上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
尼希米記
佇約內蓋印的人
10:1 蓋印的：是哈迦利亞的子──總督尼希米，及西底家；
10:1 蓋印的人，有哈迦利亞的子省長尼希米，及西底家。
10:2 西萊雅、亞撒利雅、耶利米、
10:2 閣有祭司西萊雅、亞撒利雅、耶利米、
10:3 巴施戶珥、亞瑪利雅、瑪基雅、
10:3 巴施戶珥、亞瑪利雅、瑪基雅、
10:4 哈突、示巴尼、瑪鹿、
10:4 哈突、示巴尼、瑪鹿、
10:5 哈琳、米利末、俄巴底亞、
10:5 哈琳、米利末、俄巴底亞、
10:6 但以理、近頓、巴錄、
10:6 但以理、近頓、巴錄、
10:7 米書蘭、亞比雅、米雅民、
10:7 米書蘭、亞比雅、米雅民、
10:8 瑪西亞、璧該、示瑪雅，頂面諸個是祭司；
10:8 瑪西亞、璧該、示瑪雅。
10:9 閣有利未人，就是亞散尼的子耶書亞、希拿達的子賓內、甲篾；
10:9 閣有利未人亞散尼的子耶書亞，希拿達的子賓內、甲篾，
10:10 猶有𪜶的兄弟示巴尼、荷第雅、基利他、毗萊雅、哈難、
10:10 以及𪜶的親族示巴尼、荷第雅、基利他、比萊雅、哈難、
10:11 米迦、利合、哈沙比雅、
10:11 米迦、利合、哈沙比雅、
10:12 撒刻、示利比、示巴尼、
10:12 撒刻、示利比、示巴尼、
10:13 荷第雅、巴尼、比尼努；
10:13 荷第雅、巴尼、比尼努。
10:14 閣有百姓的頭人，就是巴錄、巴哈‧摩押、以攔、薩土、巴尼、
10:14 閣有人民的領袖巴錄、巴哈‧摩押，以攔、薩土、巴尼、
10:15 布尼、押甲、比拜、
10:15 布尼、押甲、比拜、
10:16 亞多尼雅、比革瓦伊、亞丁、
10:16 亞多尼雅、比革瓦伊、亞丁、
10:17 亞特、希西家、押朔、
10:17 亞特、希西家、押朔、
10:18 荷第雅、哈順、比賽、
10:18 荷第雅、哈順、比賽、
10:19 哈拉、亞拿突、尼拜、
10:19 哈拉、亞拿突、尼拜、
10:20 抹比押、米書蘭、希悉、
10:20 抹比押、米書蘭、希悉、
10:21 米示薩別、撒督、押杜亞、
10:21 米示薩別、撒督、押杜亞、
10:22 毗拉提、哈難、亞奈雅、
10:22 比拉提、哈難、亞奈雅、
10:23 何細亞、哈拿尼雅、哈述、
10:23 何細亞、哈拿尼雅、哈述、
10:24 哈羅黑、毗利哈、朔百、
10:24 哈羅黑、比利哈、朔百、
10:25 利宏、哈沙拿、瑪西雅、
10:25 利宏、哈沙拿、瑪西雅、
10:26 亞希雅、哈難、亞難、
10:26 亞希雅、哈難、亞難、
10:27 瑪鹿、哈琳、巴拿。
10:27 瑪鹿、哈琳、巴拿。
約的內容
10:28 其餘的百姓、祭司、利未人、顧門者、唱歌者、尼提寧，以及一切及列邦的百姓隔開來歸服上帝的律法的，及𪜶的某、𪜶的子、𪜶的查某子，見會曉得會明白者，
約的內容
10:28 其他的人民、祭司、利未人、聖殿的守衛、獻詩的、聖殿的工人，以及所有及列國人民斷絕關係來歸順上帝律法的人，及𪜶的某、𪜶的子、查某子，以及會明白代誌的，
10:29 攏結聯𪜶的兄弟𪜶的貴族，咒詛咒誓，欲遵趁上帝的律法就是上帝的奴僕摩西所傳授者，執守遵趁耶和華──咱的主一切誡命、法度、律例；
