上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
約書亞記
5:1 約但河西勢的亞摩利人諸個王及倚海的迦南人諸個王，聽見耶和華佇以色列人的面前互約但的水乾去，聽候咱過去，𪜶的心因為以色列人的緣故就失膽，神不附體。
5:1 約旦河西旁的亞摩利諸王及倚地中海的迦南諸王，聽見上主佇以色列人的面前互約旦河的水焦去，閣聽候𪜶過去；諸個王的心攏因為以色列人的緣故驚甲神不附體。
佇吉甲行割禮
5:2 彼時，耶和華對約書亞講：「你著創火石刀，第二擺給以色列人行割禮。」
佇吉甲行割禮
5:2 彼時，上主對約書亞講：「你著用火石磨做刀，第二遍給以色列人行割禮。」
5:3 約書亞就創火石刀，佇「除去皮山」遐給以色列人行割禮。
5:3 約書亞就製造火石刀，佇割禮山給以色列人行割禮。
5:4 約書亞給𪜶行割禮的緣故，是因為對埃及出來的眾百姓，見會交戰的查甫丁，出埃及以後，佇路裡死佇曠野。
5:4 約書亞給𪜶行割禮的原因是按呢：對埃及出來許個會交戰的查甫人攏死佇曠野的路裡，
5:5 因為出來的眾百姓攏受割禮；獨獨出埃及以後、佇曠野的路裡所生的眾百姓攏無受割禮。
5:5 𪜶攏有受割禮；毋拘出埃及以後佇曠野出世的人民攏猶未受割禮。
5:6 以色列人佇曠野行四十年，到眾百姓，就是出埃及的戰士，一盡消滅，因為𪜶無聽趁耶和華的話。耶和華曾對𪜶咒誓，互𪜶看見耶和華對𪜶列祖所咒誓、欲賞賜咱的地，就是流奶及蜜的地。
5:6 以色列人佇曠野行四十年，出埃及的戰士因為無聽趁上主的話，攏受消滅；上主曾對𪜶宣誓，毋互𪜶看著上主對𪜶的列祖立誓欲賞賜𪜶的地，就是流奶及蜜的地。
5:7 𪜶的子孫，就是伊所興起來續接𪜶的，攏無受割禮；因為𪜶佇路裡無給𪜶行割禮，約書亞才給𪜶行。
5:7 𪜶的子孫，就是上主所興起新的一代，攏猶未受割禮，因為佇路裡無人給𪜶行割禮，約書亞才給𪜶行。
5:8 百姓攏受割禮明白，就𫢶佇營內家己的所在，聽候好。
5:8 所有的以色列人攏受割禮了後，就留佇營內，聽候回復。
5:9 耶和華對約書亞講：「我今仔日將埃及的凌辱移徙離開恁。」對按呢，彼所在名叫吉甲，直到今仔日。
5:9 上主對約書亞講：「我今仔日已經除去恁佇埃及所受的見笑。」所以，彼所在就叫做吉甲，到今仔日。
5:10 彼時以色列人紮營佇吉甲。彼月十四下昏，佇耶利哥的平洋守𨃟過節。
5:10 彼時，以色列人佇吉甲紮營；彼月十四暗，𪜶佇耶利哥平原守𨃟過節。
5:11 𨃟過節的隔日，𪜶就食彼所在所出的；抵抵彼日食無酵餅及烘的五穀。
5:11 𨃟過節隔日，𪜶就食彼所在的土產，就是無酵餅及烘的五穀。
5:12 𪜶食彼所在所出的隔日嗎哪就停歇，以色列人也無閣有嗎哪。彼年，𪜶就食迦南地的土產。
5:12 𪜶食彼所在的土產彼日起，嗎哪無閣降落；以色列人就無閣有嗎哪。彼年𪜶開始食迦南地的土產。
約書亞及耶和華軍隊的軍長
5:13 約書亞倚近耶利哥的時，攑目看，看見有一人手拔刀，徛佇伊的對面。約書亞近倚伊，問伊講：「你是為阮的？抑是為阮的對敵啊？」
約書亞及上主軍隊的統帥
5:13 約書亞接近耶利哥的時，忽然看著有一個人攑一支拔起來的刀，徛佇伊的對面；約書亞行進前，問伊講：「你是為阮此旁的，抑是為阮的對敵彼旁？」
5:14 伊應講：「無，我來是做耶和華的軍長。」約書亞就仆佇地裡拜伊，講：「我的主命令奴僕甚麼？」
5:14 伊應講：「攏毋是。我是上主軍隊的統帥。今我來啦！」
約書亞就仆佇土腳拜伊，講：「我的主對你的僕人有什麼吩咐？」
5:15 耶和華的軍長對約書亞講：「褪你腳裡的鞋，因為你所徛的所在是聖的。」約書亞就照按呢行。
5:15 上主軍隊的統帥對約書亞講：「將你腳裡的鞋褪起來，因為你徛的所在是聖的。」約書亞就照按呢做。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。