上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
士師記
耶和華的使者佇波金
2:1 耶和華的使者對吉甲上到波金，講：「我互恁對埃及上來，導恁到我對恁列祖咒誓的地。我也曾講：『所及恁立的約我永遠無違背。
上主的使者佇波金顯現
2:1 上主的使者對吉甲來到波金，對以色列人講：「我互恁對埃及出來，導恁來到我對恁的列祖立誓應允的地；我曾講：『我及恁立的約，我永遠𣍐違背；
2:2 恁也通及此所在徛起的百姓立約，著拆毀𪜶的壇。恁竟然聽我的話！是怎樣按呢行啊？』
2:2 恁嘛毋通及此所在的住民立約；著拆毀𪜶的祭壇。』恁竟然毋聽我的話！恁是按怎按呢做？
2:3 因為按呢我閣講：『我無欲對恁的面前趕出𪜶；𪜶欲做恁脇下的茦。𪜶的上帝欲做害恁的羅網。』」
2:3 因為按呢，我給恁講：『我無欲對恁的面前給𪜶趕走；𪜶欲成做恁的對敵，𪜶的神明欲成做害恁的羅網。』」
2:4 耶和華的使者對以色列眾人講諸個話的時，百姓就開聲啼哭；
2:4 上主的使者講諸個話了後，以色列眾人就大聲啼哭。
2:5 就號彼所在的名叫波金。𪜶佇遐獻祭互耶和華。
2:5 𪜶給彼所在號名叫做波金；𪜶佇遐獻祭互上主。
約書亞死
2:6 約書亞已經差以色列人去的時，𪜶逐人歸𪜶的業，來得著𪜶的地。
約書亞死
2:6 ( 書 24:28-31 )
約書亞解散以色列人；𪜶就倒去家己分著的家業，佔領許個土地。
2:7 約書亞佇啲的日及約書亞死了後，許個看見耶和華為以色列人所行大事的長老猶佇啲的時，百姓服事耶和華。
2:7 約書亞活啲的時，人民服事上主；伊死了後，許個親目看著上主為以色列人所做偉大的事的長老猶活啲的時，人民猶原服事上主。
2:8 耶和華的奴僕、嫩的子約書亞，一百一十歲就死。
2:8 上主的僕人，嫩的子約書亞死，享年一百十歲。
2:9 𪜶就埋葬伊佇伊的業的界內，就是佇以法蓮山地的亭拿‧希烈，佇迦實山的北勢。
2:9 以色列人給伊安葬佇以法蓮山區，迦實山北旁的亭拿‧西拉伊分著的土地。
2:10 彼代的人攏倒祖。以後閣一代的人興起，知耶和華，也知為以色列人所行的事。
2:10 彼代的人攏死了；後一代的人起來，𪜶毋識上主，嘛毋知伊為著以色列人所做的事。
以色列人棄拺耶和華
2:11 以色列人行耶和華看做歹的事，去服事巴力，
以色列人棄拺上主
2:11 以色列人做上主看做歹的事，去服事巴力。
2:12 棄拺𪜶列祖的上帝──耶和華就是導𪜶出埃及地的，去隨別個上帝，就是四圍許個百姓的上帝，跪拜𪜶，來惹耶和華的大受氣；
2:12 𪜶棄拺導𪜶出埃及的上主 — 𪜶列祖的上帝，去隨四圍外族的神明，給𪜶跪拜，惹上主受氣。
2:13 𪜶也棄拺耶和華，去服事巴力及亞斯他錄。
2:13 以色列人棄拺上主，去服事巴力及亞斯她錄。
2:14 耶和華受氣以色列的人，將𪜶交佇搶掠𪜶的人的手，𪜶就搶𪜶，伊閣賣𪜶互四圍對敵的手，致到𪜶佇𪜶的對敵的頭前無閣徛會住。
2:14 上主對𪜶發大受氣，將𪜶交互搶掠𪜶的人；伊閣將𪜶交互四圍的對敵，以色列人就𣍐當抵抗𪜶的對敵。
2:15 𪜶無論去叨落，耶和華伸手降災禍互𪜶，照耶和華所講的話，閣照耶和華對𪜶所咒誓的；𪜶就極困苦。
2:15 𪜶逐遍出戰，上主攏照伊所講所立誓的，降災禍攻擊𪜶；𪜶就非常困苦。
2:16 耶和華就興起士師，𪜶就救百姓脫離搶掠𪜶的人的手。
2:16 上主興起士師，士師就解救人民脫離搶掠𪜶的人的手。
2:17 總是𪜶無聽趁𪜶的士師，竟然行邪淫，隨別個上帝來跪拜𪜶，𪜶的列祖趁耶和華的命令所行的路，𪜶緊緊歪斜伊無照按呢行。
2:17 毋拘𪜶無聽趁𪜶的士師，竟然背叛上主，去隨別個神明給𪜶跪拜；𪜶的列祖順趁上主的命令所行的路，𪜶真緊偏離，無照按呢行。
2:18 耶和華給𪜶興起士師的時，耶和華就及士師佇啲。也佇士師活佇啲一切的日，救𪜶脫離對敵的手。𪜶因為受壓制苦楚，就吐氣，所以耶和華就退悔。
2:18 上主逐遍為著𪜶興起士師，伊攏及士師同在；佇士師猶活啲的時，上主救人民脫離對敵的手。𪜶受壓制，哀呻吐氣的時，上主就憐憫𪜶。
2:19 到士師死了，𪜶就越轉去行，比𪜶的父公閣卡歹，隨別個上帝來服事𪜶跪拜𪜶，攏無改𪜶的所行及𪜶固執的路。
2:19 士師死了後，𪜶越轉去作歹，比𪜶的列祖閣較嚴重；隨別個神明，給𪜶服事跪拜，硬心毋放棄所做的歹及敗壞的行為。
2:20 耶和華就受氣以色列人。講：「因為此個百姓違背我的約就是我所命令𪜶的列祖的，也無聽趁我的話，
2:20 上主就對以色列人受氣，講：「此個子民違背我命令𪜶的列祖應該守的約，毋聽趁我的話，
2:21 所以約書亞死的時所剩的逐族，以後我無欲閣佇𪜶的面前趕出一族，
2:21 所以，約書亞死的時留落來的外族人，我連一族都無欲給𪜶趕走；
2:22 通用諸個來試驗以色列人，看𪜶肯執守耶和華的道路來行伊，親像𪜶的列祖曾守伊抑無。」
2:22 用諸個外族人來試驗以色列人，看𪜶肯親像𪜶的列祖遵行上主的道路抑無。」
2:23 所以耶和華留諸個族，無緊緊趕𪜶出，也無將𪜶交佇約書亞的手。
2:23 所以，上主留諸個族，無將𪜶交互約書亞，嘛無佇約書亞死了後真緊給𪜶趕走。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。