盡在窘迫。
10:9 亞捫人閣過約旦河，去攻擊猶大、便雅憫，及以法蓮諸個支族，以色列人就非常困苦。
10:10 以色列人哀求耶和華講：「阮得罪你；因為有棄拺阮的上帝，去服事諸個巴力。」
10:10 以色列人哀求上主，講：「阮有得罪你，因為阮棄拺阮的上帝，去服事巴力。」
10:11 耶和華對以色列人講：「我豈無救恁脫離埃及人、亞摩利人、亞捫人、及非利士人嗎？
10:11 上主對以色列人講：「我豈無將恁對埃及人、亞摩利人、亞捫人，及非利士人的手解救出來？
10:12 西頓人、亞瑪力人、馬雲人，也攏壓制恁；恁哀求我，我也拯救恁脫離𪜶的手。
10:12 西頓人、亞瑪力人，及瑪雲人壓制恁，恁哀求我，我嘛有解救恁脫離𪜶的手。
10:13 恁竟然放拺我，服事別個上帝！所以我無閣救恁。
10:13 今恁竟然放拺我，去服事別個神明，所以我無欲閣救恁。
10:14 恁去哀求恁所揀的上帝；恁抵著患難的時，通互𪜶救恁！」
10:14 恁去哀求恁所揀的神明，互𪜶佇恁患難的時解救恁。」
10:15 以色列人對耶和華講：「阮犯罪啦，出在你的意思款待阮！獨獨求你今仔日救阮。」
10:15 以色列人對上主講：「阮有犯罪，出在你的意思對待阮；毋拘懇求你今仔日解救阮。」
10:16 𪜶就對𪜶中間除去外邦的上帝，服事耶和華。耶和華的心因為以色列人的艱苦，就憂悶。
10:16 𪜶就將𪜶中間的外邦神明除去，只有服事上主；上主對以色列人的困苦真不忍心。
10:17 當彼時亞捫人聚集，紮營佇基列。以色列人也聚集，紮營佇米斯巴。
10:17 亞捫人閣聚集，佇基列紮營；以色列人嘛聚集，紮營佇米斯巴。
10:18 基列的百姓及眾首領大家相及議論講：「是誰會代先去攻擊亞捫人，彼人欲做基列眾百姓的頭人。」
10:18 基列的軍兵及官長參詳決定，講：「什麼人先去攻擊亞捫人，伊就做基列住民的領袖。」
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。