上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
約書亞記
分約但河西的地
14:1 以色列人佇迦南地所得著的業，就是祭司以利亞撒及嫩的子約書亞，及以色列逐支派的族長所分互𪜶的，攏記佇下底，
分配約旦河西旁的土地
14:1 下面是以色列人佇迦南地，就是約旦河西旁，所得著的家業，是祭司以利亞撒及嫩的子約書亞，以及以色列逐支族的族長，分互𪜶的。
14:2 是照耶和華託摩西所命令的，拈鬮分互九支派閣半支派。
14:2 𪜶照上主對摩西的命令，抽籤分配互九個支族閣半支族的土地。
14:3 因為摩西佇約但河彼旁已經分業互二個支派閣半支派，獨獨佇𪜶中間無分業互利未人。
14:3 摩西佇約旦河東旁，已經將兩個支族閣半支族的家業分互𪜶，毋拘無分家業互利未人；
14:4 因為約瑟的子孫是二支派，就是瑪拿西及以法蓮，總是無用地分互利未人做業，只有互𪜶城通徛起，及城的郊野，通做精牲及財物的路用。
14:4 約瑟的後代分做瑪拿西及以法蓮兩個支族。雖然摩西無將土地分互利未人做家業，毋拘互𪜶城鎮通住，草埔通飼牲生。
14:5 以色列人照耶和華所命令摩西的去行，來分彼個地。
14:5 以色列人照上主命令摩西的話分配彼個地。
迦勒得著希伯崙做業
14:6 彼時，猶大人佇吉甲見約書亞，有基尼洗族耶孚尼的子迦勒給伊講：「早佇加低斯‧巴尼亞，耶和華對上帝的奴僕摩西所講，關係你我的代誌的，你攏知。
迦勒分著希伯崙
14:6 有一日，猶大人來吉甲見約書亞，基尼洗人耶孚尼的子迦勒對伊講：「上主佇加低斯‧巴尼亞，對上帝重用的人摩西所講關係你及我的代誌，你攏知。
14:7 耶和華的奴僕摩西對加低斯‧巴尼亞差我偷看此個地，彼時我抵仔四十歲；我盡我的心回覆伊。
14:7 上主的僕人摩西對加低斯‧巴尼亞派我來探查此個地的時，我抵仔四十歲；我照我心內所確信的給伊報告。
14:8 總是，及我上去許個兄弟互百姓心失志；獨獨我全心隨耶和華──我的上帝。
14:8 毋拘及我做夥去探查的兄弟的報告互人民驚甲神不附體，只有我忠實信靠上主 — 我的上帝。
14:9 當日摩西咒誓講：『你的腳所踏的地定著欲歸你及你的子孫永遠做業，因為你全心跟隨耶和華──我的上帝。』
14:9 彼日，摩西咒誓講：『你的腳所踏的地，一定欲互你及你的後代做永遠的家業，因為你忠實信靠上主 — 我的上帝。』
14:10 看啊，耶和華照伊所講的，互我活啲已經四十五年；就是對以色列人行佇曠野，耶和華給摩西講這話的時。看啊，現今我八十五歲啦，
14:10 對以色列人佇曠野飄流，上主給摩西講諸個話的時到今，已經過四十五年。你看，上主照伊的應允，互我猶活啲，現在我已經八十五歲啦。
14:11 我猶久勇健，親像摩西差我去彼日一樣；無論是爭戰，是出入，我的氣力彼時怎樣，現在我的氣力也是按呢。
14:11 今仔日我猶勇健，及摩西派我去探查的時仝款；無論是交戰，是出出入入，我的氣力彼時按怎，現在嘛按呢。
14:12 求你用耶和華彼日所講的山地互我；因為彼日你也有聽見，佇遐有亞衲族的人，伊的城闊大堅固。若耶和華及我佇啲，我就欲趕𪜶出，照耶和華所講的。」
14:12 請你將上主彼日所應允的山區互我。彼日你嘛有聽著，佇遐有亞衲族的人，𪜶的城大閣堅固；若上主及我同在，照伊的應允，我就會給𪜶趕出去。」
14:13 約書亞就給伊祝福，用希伯崙互耶孚尼的子迦勒做業。
14:13 約書亞就給耶孚尼的子迦勒祝福，用希伯崙互伊做家業。
14:14 所以希伯崙做基尼洗族耶孚尼的子迦勒的產業，直到今仔日，因為伊全心跟隨耶和華──以色列的上帝。
14:14 所以，希伯崙是基尼洗人耶孚尼的子迦勒的家業，直到今仔日；因為伊忠實信靠上主 — 以色列的上帝。
14:15 希伯崙前叫基列‧亞巴；此個亞巴是亞衲族中第一大的人。對按呢國內太平，無閣交戰。
14:15 希伯崙以前叫做基列‧亞巴。亞巴是亞衲族上偉大的人。
對按呢，彼個地太平，無閣有戰爭。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。