上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
以斯拉記
停止參插通婚的議定
10:1 以斯拉祈禱，認罪，啼哭，仆佇上帝殿前的時，有對以色列中來的男女囝仔聚集伊遐，成大會，百姓哭到真慘。
禁止及外族通婚
10:1 以斯拉祈禱，認罪，啼哭，仆佇上帝聖殿頭前的時，有一大陣以色列的男女及囝仔聚集來伊遐；𪜶攏哭甲真傷心。
10:2 屬以攔的後裔、耶歇的子示迦尼應以斯拉講：「阮佇此個所在的百姓中娶外邦人的查某子做某，干犯咱的上帝，總是以色列人佇此個事猶久有通向望。
10:2 以攔的後代，耶歇的子示迦尼對以斯拉講：「阮對咱的上帝無忠實，因為阮娶此所在外族的女子做某；雖然是按呢，以色列人猶久有向望。
10:3 今著及咱的上帝立約，將諸個某及𪜶所生的，攏互𪜶出去，照我的主及許個因為上帝的命令愕愕惙的人所議定的，照律法來行。
10:3 現在咱著及咱的上帝立約，照你及許個驚畏上帝的誡命的人所決定，照律法，將諸個某及𪜶所生的兒女攏趕出去。
10:4 你起來，因為此個事是你所應該辦的，阮欲幫助你，你著好膽來做伊。」
10:4 著採取行動，這是你應該做的事。阮欲支持你，你著勇敢去做。」
10:5 以斯拉就起來，互祭司許個頭人及利未人，及以色列眾人咒誓，欲照此個話去行；𪜶就咒誓。
10:5 以斯拉就隨時互祭司的領袖及利未人，以及以色列眾人宣誓，欲照諸個話去做；𪜶就按呢宣誓。
10:6 以斯拉就對上帝的殿前起來，入以利亞實的子約哈難的厝，到遐無食餅，無飲水；因為伊為著受掠倒來的人所犯的罪，來悲傷。
10:6 以斯拉對上帝聖殿的頭前起來，入去以利亞實的子約哈難的厝，住佇遐，無食無飲，為著流放倒來對上帝無忠實的人哀傷。
10:7 𪜶宣佈佇遍猶大及耶路撒冷受掠倒來的人，教𪜶攏聚集佇耶路撒冷。
10:7 𪜶佇耶路撒冷及猶大全地宣布，命令流放倒來的人攏著來耶路撒冷聚集。
10:8 見若無趁許個首領及長老所議定、三日內無來的，就欲抄伊所有的業，欲革伊出受掠倒來的人的會。
10:8 若有人無順趁許個首領及長老的命令，三日內無來，就欲沒收𪜶的財產，將𪜶對流放倒來的人的團體革出。
10:9 對按呢，猶大及便雅憫眾人，三日內攏聚集佇耶路撒冷。彼日是九月二十日，眾人攏坐佇上帝殿前寬闊的所在；因為此個事，閣因為落大雨，就愕愕惙。
10:9 猶大及便雅憫此兩支族的人就佇三日內攏來耶路撒冷聚集；彼日是九月二十，眾人攏坐佇上帝聖殿頭前的廣場，為著此個事，閣因為落大雨，攏㘈㘈惙。
10:10 祭司以斯拉起來，給𪜶講：「恁有罪；恁娶外邦的查某子做某，加添以色列人的罪。
10:10 祭司以斯拉起來，給𪜶講：「恁對上帝無忠實，娶外邦的女子做某，加添以色列人的罪。
10:11 今著向耶和華──恁列祖的上帝認罪，行伊所歡喜的，家己分別離開諸個國的百姓及外邦的查某子。」
10:11 今著向上主 — 恁列祖的上帝認罪，遵行伊的旨意，及在地的人民以及外族的女子隔離。」
10:12 會眾攏大聲應講：「照你所講關係阮的阮欲行伊，
10:12 會眾攏大聲應講：「阮一定欲照你所講的去做。
10:13 總是百姓真多，閣抵著大雨的時，阮𣍐會徛佇外面，這也是一日二日的事，因為阮佇此個事有大大犯罪；
10:13 毋拘人真多，閣抵著大雨，阮無法度一直徛佇外面，閣這嘛毋是一日兩日會當解決的代誌，因為阮所犯的罪真嚴重。
10:14 今著為全會設立咱的首領。見若咱的城中娶外邦的查某子的，著照定著的期來，彼個城的長老、士師著及𪜶來，直到咱的上帝為著此個事的受氣收倒轉。」
10:14 今，請咱的領袖代表全體會眾留佇遮，咱逐個城所有娶外邦女子做某的人，著照指定的時間，及彼個城的長老以及審判官做夥來，辦理諸個事，直到咱的上帝收回對咱的受氣。」
10:15 獨獨亞撒黑的子約拿單，特瓦的子雅哈謝反對此個事，閣有米書蘭及利未人沙比太贊成𪜶。
10:15 毋拘亞撒黑的子約拿單、特瓦的子雅哈謝反對此個決定，𪜶嘛得著米書蘭及利未人沙比太的支持。
10:16 受掠倒來的人按呢行。祭司以斯拉及族長幾若人照𪜶的宗族攏照𪜶的名受派；佇十月初一日，𪜶相及坐查察此個事，
10:16 對流放的地倒來的人照以斯拉的話去做。祭司以斯拉就對族長的中間指派一寡人，登記𪜶的名，對十月初一開始調查此個事。
10:17 到正月初一，見若娶外邦的查某子的才明白彼個事。
