上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
歷代志下
先知責罵約沙法
19:1 猶大王約沙法平安倒去耶路撒冷，到伊的厝。
先見責備約沙法
19:1 猶大王約沙法平安倒去到耶路撒冷的王宮。
19:2 先見哈拿尼的子耶戶出來迎接約沙法王，給伊講：「你幫助歹人，疼怨恨耶和華的人合宜嗎？因為按呢耶和華的受氣臨到你。
19:2 哈拿尼的子先見耶戶出來迎接約沙法王，給伊講：「你哪會去幫贊歹人，疼怨恨上主的人？因為按呢，上主的受氣會臨到你。
19:3 若是你猶有好事佇啲，因為你對此個地方除去亞斯他錄，閣定著你的心尋上帝。」
19:3 毋拘你猶有好的表現；你有對此個國家廢除亞舍拉女神的柱像，閣堅心決意尋求上帝。」
約沙法的改革
19:4 約沙法𫢶佇耶路撒冷，後來閣出去巡視百姓的中間，對別是巴到以法蓮山地，導百姓歸向耶和華──𪜶列祖的上帝；
約沙法的改革
19:4 約沙法住佇耶路撒冷；後來閣去民間巡視，對別是巴到以法蓮山區，導人民歸向上主 — 𪜶列祖的上帝。
19:5 閣設立審判官佇境內佇猶大堅固的城，逐個城攏按呢，
19:5 伊佇猶大全地逐個堅固的城設立審判官。
19:6 給許個審判官講：「謹慎恁的所做；因為恁審判是為著人，是為著耶和華。恁審判的時，伊及恁佇啲。
19:6 伊對許個審判官講：「恁辦事著謹慎，因為恁審判毋是用人的權威，是奉上主的權柄；恁審判的時，上主會及恁同在。
19:7 今恁著驚畏耶和華，謹慎做代誌；因為耶和華──咱的上帝無有不義，無偏袒，無收賄賂。」
19:7 今恁著驚畏上主，謹慎辦事，因為上主 — 咱的上帝無容允不義，無偏袒，無收賄賂。」
19:8 約沙法對利未人及祭司，及以色列族長中設立人，佇耶路撒冷為耶和華判斷代誌，及相告，伊就倒去耶路撒冷。
19:8 約沙法對利未人、祭司，及以色列族長的中間選派人，佇耶路撒冷為上主判決案件，調解紛爭。𪜶攏住佇耶路撒冷。
19:9 伊閣命令𪜶講：「恁著驚畏耶和華，盡忠誠實心來行此個代誌。
19:9 伊閣命令𪜶講：「恁著驚畏上主，忠心誠實辦理代誌。
19:10 見若恁的兄弟𫢶佇𪜶許個城者，若有冤家的事來就近恁，無論甚麼代誌，或是為著流血，抑是佇律法及誡命，抑是律例及法度的中間，恁著警戒𪜶，通得罪耶和華，致到受氣臨到恁及恁的兄弟；恁按呢做，就無罪。
19:10 住佇逐個城的同胞若有紛爭來尋恁，無論是為著刣人，抑是為著律法及誡命、規例及命令諸個代誌，恁著警戒𪜶，毋通得罪上主，才免上主的受氣臨到恁及恁的同胞。恁按呢做，就𣍐致到犯罪。
19:11 看啊！見若屬耶和華的事，有祭司頭亞瑪利雅管理恁；見若屬王的事，有猶大的族長以實瑪利的子西巴第雅管理恁；佇恁的面前有利未人做官長。恁著好膽做代誌，願耶和華及好人佇啲。」
19:11 今，宗教案件由大祭司亞瑪利雅做最後的裁決；民事案件由猶大的族長以實瑪利的子西巴第雅做最後的裁決；利未人做官長協助恁。恁著好膽辦事。願上主及正直的人同在。」
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。