上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
約書亞記
設立逃閃城
20:1 ( 民 35:9-28 申 19:1-13 )
耶和華吩咐約書亞講：
設立避難城
20:1 ( 民 35:9-28 申 19:1-13 )
上主吩咐約書亞講：
20:2 「你吩咐以色列人講：恁著照我託摩西所給恁講的，為家己設立逃閃的城，
20:2 「著命令以色列人，照我通過摩西給恁講的，為恁家己設立避難城，
20:3 互彼個無意中錯誤刣人的，通走到遐，許個城通做恁閃避報人命的人的所在。
20:3 互無意中誤殺人的通走去遐。許個城通做恁閃避報冤仇的人的所在。
20:4 伊欲走到諸個城的一個，徛佇城門口，將伊的事情講互彼個城的長老聽。𪜶就收伊入城，互伊一所在，互伊𫢶佇𪜶中間。
20:4 誤殺人的通走去許個城，徛佇城門口，將伊的事情講互彼個城的長老聽；𪜶就通接伊入城，互伊一個所在，住佇𪜶中間。
20:5 報人命的若追趇伊，𪜶通用刣人的交佇伊的手；因為伊錯誤刣死伊的厝邊，平素無怨恨伊。
20:5 報冤仇的人若趇到彼個城，城內的人𣍐用得將刣死人的交出去；因為伊是無意中刣死人，及死去的人無冤仇。
20:6 伊欲住佇彼個城，聽候徛佇會眾的面前受審判，聽候彼時的祭司長已經死，刣人的才通倒去到本城本家，就是伊所對遐走出來彼個城。」
20:6 伊著住佇彼個城，佇會眾的面前受審判。到彼時的大祭司死，伊才通倒去伊走出來的本城本家。」
20:7 𪜶就定著設佇拿弗他利山地，佇加利利的基低斯；及佇以法蓮山地的示劍；以及佇猶大山地的基列‧亞巴（就是希伯崙）；
20:7 𪜶就決定設立避難城佇拿弗他利山區加利利的基低斯，及佇以法蓮山區的示劍，以及佇猶大山區的基列‧亞巴，就是希伯崙。
20:8 閣佇約但彼旁，近耶利哥東勢，設立屬流便支派，佇曠野，佇平洋的比悉；及屬迦得支派基列的拉末；以及屬瑪拿西支派，巴珊的哥蘭。
20:8 閣佇約旦河東旁設立避難城，佇耶利哥東旁屬呂便支族的曠野平原的比悉，及屬迦得支族基列的拉末，以及屬瑪拿西支族巴珊的戈蘭。
20:9 諸個是為著以色列眾人及寄腳佇中間所設的城，互錯誤刣人的攏通走到遐，無死佇報人命的人的手，聽候伊徛佇會眾的面前。
20:9 諸個是為著以色列眾人，及住佇𪜶中間的外族人設立的避難城，互無意中誤殺人的攏通走去遐，免互報冤仇的人刣死，聽候伊公開受審判。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。