上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
約書亞記
分互猶大支派的土地
15:1 猶大支派照宗族拈鬮所得著的地是佇極南勢，到以東的交界，向南直到尋的曠野。
分互猶大支族的土地
15:1 猶大支族照𪜶的宗族抽籤得著的地區，是佇上南旁，順以東的邊界向南直到尋的曠野。
15:2 𪜶南勢的界，是對鹽海的極頭，就是向南的海灣，
15:2 𪜶南旁的境界，是對鹽海上南旁，
15:3 𥦁到亞克拉濱山坪的南勢，連到尋，上到加低斯‧巴尼亞的南勢，閣過希斯崙，上到亞達珥，踅到甲加，
15:3 迵到亞克拉濱山坪的南旁，經過尋，到加低斯‧巴尼亞的南旁，閣過希斯崙，上到亞達珥，踅過甲加，
15:4 連到押們，𥦁到埃及的小河，此個界到海為止。這就是恁南勢的界。
15:4 經過押捫，迵到埃及的溪谷，到地中海為止。這就是猶大支族南旁的邊界。
15:5 東勢的界，就是鹽海到約但河口。北勢的界是對約但河口的海灣起，
15:5 東旁的邊界是鹽海，上到約旦河的出口。
北旁的邊界是對約旦河的出口開始，
15:6 上到伯‧曷拉，過伯‧亞拉巴的北勢，上到流便的子波罕的石磐；
15:6 上到伯‧曷拉，經過伯‧亞拉巴的北旁，上到波罕的石磐 (波罕是呂便的子)；
15:7 彼個界閣對亞割的山谷，上到底璧對北勢上去，向亞都冥的山坪對面的吉甲；佇河的南旁的，彼個界到隱‧示麥的水，到隱‧羅結為止，
15:7 彼個邊界閣對亞割山谷上到底璧，向北上去亞都冥山坪的對面，河的南旁的吉甲；閣經過隱‧示麥的水泉，到隱‧羅結；
15:8 此個界經過便欣嫩的山谷，就到耶布斯山墘的南勢（耶布斯就是耶路撒冷）；彼個界閣上到便欣嫩山谷西勢的山頂，就是利乏音山谷北勢的極頭；
15:8 此個邊界閣經過欣嫩子山谷，上到耶布斯山坡地的南旁 (耶布斯就是耶路撒冷)；彼個邊界閣上到欣嫩山谷西旁對面的山頂，就是利乏音山谷的上北旁；
15:9 彼個界閣對山頂到尼弗多亞的水泉，𥦁到以弗崙山許個城，彼個界閣到巴拉（巴拉就是基列‧耶琳）；
15:9 彼個邊界閣對山頂到尼弗多亞的水泉，迵到以弗崙山許個城市，閣到巴拉 (巴拉就是基列‧耶琳)；
15:10 彼個界閣對巴拉向西勢踅到西珥山，過到耶琳山邊的北旁（耶琳就是基撒崙）；閣落去到伯‧示麥經過亭納，
15:10 彼個邊界閣對巴拉向西旁踅過以東山，到耶琳山邊的北旁 (耶琳就是基撒崙)，閣落去到伯‧示麥，經過亭拿；
15:11 彼個界閣𥦁到以革倫邊仔的北勢，彼個界續到施基崙，經過到巴拉山；閣𥦁到雅比聶，此個界到海為止。
15:11 彼個邊界閣迵到以革倫山坪的北旁，續到施基崙，經過巴拉山，迵到雅比聶，到地中海為止。
15:12 西勢的界到大海及伊的海墘。這是猶大人照𪜶的宗族四圍的交界。
15:12 地中海就是猶大支族西旁的邊界。
這是猶大人，照𪜶的宗族所得著的地四圍的邊界。
迦勒攻取希伯崙及底璧
15:13 ( 士 1:11-15 )
照耶和華命令約書亞的，伊就佇猶大的族中將一分互耶孚尼的子迦勒做業，就是基列‧亞巴（也名希伯崙）。亞巴是亞衲族的祖。
迦勒征服希伯崙及底璧
15:13 ( 士 1:11-15 )
約書亞照上主的命令，將猶大支族中一份的土地，就是基列‧亞巴，互耶孚尼的子迦勒做家業；基列‧亞巴就是希伯崙。(亞巴是亞衲族的祖先。)
