上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
尼希米記
住佇耶路撒冷的人
11:1 百姓許個首領𫢶佇耶路撒冷。其餘的百姓拈鬮，每十人中互一人來𫢶佇聖城耶路撒冷，彼九個𫢶佇別個城。
住佇耶路撒冷的人
11:1 人民的領袖攏住佇耶路撒冷；其他的人民抽籤，每十個家庭有一個來住佇聖城耶路撒冷，另外彼九個住佇別個城。
11:2 見若家己甘願來𫢶佇耶路撒冷者，百姓攏給𪜶祝福。
11:2 所有自願來住佇耶路撒冷的，人民攏給𪜶祝福。
11:3 以色列人、祭司、利未人、尼提寧，及所羅門奴僕的後裔攏𫢶佇猶大許個城，逐個𫢶佇𪜶的業。𪜶的城本省的頭人，𫢶佇耶路撒冷的記佇下面：
11:3 以色列人、祭司、利未人、聖殿的工人，及所羅門僕人的後代，攏住佇𪜶家己佇猶大所有地的城。
下面是猶大省的領袖住佇耶路撒冷的人：
11:4 猶大的子孫及便雅憫的子孫有的𫢶佇耶路撒冷。屬猶大的子孫法勒斯的後裔、烏西雅的子亞他雅。烏西雅是撒迦利雅的子；撒迦利雅是亞瑪利雅的子；亞瑪利雅是示法提雅的子；示法提雅是瑪勒列的子。
11:4 有一寡猶大及便雅憫的後代住佇耶路撒冷。屬猶大的有：法勒斯的後代亞他雅，伊是烏西亞的子，烏西亞是撒迦利亞的子，撒迦利亞是亞瑪利雅的子，亞瑪利雅是示法提雅的子，示法提雅是瑪勒列的子；
11:5 閣有巴錄的子瑪西雅。巴錄是谷何西的子；谷何西是哈賽雅的子；哈賽雅是亞大雅的子；亞大雅是約雅立的子；約雅立是撒迦利雅的子；撒迦利雅是示羅尼的子。
11:5 閣有瑪西雅，伊是巴錄的子，巴錄是各‧荷西的子，各‧荷西是哈塞亞的子，哈塞亞是亞大雅的子，亞大雅是約雅立的子，約雅立是撒迦利亞的子，撒迦利亞是示羅尼的子。
11:6 法勒斯的子孫𫢶佇耶路撒冷的，共有四百六十八個勇士。
11:6 法勒斯的後代住佇耶路撒冷的，攏總有四百六十八人；𪜶攏是勇士。
11:7 屬便雅憫子孫的有米書蘭的子撒路。米書蘭是約葉的子；約葉是毗大雅的子；毗大雅是哥賴雅的子；哥賴雅是瑪西雅的子；瑪西雅是以鐵的子；以鐵是耶篩亞的子。
11:7 屬便雅憫的後代有撒路，伊是米書蘭的子，米書蘭是約葉的子，約葉是比大雅的子，比大雅是哥賴雅的子，哥賴雅是瑪西雅的子，瑪西雅是以鐵的子，以鐵是以賽亞的子；
11:8 伊的隨後有迦拜、撒來，共九百二十八人。
11:8 閣有撒路的親族迦拜、撒來，共九百二十八人。
11:9 細基利的子約珥是𪜶的官長。哈西努亞的子猶大做彼個城的副官。
11:9 細基利的子約珥是𪜶的長官；哈西努亞的子猶大做彼個城的副市長。
11:10 屬祭司的有約雅立的子耶大雅、雅斤；
11:10 做祭司的有約雅立的子耶大雅及雅斤；
11:11 猶有管理上帝的殿的西萊雅。西萊雅是希勒家的子；希勒家是米書蘭的子；米書蘭是撒督的子；撒督是米拉約的子；米拉約是亞希突的子。
11:11 猶有管理上帝的殿的西萊雅，西萊雅是希勒家的子，希勒家是米書蘭的子，米書蘭是撒督的子，撒督是米拉約的子，米拉約是亞希突的子；
11:12 猶有𪜶的兄弟佇殿內擔當職的，共八百二十二人；閣有耶羅罕的子亞大雅。耶羅罕是毗拉利的子；毗拉利是暗洗的子；暗洗是撒迦利亞的子。撒迦利亞是巴施戶珥的子；巴施戶珥是瑪基雅的子。
11:12 猶有𪜶的親族佇聖殿侍奉的，共八百二十二人；閣有亞大雅，伊是耶羅罕的子，耶羅罕是比拉利的子，比拉利是暗西的子，暗西是撒迦利亞的子，撒迦利亞是巴施戶珥的子，巴施戶珥是瑪基雅的子；
11:13 猶有伊的兄弟做族長的，二百四十二人；閣有亞薩列的子亞瑪帥。亞薩列是亞哈賽的子；亞哈賽是米實利末的子；米實利末是音麥的子。
11:13 猶有𪜶的親族做族長的，共兩百四十二人；閣有亞瑪帥，伊是亞薩列的子，亞薩列是亞哈賽的子，亞哈賽是米實利末的子，米實利末是音麥的子；
11:14 猶有𪜶的兄弟、大權能的勇士，共一百二十八人。哈基多琳的子撒巴第業是𪜶的官長。
