上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
約書亞記
耶利哥城陷落
6:1 耶利哥的城門因為以色列人的緣故就關住住，無人出也無人入。
圍攻耶利哥城
6:1 耶利哥的城門，因為以色列人的緣故關牢牢，無人出入。
6:2 耶和華給約書亞講：「看啊，我有將耶利哥及伊的王，及伊大力的勇士，攏交佇你的手。
6:2 上主對約書亞講：「你看，我已經將耶利哥及伊的王，伊強猛的勇士，攏交佇你的手。
6:3 恁一切的戰士著圍踅此個城，一擺，六日攏著按呢行。
6:3 恁所有的戰士著踅此個城，一日一遍，踅六日；
6:4 七個祭司著攑七支羊角的號筒行佇約櫃的頭前。到第七日，恁著踅城七擺，祭司也著歕號筒。
6:4 七個祭司著攑七支羊角的哨角行佇約櫃的頭前；到第七日，恁著踅城七遍，祭司嘛著歕哨角。
6:5 𪜶歕角的聲拖長，恁聽見號筒的聲，眾百姓著大聲喝，城牆就欲倒平平，逐人攏著直直進前去。」
6:5 恁一下聽著哨角拖長的聲，所有的人著大聲喝，城牆就會倒甲平平平，逐個人攏著繼續進前，衝入城。」
6:6 嫩的子約書亞叫祭司來，給𪜶講：「恁著扛約櫃，祭司七人攑七支羊角的號筒佇耶和華的櫃前」；
6:6 嫩的子約書亞召集祭司，對𪜶講：「恁著扛約櫃，七個祭司攑七支羊角的哨角，行佇上主約櫃的頭前。」
6:7 閣給百姓講：「恁著進前去踅城，帶軍器的著行佇耶和華的櫃前。」
6:7 伊閣給人民講：「恁著進前去踅城，帶軍器的著行佇上主約櫃的頭前。」
6:8 約書亞對百姓講息，七個祭司攑七支羊角的號筒行佇耶和華的面前歕號筒；耶和華的約櫃隨佇𪜶的後面。
6:8 約書亞對人民講煞，七個祭司攑七支羊角的哨角，行佇上主的面前歕哨角；上主的約櫃隨佇𪜶的後面。
6:9 帶軍器的行佇歕號筒的祭司的頭前，後隊隨約櫃行。祭司愈行愈歕號筒。
6:9 帶軍器的先鋒隊行佇歕哨角的祭司頭前，後隊隨約櫃行；祭司那行那歕哨角。
6:10 約書亞命令百姓講：「恁通喝，通互人聽見恁的聲，連一句也通出嘴，聽候我吩咐恁喝的日，彼時才通喝。」
6:10 約書亞命令人民，講：「恁毋通喝，毋通互人聽著恁的聲，連一句都毋通喝出嘴，聽候我吩咐恁喝的時，恁才通喝。」
6:11 對按呢，伊互耶和華的約櫃圍城，踅一擺；𪜶就倒來營盤，歇佇營內。
6:11 按呢，約書亞互上主的約櫃踅城踅一輪；然後，𪜶倒來營地歇暝。
6:12 天光約書亞早早起來，祭司也扛耶和華的約櫃。
6:12 約書亞透早起來，祭司閣扛上主的約櫃。
6:13 攑七支羊角的號筒的七個祭司佇耶和華的櫃前，直直行歕號筒；帶軍器的佇𪜶的頭前行，後隊隨耶和華的約櫃行。祭司愈行愈歕號筒。
6:13 攑羊角的哨角的七個祭司，行佇上主約櫃的頭前歕哨角；帶軍器的先鋒隊行佇祭司的頭前，後隊隨佇上主約櫃的後面，祭司那行那歕哨角。
6:14 第二日，𪜶踅城一擺，就倒來營盤。六日攏是按呢行。
6:14 第二日𪜶嘛踅城踅一輪，然後倒來營地。六日攏按呢做。
6:15 第七日拍昲光的時，𪜶早早起來，照按呢踅城七擺；只有此日踅城七擺。
6:15 第七日天昲光的時，𪜶就起來，照仝款的方式踅城，毋拘此日踅城踅七輪。