15:14 迦勒對遐趕出亞衲三個子，就是示篩，亞希幔、撻買，攏是亞衲的子；
15:14 迦勒對遐趕出亞衲三個子，示篩、亞希幔，及達買的後代。
15:15 閣對遐上去攻，底璧徛起的百姓。（此個底璧前名叫基列‧西弗。）
15:15 閣對遐去攻擊底璧的住民。底璧以前叫做基列‧西弗。
15:16 迦勒講：「若有人拍基列‧西弗來取伊，我欲將我的查某子押撒互伊做某。」
15:16 迦勒講：「什麼人攻取基列‧西弗，我就將我的查某子押撒互伊作某。」
15:17 迦勒的兄弟基納斯的子俄陀聶取伊，伊就將伊的查某子押撒互伊做某。
15:17 迦勒的小弟基納斯的子俄陀聶攻取此個城，迦勒就將查某子押撒互伊作某。
15:18 押撒過門的時，勸丈夫對𪜶老父討一區田，押撒對驢落來，迦勒問講：「你欲甚麼啊？」
15:18 押撒出嫁彼日，俄陀聶叫伊著給伊的老父討一坵園。押撒對驢仔落來；迦勒問伊講：「你欲愛什麼？」
15:19 伊講：「求你賜福我，你已經安置我佇南方的地，求你互我水泉。」伊就用頂的水泉，下的水泉互伊。
15:19 押撒講：「請你互我一份禮物。你有互我一塊南旁的焦地，請閣互我水泉。」迦勒就將頂下兩個水泉攏互伊。
猶大所得的城
15:20 這是猶大人的支派所得著的業照伊的宗族。
分互猶大支族的城鎮
15:20 下面是猶大支族逐個宗族所得著的產業：
15:21 猶大人的支派南勢極頭的城，及以東交界相近的，就是甲設、以得、雅姑珥、
15:21 猶大支族上南旁倚近以東邊界的城鎮，有甲薛、以得、雅姑珥、
15:22 基拿、底摩拿、亞大達、
15:22 基拿、底摩拿、亞大達、
15:23 基低斯、夏瑣、以提楠、
15:23 基低斯、夏瑣、以提楠、
15:24 西弗、提鍊、比亞錄、
15:24 西弗、提鍊、比亞綠、
15:25 夏瑣‧哈大他、加略‧希斯崙（就是夏瑣）、
15:25 夏瑣‧哈大他、加略‧希斯崙 (就是夏瑣)、
15:26 亞曼、示瑪、摩拉大，
15:26 亞曼、示瑪、摩拉大、
15:27 哈薩‧迦大、黑實門、伯‧帕列、
15:27 哈薩‧迦大、黑實門、伯‧帕列、
15:28 哈薩‧書亞、別是巴、比斯約他、
15:28 哈薩‧書亞、別是巴、比斯約他、
15:29 巴拉、以因、以森、
15:29 巴拉、以因、以森、
15:30 伊勒多臘、基失、何珥瑪、
15:30 伊勒多臘、基失、何珥瑪、
15:31 洗革拉、麥瑪拿、三撒拿、
15:31 洗革拉、麥瑪拿、三撒拿、
15:32 利巴勿、實忻、亞因、臨門、共二十九座城，及𪜶的鄉社。
15:32 利巴勿、實欣、亞因、臨門，共二十九座城，及附近的庄社。
15:33 佇平洋有以實陶、瑣拉、亞實拿、
15:33 佇山埔有以實陶、瑣拉、亞實拿、
15:34 撒羅亞、隱‧干寧、他普亞、以楠、
15:34 撒挪亞、隱‧干寧、他普亞、以楠、
15:35 耶末、亞杜蘭、梭哥、亞西加、
15:35 耶末、亞杜蘭、梭哥、亞西加、
15:36 沙拉音、亞底他音、基底拉、基底羅他音，共十四座城，及伊的鄉社。
15:36 沙拉音、亞底他音、基底拉、基底羅他音，共十四座城，及附近的庄社。
15:37 洗楠、哈大沙、麥大‧迦得、
15:37 閣有洗楠、哈大沙、麥大‧迦得、
15:38 底連、米斯巴、約帖、
15:38 底連、米斯巴、約帖、
