上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
歷代志下
猶大及以色列交戰
16:1 ( 王上 15:17-22 )
亞撒王三十六年，以色列王巴沙上來攻擊猶大，起拉瑪，欲阻擋人出入佇猶大王亞撒遐。
猶大及以色列交戰
16:1 ( 王上 15:17-22 )
亞撒作王第三十六年，以色列王巴沙來攻擊猶大，修建拉瑪城，欲阻擋人佇猶大王亞撒遐出入。
16:2 亞撒就對耶和華的殿及王宮的府庫提出金銀，送互徛起佇大馬色的亞蘭王便‧哈達，講：
16:2 亞撒就對上主聖殿及王宮的府庫提金銀，送互徛起佇大馬士革的敘利亞王便‧哈達，對伊講：
16:3 「我及你有約，親像前我的老父及你的老父一樣。今我用金銀送你，請你去廢無你及以色列王巴沙所立的約，互伊離開我。」
16:3 「咱來結盟，親像你的老父曾及我的老父結盟。今我將金銀送你，請你廢除你及以色列王巴沙所立的約，互伊對猶大撤退。」
16:4 便‧哈達聽趁亞撒王的話，差伊許個軍長去攻擊以色列的城。𪜶就攻破以雲、但、亞伯‧瑪音，以及拿弗他利一切府庫的城。
16:4 便‧哈達同意亞撒王的話，就派伊的軍長去攻擊以色列的城，攻破以雲、但、亞伯‧伯‧瑪迦，及拿弗他利所有囤積的城。
16:5 巴沙聽見就停工，無閣起拉瑪。
16:5 巴沙聽著此個消息，就停工無閣修建拉瑪。
16:6 對按呢亞撒王導猶大眾人，𪜶就搬徙巴沙所用來起拉瑪的石頭及柴，用伊來起迦巴及米斯巴。
16:6 對按呢，亞撒王導猶大人民，將巴沙用來欲修建拉瑪的石頭及柴料，搬去重建迦巴及米斯巴。
先知哈拿尼
16:7 彼時，先見哈拿尼來見猶大王亞撒，給伊講：「因為你倚靠亞蘭王，無倚靠耶和華──你的上帝，所以亞蘭王的軍兵脫離你的手。
先見哈拿尼
16:7 彼時，先見哈拿尼來見猶大王亞撒，對伊講：「因為你倚靠敘利亞王，無倚靠上主 — 你的上帝，所以敘利亞王的軍兵會脫離你的手頭。
16:8 古實人及路比人豈是大的軍隊？有多多戰車及馬兵嗎？獨獨因為你倚靠耶和華，伊就將𪜶交佇你的手。
16:8 古實人及利比亞人的軍隊豈毋是真強大？𪜶的戰車及馬兵豈毋是真多？毋拘因為你倚靠上主，伊就將𪜶交佇你的手。
16:9 因為耶和華的目睭佇全地看來看去，見若專心向伊的，伊欲顯明伊的大氣力幫助伊。佇此個代誌你所行是戇；因為按呢，以後你欲有交戰的事。」
16:9 上主的目睭啲巡視全地；所有專心歸向伊的，伊會賞賜𪜶氣力。佇及敘利亞結盟此個代誌，你做了真戇；因為按呢，你以後不時會有戰爭。」
16:10 亞撒就受氣先見，關伊佇監裡。因為伊為著此件事大受氣。彼時亞撒也歹款待百姓中幾若人。
16:10 亞撒聽了非常受氣，就將先見關佇監裡。像時，亞撒嘛虐待一寡人民。
亞撒死
16:11 ( 王上 15:23-24 )
亞撒所行的事，對頭到尾攏記佇猶大及以色列諸個王的記錄。
亞撒的死
16:11 ( 王上 15:23-24 )
亞撒的事蹟，對頭到尾攏記載佇《猶大及以色列列王史》。
16:12 亞撒王三十九年，伊的腳有破病，病真傷重。破病的時無求耶和華，獨獨去求醫生。
16:12 亞撒王第三十九年，伊的腳著病，症頭真傷重。破病的時伊無求上主，干焦尋醫生。
16:13 亞撒做王四十一年就死，及伊的列祖相及睏，
16:13 亞撒作王四十一年就死，
16:14 埋葬佇伊家己的墓就是伊佇大衛的城為家己所鑿的，下佇眠床裡，伊的眠床有芳香滿滿，就是照調和香的法所創的，百姓為著伊行多多燒的禮數。
16:14 安葬佇大闢城，伊為家己拍好的墓。人將伊下佇床枋；床枋頂囥真多照特別的方法調和的逐種芳料。人閣起真大的火記念伊。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。