10:29 攏支持許個做領袖的同胞，咒誓宣誓欲遵趁上帝通過伊的僕人摩西所傳授的律法，欲持守遵行上主 — 阮的主一切的誡命、命令，及規例。
10:30 也無欲將阮的查某子配互此所在的百姓，也無欲為阮的子娶𪜶的查某子。
10:30 阮無欲將阮的查某子嫁互此所在的外族人，嘛無欲互阮的子娶𪜶的查某子。
10:31 此所在的百姓若佇安息日，帶貨物，抑是五穀來賣，阮佇安息日抑是聖日，阮無欲給𪜶買。到第七年無欲種作，見若欠阮的無欲給伊討。
10:31 安歇日抑是聖日，此所在的外族人若帶商品抑是五穀來賣，阮無欲給𪜶買。
每第七年，阮無欲種作，嘛無欲討欠阮的債務。
10:32 阮閣為家己定著例，逐年逐人著納舍客勒的三份一，做阮的上帝殿的路用，
10:32 阮規定，每年逐個人著奉獻四公克的銀，做上帝聖殿的路用，
10:33 就是為著排列的餅，及常常獻的素祭，及常常獻的燒祭，及安息日、月的初一，及節期所獻的及聖的物，以及贖罪的祭，就是為以色列人贖罪的，以及阮上帝殿內一切的路用。
10:33 包括獻祭的餅、經常獻的素祭及燒化祭，安歇日、初一、節期的祭物，給以色列人贖罪的祭，以及咱的上帝殿內所有工作的費用。
10:34 阮諸個祭司、利未人，及百姓拈鬮，照阮的宗族佇逐年定著的時帶獻祭的柴到阮上帝的殿，燒佇耶和華──阮上帝的壇，照律法所記載的。
10:34 照律法的記載，阮諸個祭司、利未人，及人民抽籤決定，照宗族逐年定期獻柴，通佇祭壇燒祭物獻互上主 — 咱的上帝。
10:35 閣逐年將阮地上起頭熟的土產及逐號樹起頭熟的果子帶到耶和華的殿。
10:35 逐年，阮欲將地上頭水的五穀，及逐款樹初熟的果子，帶到上主的殿。
10:36 閣照律法所記載，將阮的子及精牲起頭生的以及牛群羊群起頭生的帶到阮上帝的殿，到阮上帝的殿內啲服事的祭司；
10:36 阮欲照律法的規定，將阮的大子、頭上生的牛羊及牲生，帶到上帝的聖殿，交互佇聖殿啲服事的祭司。
10:37 也將阮起頭出的麥粉以及阮的舉祭的禮物、及逐樣樹的果子、新酒及油帶互祭司，收入佇阮上帝的殿的庫房，將阮地上所收成的十份一互利未人，因為利未人佇阮一切出土產的城得著十份一。
10:37 阮欲將上好的麵粉、奉獻的祭物，及逐款樹的果子、新酒，及新油，交互祭司，囥佇上帝聖殿的倉庫；閣將阮的土地收成的十分一互利未人；利未人會親身來阮種作的城收出產的十分一。
10:38 利未人取十份一的時，亞倫的子孫中的祭司，著有一個及利未人佇啲。利未人也著將十份一的十份一，帶到阮上帝的殿，到房間，收入府庫。
10:38 利未人去收十分一的時，著有亞倫後代的一個祭司及利未人做夥；利未人嘛著將十分一的十分一帶來聖殿，收入府庫內的倉庫。
10:39 因為以色列人及利未人著用𪜶舉祭的五穀、新酒、及油，帶到收囥聖所的器具的房間，就是擔當職的祭司、顧門者、唱歌者、所𫢶的房間。按呢，阮就無欲放拺阮上帝的殿。
10:39 以色列人及利未人著將𪜶奉獻的五穀、新酒，及新油，帶入收囥聖所器具的倉庫；值班的祭司、守衛、獻詩的，嘛𫢶佇遐。
按呢阮絕對無欲棄拺阮上帝的聖殿。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。