15:39 拉吉、波斯加、伊磯崙、
15:39 拉吉、波斯加、伊磯倫、
15:40 迦本、拉幔、基提利、
15:40 迦本、拉幔、基提利、
15:41 基低羅、伯‧大袞、拿瑪、瑪基大，共十六座城，及伊的鄉社。
15:41 基低羅、伯‧大袞、拿瑪、瑪基大，共十六座城，及附近的庄社。
15:42 立拿、以帖、亞珊、
15:42 閣有立拿、以帖、亞珊、
15:43 益弗他、亞實拿、尼悉、
15:43 耶弗他、亞實拿、尼悉、
15:44 基伊拉、亞革悉、瑪利沙，共九座城，及伊的鄉社。
15:44 基伊拉、亞革悉、瑪利沙，共九座城，及附近的庄社。
15:45 閣有以革倫及伊的街市伊的鄉社；
15:45 閣有以革倫以及周圍的鄉鎮及庄社，
15:46 對以革倫到海，一切倚近亞實突的，及伊的鄉社。
15:46 以革倫向西所有倚近亞實突的地區，及附近的庄社。
15:47 亞實突及伊的街市，伊的鄉社；迦薩及伊的街市，伊的鄉社；到埃及小河，及大海以及伊的海墘。
15:47 閣有亞實突及周圍的鄉鎮以及庄社，迦薩及周圍的鄉鎮以及庄社，直到埃及溪谷，及地中海，以及沿海地區。
15:48 佇山地有沙密、雅提珥、梭哥、
15:48 佇山區有沙密、雅提珥、梭哥、
15:49 大拿、基列‧薩拿（就是底璧）、
15:49 大拿、基列‧薩拿 (就是底璧)、
15:50 亞拿伯、以實提莫、亞念、
15:50 亞拿伯、以實提莫、亞念、
15:51 歌珊、何倫、基羅，共十一座城，及伊的鄉社。
15:51 歌珊、何崙、基羅，共十一座城，及附近的庄社。
15:52 閣有亞拉、度瑪、以珊、
15:52 閣有亞拉、度瑪、以珊、
15:53 雅農、伯‧他普亞、亞非加、
15:53 雅農、伯‧他普亞、亞非加、
15:54 宏他、基列‧亞巴（就是希伯崙）、洗珥，共九座城，及伊的鄉社。
15:54 宏他、基列‧亞巴 (就是希伯崙)、洗珥，共九座城，及附近的庄社。
15:55 閣有瑪雲、迦密、西弗、淤他、
15:55 閣有瑪雲、迦密、西弗、淤他、
15:56 耶斯列、約甸、撒挪亞、
15:56 耶斯列、約甸、撒挪亞、
15:57 該隱、基比亞、亭納，共十座城，及伊的鄉社。
15:57 該隱、基比亞、亭拿，共十座城，及附近的庄社。
15:58 閣有哈忽、伯‧夙，基突、
15:58 閣有哈忽、伯‧夙、基多、
15:59 瑪臘、伯‧亞諾、伊勒提君，共六個城，及伊的鄉社。
15:59 瑪臘、伯‧亞諾、伊勒提君，共六座城，及附近的庄社。
15:60 閣有基列‧巴力（就是基列‧耶琳）、拉巴，共二座城，及伊的鄉社。
15:60 閣有基列‧巴力 (就是基列‧耶琳)、拉巴，共兩座城，及附近的庄社。
15:61 佇曠野有伯‧亞拉巴、密丁、西迦迦、
15:61 佇曠野有伯‧亞拉巴、密丁、西迦迦、
15:62 匿珊、鹽城、隱‧基底，共六座城，及伊的鄉社。
15:62 匿珊、鹽城、隱‧基底，共六座城，及附近的庄社。
15:63 論到𫢶佇耶路撒冷的耶布斯人，猶大人𣍐會趕𪜶出去，總是耶布斯佇耶路撒冷及猶大人相及徛起，直到今仔日。
15:63 住佇耶路撒冷的耶布斯人，猶大人無法度給𪜶趕出去；耶布斯人及猶大人做夥住佇耶路撒冷，直到今仔日。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。