上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
以斯拉記
以斯拉知有人及外邦人通婚
9:1 諸個代誌已經做明白，諸個首領來見我，講：「以色列百姓及祭司及利未人，無家己分別離開諸個所在的百姓，趁𪜶可惡的事就是趁迦南人、赫人、比利洗人、耶布斯人、亞捫人、摩押人、埃及人、亞摩利人的事。
譴責及外族通婚
9:1 諸個代誌完成了後，有一寡以色列的領袖來見我，講：「以色列人民、祭司及利未人，無及此所在的迦南人、赫人、比利洗人、耶布斯人、亞捫人、摩押人、埃及人、亞摩利人隔離，閣學𪜶做可惡的事。
9:2 因為𪜶為家己及𪜶的子娶𪜶的查某子做某，致到聖的後裔及彼所在的百姓參插；閣首領及𪜶的官長做𪜶的罪魁。」
9:2 𪜶為著家己及𪜶的子，娶外族的女子做某，致到上主聖潔的子民及此所在的人摻插；閣領袖及官長佇此項事導頭做歹。」
9:3 我一下聽見此個事，就拆裂我的衫及袍，掇我的頭毛及嘴鬚，卬愕啲坐。
9:3 我一下聽著此個代誌，就拆裂衫及外袍，惙頭毛及嘴鬚，著驚痛心坐啲。
9:4 見若為以色列上帝的話來愕愕惙的，攏聚集到我遮，因為受掠倒來的人所犯的罪。我就卬愕啲坐，到獻下昏祭的時。
9:4 因為流放倒來的人所犯的罪，所有為著以色列上帝的話愕愕惙的人攏聚集來我遮；我著驚痛心坐啲，到獻下昏祭的時。
9:5 獻下昏祭的時，我對我的鬱悶起來，衫袍拆裂，雙腳跪落去向耶和華──我的上帝攑起手，講：
9:5 獻下昏祭的時，我無閣禁食，就穿拆裂的衫及外袍，雙腳跪落去，向上主 — 我的上帝攑起雙手祈禱，
9:6 「我的上帝啊，我見誚漏氣，敢攑頭向我的上帝你；因為阮的罪淹過頭殼，阮的罪惡抵天。
9:6 講：「我的上帝啊，我非常見笑，毋敢攑頭向我的上帝，因為阮的罪淹過頭殼，阮的罪過抵天。
9:7 對阮列祖的日到今仔日，阮的罪惡真重；為著阮的罪過，阮及阮的列王、祭司攏交佇外邦列王的手，受刀劍、受擄掠、受搶劫、面見誚親像今仔日的款。
9:7 對阮列祖的時到今仔日，阮的罪過真重；因為阮的罪，你將阮及阮的列王、祭司，攏交佇外邦列王的手，受殺害，受掠，受搶劫，受侮辱，親像今仔日按呢。
9:8 今得著耶和華──阮的上帝暫且施恩互阮，給阮留諸個逃脫的人，互阮親像得著鐵釘釘佇伊聖的所在，互阮的上帝通照光阮的目睭，互阮佇奴隸中厘仔復活。
9:8 現在，上主 — 阮的上帝抵即施恩互阮，閣留阮諸個賰落來的人，互阮通安全徛起佇你聖的所在，通閣看著光明，佇受壓制做奴隸的中間有復興的機會。
9:9 因為阮是奴隸，總是佇奴隸中，阮的上帝無棄拺阮，閣互阮佇波斯列王的面前得著恩典，互阮復活，會閣起阮上帝的殿，修理許個毀壞的所在，互阮佇猶大及耶路撒冷得著有牆壁。
9:9 阮是奴隸，毋拘做奴隸的時，上帝你無棄拺阮，互阮對波斯的皇帝得著恩典，閣互阮復興，會當重建上帝你的聖殿，修理毀壞的所在，互阮佇猶大及耶路撒冷有城牆保護。
9:10 「阮的上帝啊，既然按呢，阮猶有甚麼話通講啊？因為阮已經棄拺你的命令，
9:10 「阮的上帝，既然你施恩互阮，阮猶有什麼話通講，因為阮已經棄拺你的命令。
9:11 就是你託你的奴僕諸個先知所命令的講：『恁所去欲承接做業的地是污穢的地；為著許個國的百姓的污穢及𪜶可惡的事，因為𪜶互全地對此邊到彼邊滿滿垃墋。
9:11 你有通過你的僕人眾先知命令阮，講：『恁欲去佔領做產業的地是受污染的地，因為許個國的人民的污穢，及𪜶所做可惡的事，此個地對此旁到彼旁充滿污穢。
9:12 所以通將恁的查某子嫁𪜶的子，也通給恁的子娶𪜶的查某子，永永通給𪜶圖謀平安及𪜶的利益，按呢恁就通強盛，食此所在的好物，續留互恁的子孫永遠做業。』
9:12 恁若欲強盛，享受此個土地的好物，閣留此個地互恁的子孫做永遠的產業，恁就毋通互恁的子以及查某子及𪜶通婚，永遠毋通幫贊𪜶得著平安繁榮。』
9:13 阮因為阮的歹所行及阮的重罪，已經抵著這一切的事，阮的上帝啊，你刑罰阮卡輕阮的罪所應該得著的，閣給阮留諸個脫離的人。
9:13 阮抵著諸個災難，攏是因為阮的歹所行及阮的大罪，毋拘，上帝，你刑罰阮，比阮應該承受的較輕，閣留阮諸個賰落來的人。
9:14 阮豈通閣悖逆你的命令，及行可惡的事的百姓結親嗎？若按呢，你豈無欲受氣阮，到滅無阮，致到無一個留啲，無一個逃脫嗎？
9:14 阮豈通閣違背你的命令，及做可惡的事的人民通婚？阮若按呢做，你一定會對阮發受氣，消滅阮，互阮無一個留落來，無一個逃脫。
9:15 耶和華──以色列的上帝啊，你是公義，阮諸個留啲的人才得著逃脫，親像今仔日。看啊，阮佇你的面前有罪惡，因為按呢無人佇你的面前徛會住。」
9:15 上主 — 以色列的上帝，你是公義的，阮諸個賰落來的人才得著逃脫，親像今仔日按呢。今，阮佇你的面前有罪；無一個人會堪得徛佇你的面前。」
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。