10:17 到正月初一，所有娶外族女子的人的名才調查清楚。
娶外邦查某子的人
10:18 佇祭司子孫中查出娶外邦的查某子的，就是約薩達的子耶書亞的家，及伊的兄弟瑪西雅、以利以謝、雅立、基大利；
娶外族女子的人
10:18 佇祭司的後代，查出有娶外族女子的人就是：約薩達的子耶書亞及伊的兄弟瑪西雅、以利以謝、雅立，及基大利。
10:19 𪜶就牽手結盟欲離𪜶的某。因為犯罪，就獻羊群中一隻綿羊牨來贖罪。
10:19 𪜶立誓欲離𪜶的某；因為𪜶有犯罪，就獻一隻綿羊贖𪜶的罪。
10:20 音麥的子孫中，有哈拿尼、西巴第雅。
10:20 音麥的後代，有哈拿尼及西巴第雅
10:21 哈琳的子孫中，有瑪西雅、以利雅、示瑪雅、耶悅、烏西雅。
10:21 哈琳的後代，有瑪西雅、以利亞、示瑪雅、耶歇，及烏西亞
10:22 巴施戶珥的子孫中，有以利約乃、瑪西雅、以實瑪利、拿坦業、約撒拔、以利亞撒。
10:22 巴施戶珥的後代，有以利約乃、瑪西雅、以實瑪利、拿坦業、約撒拔，及以利亞薩
10:23 利未人中，有約撒拔、示每、基拉雅（基拉雅就是基利他），閣有毗他希雅、猶大、以利以謝。
10:23 利未人的中間，有約撒拔、示每、基拉雅 (就是基利他)、比他希雅、猶大，及以利以謝
10:24 唱歌的人的中間有以利亞實。顧門的人的中間，有沙龍、提聯、烏利。
10:24 負責唱歌的人的中間，有以利亞實
聖殿守衛的中間有沙龍、提鍊，及烏利
10:25 以色列人巴錄的子孫中，有拉米、耶西雅、瑪基雅、米雅民、以利亞撒、瑪基雅、比拿雅。
10:25 以色列人巴錄的後代中，有拉米、耶西雅、瑪基雅、米雅民、以利亞撒、瑪基雅，及比拿雅
10:26 以攔的子孫中，有瑪他尼、撒迦利亞、耶悅、押底、耶利末、以利雅。
10:26 以攔的後代中，有瑪他尼、撒迦利亞、耶歇、亞伯底、耶利摩，及以利亞
10:27 薩土的子孫中，有以利約乃、以利亞實、瑪他尼、耶利末，撒拔、亞西撒。
10:27 薩土的後代中，有以利約乃、以利亞實、瑪他尼、耶利摩、撒拔，及亞西撒。
10:28 比拜的子孫中，有約哈難、哈拿尼雅、薩拜、亞勒。
10:28 比拜的後代中，有約哈難、哈拿尼雅、薩拜，及亞勒
10:29 巴尼的子孫中，有米書蘭、瑪鹿、亞大雅、雅述、示押、耶利末。
10:29 巴尼的後代中，有米書蘭、瑪鹿、亞大雅、雅述、示押，及耶利摩
10:30 巴哈‧摩押的子孫中，有阿底拿、基拉、比拿雅、瑪西雅、瑪他尼、比撒列、賓內、瑪拿西。
10:30 巴哈‧摩押的後代中，有阿底拿、基拉、比拿雅、瑪西雅、瑪他尼、比撒列、賓內，及瑪拿西
10:31 哈琳的子孫中，有以利以謝、伊示雅、瑪基雅、示瑪雅、西緬、
10:31 哈琳的後代中，有以利以謝、伊示雅、瑪基雅、示瑪雅、西緬、
10:32 便雅憫、瑪鹿、示瑪利雅。
10:32 便雅憫、瑪鹿，及示瑪利雅
10:33 哈順的子孫中，有瑪特乃、瑪達他、撒拔、以利法列、耶利買、瑪拿西，示每。
10:33 哈順的後代中，有瑪特乃、瑪達他、撒拔、以利法列、耶利買、瑪拿西，及示每
10:34 巴尼的子孫中，有瑪玳、暗蘭、烏益、
10:34 巴尼的後代中，有瑪玳、暗蘭、烏益、
10:35 比拿雅、比底雅，基祿、
10:35 比拿雅、比底雅、基祿、
10:36 瓦尼雅、米利末、以利亞實、
10:36 瓦尼雅、米利末、以利亞實、
10:37 瑪他尼、瑪特乃、雅掃、
10:37 瑪他尼、瑪特乃，及雅掃
10:38 巴尼、賓內、示每、
10:38 賓內的後代中，有示每、
10:39 示利米雅、拿單、亞大雅、
10:39 示利米雅、拿單、亞大雅、
10:40 瑪拿底拜、沙賽、沙賴、
10:40 瑪拿底拜、沙賽、沙賴、
10:41 亞薩利、示利米雅、示瑪利雅、
10:41 亞薩列、示利米雅、示瑪利雅、
10:42 沙龍、亞瑪利雅、約瑟。
10:42 沙龍、亞瑪利雅，及約瑟
10:43 尼波的子孫中，有耶利、瑪他提雅、撒拔、西比拿、雅玳，約珥、比拿雅。
10:43 尼波的後代中，有耶利、瑪他提雅、撒拔、西比拿、雅玳、約珥、比拿雅。
10:44 諸個人攏娶外邦人的查某子做某，其中也有人對諸個查某子生子兒。
10:44 諸個人攏娶外族的女子做某；其中嘛有人對諸個女子生子查某子。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。