上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
歷代志下
猶大國的王約坦
27:1 ( 王下 15:32-38 )
約坦坐位的時二十五歲，佇耶路撒冷做王歷過十六年，伊的老母名叫耶路沙，是撒督的查某子。
猶大王約坦
27:1 ( 王下 15:32-38 )
約坦坐位的時二十五歲，佇耶路撒冷作王十六年；伊的老母叫做耶露莎，是撒督的查某子。
27:2 約坦行耶和華所看做好的事，照伊的老父烏西雅一切所行的，獨獨無入耶和華的殿。總是百姓所行猶原腐敗。
27:2 約坦做上主看做好的事，照伊的老父烏西亞的所做去做，不過無親像伊的老父入去上主的殿燒香。人民的所做猶原敗壞。
27:3 約坦起耶和華殿的頂門，閣佇俄斐勒城頂起多多，
27:3 約坦起上主聖殿的上門，佇耶路撒冷的俄斐勒擴建城牆，
27:4 閣佇猶大山地起城，佇樹林內起營寨及望高樓。
27:4 閣佇猶大山地起城，佇樹林內起要塞及守望台。
27:5 伊及亞捫人的王交戰卡贏𪜶，當彼年亞捫人進貢銀一百他連得，小麥一萬歌珥，大麥一萬歌珥；第二年、第三年亞捫人也是按呢進貢。
27:5 伊及亞捫人的王交戰，得著勝利。彼年，亞捫人進貢銀三千四百公斤，大麥及小麥各一千公噸；第二年，第三年，嘛按呢進貢。
27:6 約坦漸漸強盛，因為伊佇耶和華──伊的上帝的面前謹慎行正直的路。
27:6 約坦漸漸強盛，因為伊堅定順服上主 — 伊的上帝。
27:7 約坦其餘的事及一切的交戰，攏記佇以色列及猶大列王的記錄。
27:7 約坦其他的事蹟、戰爭的記錄，及伊的所做，攏記載佇《以色列及猶大列王史》。
27:8 伊坐位的時二十五歲，佇耶路撒冷做王歷過十六年。
27:8 伊坐位的時二十五歲，佇耶路撒冷作王十六年。
27:9 約坦及伊的列祖同睏，埋葬佇大衛城。伊的子亞哈斯續接伊做王。
27:9 約坦轉去伊的列祖遐，安葬佇大闢城。伊的子亞哈斯續接伊作王。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。