6:16 到第七擺，祭司歕號筒的時，約書亞給百姓講：「著喝啊，因為耶和華用城交互恁啦！
6:16 到第七遍，祭司歕哨角的時，約書亞對人民講：「著大聲喝，因為上主已經將此個城交互恁啦！
6:17 此個城及其中一切所有的攏著分別歸互耶和華；只有娼妓喇合以及一切及伊佇厝內的通活啲，因為伊有囥密咱所差的使者。
6:17 此個城及內面所有的，攏著完全毀滅獻互上主；只有娼妓喇合，以及所有𫢶佇伊厝內的人，著留𪜶的性命；因為伊有藏咱派去的偵探。
6:18 恁佇應該滅的物著家己謹慎，驚了恁提應該滅的物，致到家己也做應該滅的，閣連累以色列全營也做應該滅的，來害著伊。
6:18 恁著謹慎，毋通提應該毀滅的物，才免恁受咒詛；恁若提應該毀滅的物，以色列全營就會成做應該毀滅的，惹起災禍。
6:19 只有金、銀及銅鐵的器具攏著分別歸互耶和華，收入耶和華的府庫。」
6:19 毋拘金、銀，以及銅及鐵的器具，攏著分別作聖歸互上主，收入上主的府庫。」
6:20 百姓就喝，祭司也歕號筒。百姓聽見號筒的聲，就大聲喝，城牆就倒到平平，百姓就進前入城，逐人直直去，對按呢取彼個城；
6:20 人民就大聲喝，祭司歕哨角。人民聽著哨角的聲，就閣較大聲喝，城牆就倒甲平平平，人民就衝入去，奪取彼個城。
6:21 閣將城內所有的，無論男女老幼，牛、羊及驢，攏用刀一盡滅伊。
6:21 人民將城內所有的，無論男婦老幼、牛、羊，及驢，全部用刀給𪜶消滅。
6:22 約書亞給偵探彼個地彼二人講：「恁入去彼個娼妓的厝，照恁對伊所咒誓的，導彼個婦仁人及一切屬佇伊的攏對遐出來。」
6:22 約書亞給彼兩個探查彼個地的人講：「恁入去彼個娼妓的厝，照恁對伊咒誓的，導彼個婦仁人及所有屬伊的人出來。」
6:23 許個做偵探的少年人就入去，導喇合及伊的老父老母、兄弟，以及一切屬佇伊的出來，也導伊的親戚出來，互𪜶住佇以色列的營外。
6:23 彼兩個做偵探的少年人就入去，導喇合及伊的老父老母、兄弟姊妹，以及所有屬伊的人出來。𪜶給喇合的親成攏導出來住佇以色列的營外。
6:24 𪜶就用火燒彼個城及其中一切所有的；獨獨金、銀及銅鐵的器具攏下佇耶和華厝內的府庫。
6:24 以色列人就用火燒彼個城及內面所有的；毋拘金、銀，以及銅及鐵的器具，攏收入佇上主厝內的府庫。
6:25 約書亞就保全娼妓喇合及伊老父的家眷，及一切屬佇伊的的活命；因為伊有囥密約書亞所差偷看耶利哥的使者，伊就𫢶佇以色列中，到今仔日。
6:25 約書亞保全娼妓喇合、伊的老父的家屬，及所有屬伊的人的性命。𪜶就住佇以色列人中間到今仔日，因為喇合有藏約書亞派來探查耶利哥的偵探。
6:26 當時，約書亞對眾人咒誓講：「見若起來起造此個耶利哥城的，著佇耶和華的面前受咒詛。
伊下地基的時，欲死大子，
下門的時，欲死煞尾子。」
6:26 彼時，約書亞咒誓警告講：「若有人重建耶利哥城，會受上主咒詛：
下地基的時，會死大子；
安城門的時，會死煞尾子。」
6:27 耶和華及約書亞相及佇啲，伊的名聲滿滿佇彼所在。
6:27 上主及約書亞同在；約書亞的名聲傳遍全地。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。