11:14 猶有𪜶的親族勇猛的戰士，共一百二十八人；哈基多琳的子撒巴第業是𪜶的長官。
11:15 利未人中有哈述的子示瑪雅。哈述是押利甘的子；押利甘是哈沙比雅的子；哈沙比雅是布尼的子。
11:15 利未人有示瑪雅，伊是哈述的子，哈述是亞斯利干的子，亞斯利干是哈沙比雅的子，哈沙比雅是布尼的子；
11:16 閣有利未人的頭人沙比太及約撒拔管理上帝殿的外事。
11:16 閣有利未人的領袖沙比太及約撒拔，管理上帝聖殿的外務。
11:17 佇祈禱感謝導頭是米迦的子瑪他尼。米迦是撒底的子；撒底是亞薩的子；閣有瑪他尼兄弟；閣有八布迦佇伊的兄弟中做第二個。猶有沙某亞的子押大。沙某亞是加拉的子；加拉是耶杜頓的子。
11:17 導祈禱感謝的是瑪他尼，伊是米迦的子，米迦是撒底的子，撒底是亞薩的子；閣有瑪他尼的兄弟，其中八布迦做副手；猶有押大，伊是沙慕亞的子，沙慕亞是加拉的子，加拉是耶杜頓的子。
11:18 佇聖城中的利未人共二百八十四人。
11:18 住佇聖城的利未人，攏總有兩百八十四人。
11:19 顧門者亞谷及達們，及𪜶的兄弟啲守門者，共一百七十二人。
11:19 顧門的守衛有亞谷及達們，以及𪜶的親族共一百七十二人。
11:20 基餘的以色列人、祭司、利未人𫢶佇猶大逐個城，逐人佇𪜶的業的地。
11:20 其他的以色列人、祭司、利未人，住佇𪜶家己佇猶大所有地的城。
11:21 總是尼提寧𫢶佇俄斐勒；西哈及基斯帕做尼提寧的頭。
11:21 毋拘聖殿工人住佇俄斐勒；西哈及基斯帕做𪜶的監督。
11:22 米迦的元孫、瑪他尼的曾孫、哈沙比的孫、巴尼的子烏西，佇耶路撒冷管利未人。伊是唱歌者亞薩的子孫，管理上帝殿的事務。
11:22 佇耶路撒冷做利未人的監督，管理上帝聖殿事務的，是負責獻詩的亞薩的後代烏西，伊是巴尼的子，巴尼是哈沙比雅的子，哈沙比雅是瑪他尼的子，瑪他尼是米迦的子。
11:23 因為王為著𪜶來出命令，逐日有定著的份額供給許個唱歌的人。
11:23 王有規定獻詩的人逐日應該做的職務。
11:24 猶大的子謝拉的子孫、米示薩別的子毗他希雅佇王的部下辦理猶大百姓一切的事。
11:24 比他希雅代表王辦理猶大人民一切的事務；伊是米示薩別的子，是猶大的子謝拉的後代。
徛佇其餘鄉社的人
11:25 論到許個鄉社及𪜶的田地，有猶大人𫢶佇基列‧亞巴及伊的鄉社；底本及伊的鄉社；以巴甲設及伊的鄉社；
住佇其他鄉鎮的人
11:25 猶大人住的庄社及𪜶的田園，有基列‧亞巴及周圍的庄社、底本及周圍的庄社、葉甲薛及周圍的庄社，
11:26 閣佇耶書亞、摩拉大、伯‧帕列、
11:26 以及耶書亞、摩拉大、伯‧帕列、
11:27 哈薩‧書亞，別是巴及伊的鄉社；
11:27 哈薩‧書亞、別是巴及附近的庄社；
11:28 閣佇洗革拉、米哥拿，及伊的鄉社；
11:28 閣佇洗革拉、米哥拿及附近的庄社；
11:29 閣佇音‧臨門、瑣拉、耶末、
11:29 閣佇隱‧臨門、瑣拉、耶末、
11:30 撒羅亞、亞杜蘭，及𪜶的鄉社；拉吉及伊的田地；亞西加及伊的鄉社。𪜶所𫢶的地方是對別是巴到欣嫩的山谷。
11:30 撒挪亞、亞杜蘭及附近的庄社、拉吉及附近的田園、亞西加及附近的庄社。𪜶所住的地區，是對別是巴到欣嫩山谷。
11:31 便雅憫人對迦巴去，𫢶佇密抹、亞雅、伯特利及伊的鄉社。
11:31 便雅憫人住佇迦巴、密抹、艾雅、伯特利及周圍的庄社、
11:32 亞拿突、羅伯、亞難雅、
11:32 亞拿突、挪伯、亞難雅、
11:33 夏瑣、拉瑪、基他音、
11:33 夏瑣、拉瑪、基他音、
11:34 哈疊、洗編、尼八拉、
11:34 哈第、洗波音、尼八拉、
11:35 羅德、阿羅、工匠的山谷。
11:35 羅德，以及阿挪、夏納欣山谷。
11:36 利未人的中間有幾若班𫢶佇猶大的今歸佇便雅憫。
11:36 有一寡住佇猶大的利未人，受指定歸佇便雅憫。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。