上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
尼希米記
以斯拉向百姓宣讀律法
8:1 到第七月，以色列人已經徛起𪜶許個城。彼時，百姓親像一人攏聚集佇水門前寬闊的所在，請經學士以斯拉帶摩西律法的冊來就是耶和華所曾命令以色列的。
以斯拉宣讀律法
8:1 彼時，人民攏同心一意聚集佇水門前的廣場；𪜶請經學教師以斯拉，將上主通過摩西頒布互以色列的律法的冊帶來。
8:2 七月初一日，祭司以斯拉帶律法到公會前或男或女以及見若聽了會曉得者的面前。
8:2 七月初一，祭司以斯拉帶律法的冊來到會眾面前，其中有男有女，及所有聽了會明白的囝仔。
8:3 佇水門前寬闊的所在，對天光到日晝，佇眾男女、及許個會明白者的面前讀伊。百姓俯耳孔聽律法的冊。
8:3 以斯拉佇水門前的廣場，對天光到中晝，佇會眾，就是許個男女及聽了會明白的囝仔面前讀彼卷律法的冊；人民攏注意啲聽。
8:4 經學士以斯拉徛佇𪜶為著此個事所備辦的柴台頂。佇伊的身邊有瑪他提雅、示瑪、亞奈雅、烏利亞、希勒家，及瑪西雅徛佇伊的正旁；毗大雅、米沙利、瑪基雅、哈順、哈拔大拿、撒迦利亞，及米書蘭徛佇伊的倒旁。
8:4 經學教師以斯拉徛佇𪜶為著此個代誌用柴特別做的台仔頂；徛佇伊正旁的有瑪他提雅、示瑪、亞奈雅、烏利亞、希勒家，及瑪西雅；徛佇伊倒旁的有比大雅、米沙利、瑪基雅、哈順、哈拔大拿、撒迦利亞，及米書蘭。
8:5 以斯拉徛佇眾百姓的頂面，佇眾百姓的目睭前掀開此本冊。伊一下掀開，眾百姓就攏起來徛。
8:5 以斯拉徛佇台頂，佇人民的面前搋開此卷冊；伊一下搋開，大家就攏徛起來。
8:6 以斯拉謳咾耶和華至大的上帝；眾百姓攏攑起手應講：「阿們！阿們！」就俯頭，面向地，敬拜耶和華。
8:6 以斯拉稱讚上主 — 至大的上帝；眾人民攏攑手，回應講：「阿們！阿們！」𪜶攏俯頭仆佇土腳敬拜上主。
8:7 耶書亞、巴尼、示利比、雅憫、亞谷、沙比太、荷第雅、瑪西雅、基利他、亞撒利雅、約撒拔、哈難、毗萊雅，及利未人互百姓明白律法；百姓攏徛佇伊的所在。
8:7 人民攏徛啲；利未人耶書亞、巴尼、示利比、雅憫、亞谷、沙比太、荷第雅、瑪西雅、基利他、亞撒利雅、約撒拔、哈難，及比萊雅，幫贊人民明白律法。
8:8 𪜶讀上帝律法的冊到明白，閣開拆彼個意思，互百姓明白所讀的。
8:8 𪜶讀上帝律法的冊，翻譯閣解說內面的意思，人民就明白所讀的。
8:9 總督尼希米及做祭司的經學士以斯拉，及教示百姓的利未人，對眾百姓講：「今仔日是耶和華──恁上帝的聖日，通悲哀啼哭。」因為眾百姓聽見律法的話攏啼哭；
8:9 省長尼希米，及祭司嘛是經學教師的以斯拉，以及教導人民的利未人，對人民講：「今仔日是上主 — 恁的上帝的聖日；毋通悲哀啼哭。」因為全體人民聽著律法的話攏啼哭。
8:10 伊閣給𪜶講：「去啊，恁去食肥的物，飲甜的味，無備辦物的人著分互伊，因為今仔日是咱的主的聖日。恁通憂悶，因為對耶和華得著的歡喜是恁的能力。」
8:10 尼希米閣給𪜶講：「恁去食上好的物，飲甜的酒；無準備食物的人，著分互𪜶。今仔日是咱的主的聖日，恁毋通憂傷，因為對上主得著的歡喜是恁的氣力。」
8:11 對按呢利未人安慰眾百姓，講：「著靜靜，因為今仔日是聖日；通憂悶。」
8:11 對按呢，利未人互全體人民平靜落來，講：「著安靜，毋通憂傷，因為今仔日是聖日。」
8:12 眾百姓就去飲食，也分物互人，大歡喜，因為𪜶明白所傳互𪜶的話。
8:12 人民就去飲食，嘛分物件互人；大家攏真歡喜，因為𪜶明白教導𪜶的話。
搭寮節
8:13 隔日，眾百姓的族長、祭司、及利未人攏聚集到經學士，以斯拉遐，欲致意聽律法的話。
搭寮節
8:13 隔日，人民的族長、祭司，及利未人攏聚集來經學教師以斯拉遐，欲學習律法的話。
8:14 𪜶看著律法中有記載，耶和華託摩西命令以色列人著佇七月的節期𫢶佇草寮，
8:14 𪜶發見，律法中有記載上主通過摩西命令以色列人，著佇七月的節期住佇草寮；
8:15 閣著佇逐個城及耶路撒冷宣傳報告講：「恁著出去山裡，取橄欖樹枝、野橄欖樹枝、岡拈樹枝、棗樹枝，艷樹的樹枝，來搭草寮照所記載的。」
8:15 閣著佇逐個城及耶路撒冷宣傳報告，講：「恁著出去山裡，取橄欖樹、野橄欖樹、長青樹、棕樹，及樹葉真艷的樹枝，照所記載的搭草寮仔。」
8:16 百姓就出去，帶樹枝來，逐人佇家己的厝頂佇院內，佇上帝殿的院內，佇水門寬闊的所在，佇以法蓮門寬闊的所在搭草寮。
8:16 人民就出去，帶樹枝轉來，逐個人佇家己的厝頂及埕，佇上帝聖殿的埕，佇水門及以法蓮門的廣場，搭草寮仔。
8:17 許個受掠去閣倒來的會眾就搭草寮，坐佇草寮裡。因為對嫩的子約書亞的時到此日，以色列人曾按呢行。對按呢𪜶大大歡喜。
8:17 許個受掠閣倒來的會眾就搭草寮仔，住佇彼內面；對嫩的子約書亞的時到此日，以色列人毋曾按呢做。𪜶攏非常歡喜快樂。
8:18 對頭一日到路尾日，以斯拉逐日讀上帝的律法。眾人守節七日，到第八日有嚴肅會照定著的例。
8:18 對頭一日到路尾日，以斯拉逐日宣讀上帝的律法。眾人守節七日，第八日，照規例舉行嚴肅會。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。