上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
以斯拉記
恢復敬拜上帝的生活
3:1 到第七月，以色列人已經徛起𪜶許個城；彼時百姓親像一人，聚集佇耶路撒冷。
回復敬拜
3:1 以色列人佇家己的故鄉攏安頓好勢。七月，人民同心一意聚集佇耶路撒冷。
3:2 約薩達的子耶書亞及伊的兄弟許個祭司，及撒拉鐵的子所羅巴伯及伊的兄弟，攏起來起以色列上帝的壇，通獻燒祭佇彼頂面，照上帝的奴僕摩西律法的冊所記載的。
3:2 約薩達的子耶書亞及伊的祭司同伴，撒拉鐵的子所羅巴伯及伊的親族，攏起來起造以色列上帝的祭壇，欲照上帝重用的人摩西的律法，佇祭壇頂面獻燒化祭。
3:3 𪜶起壇佇本舊的位，因為驚許個國的百姓，閣佇彼頂面獻燒祭互耶和華，就是早起下昏的燒祭，
3:3 雖然𪜶驚當地的住民，𪜶猶原佇本來的所在重建祭壇，閣早暗佇彼頂面獻燒化祭互上主。
3:4 也守搭寮仔節照所記載的，閣獻逐日的燒祭照𪜶的數額，照定著的例親像逐日所應該著的；
3:4 𪜶嘛照律法的記載守搭寮節，逐日照規定的數目獻燒化祭。
3:5 然後獻照常的燒祭，及每月初一的祭以及耶和華分別做聖的節期的祭，閣獻逐人甘心歡喜獻的祭互耶和華。
3:5 另外，𪜶獻經常啲獻的燒化祭、每月初一的祭，及上主分別作聖的節期的祭，以及逐個人甘心獻互上主的祭。
3:6 對七月初一起，𪜶獻燒祭互耶和華。總是耶和華殿的地基猶未下。
3:6 雖然上主的聖殿猶未重建，毋拘對七月初一起，𪜶就開始獻燒化祭互上主。
3:7 𪜶閣用銀互石匠、木匠，用飲食的物、及油，互西頓人、推羅人，互𪜶將柏香樹對黎巴嫩運到海到約帕，是照波斯王古列所允准的。
開始重建聖殿
3:7 𪜶用銀互拍石師傅及作木師傅，閣用糧食、酒，及油互西頓人及泰爾人，互𪜶將柏香樹對黎巴嫩用海運送到約帕；諸個代誌攏有得著波斯皇帝塞魯士的許可。
百姓閣起聖殿
3:8 𪜶到耶路撒冷上帝的殿遐。第二年二月，撒拉鐵的子所羅巴伯，約薩達的子耶書亞及其餘的兄弟，就是祭司、及利未人，及一切對受掠的中間倒來耶路撒冷的人，攏起手；派利未人，對二十歲以上，督工起耶和華的殿。
3:8 𪜶到耶路撒冷上帝聖殿的第二年二月，撒拉鐵的子所羅巴伯、約薩達的子耶書亞，及其他的祭司同伴、利未人，以及所有流放倒來耶路撒冷的人，攏開始起上主的聖殿；𪜶派二十歲以上的利未人做督工。
3:9 對按呢耶書亞及伊的子及兄弟，甲篾及伊的子猶大的子孫，及希拿達的子及𪜶的子，𪜶的兄弟利未人，攏起來，督理許個佇上帝的殿做工的人。
3:9 對按呢，猶大的後代，就是耶書亞及伊許個子及親族、甲篾及伊的子，以及利未人希拿達的子及孫，及𪜶的親族，攏做夥負責監督重建上帝聖殿的工程。
3:10 起厝師傅下耶和華殿的地基的時，祭司穿禮服攑號頭，亞薩的子孫利未人提鐃鈸，攏徛啲欲謳咾耶和華，照以色列王大衛所定著的例。
3:10 起厝師傅下上主聖殿的地基的時，祭司穿禮服歕喇叭，亞薩的後代利未人拍鈸，攏照以色列王大闢的規定，徛啲稱讚上主。
3:11 𪜶有的唱有的和，謳咾感謝耶和華講：
因為伊是好，
伊永遠施慈愛互以色列。
𪜶謳咾耶和華的時，眾百姓大聲喝，因為耶和華殿的地基已經下啲。
3:11 𪜶有的唱有的和，謳咾感謝上主，講：
上主至善，
伊對以色列的慈愛續到永遠。
𪜶稱讚上主的時，眾人大聲喝，因為上主聖殿的地基已經下好勢。
3:12 總是有多多祭司、利未人、族中的老大，就是曾看見前的殿許個老人，今親目看見下此間殿的地基，就大聲啼哭，也多多人為著歡喜大聲喝，
3:12 有真多祭司、利未人，及逐族的族長，就是許個曾看著以前的聖殿的老人，現在親目看著下此間殿的地基，就大聲哮；閣有真多人因為歡喜大聲喝。
3:13 致到百姓𣍐會分別歡喜喝的聲及百姓啼哭的聲；因為百姓大聲喝的聲，互彼個聲聽到真遠。
3:13 人民分𣍐清是歡呼的聲抑是啼哭的聲；人民大聲喝的聲真遠攏聽會著。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。