上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
歷代志下
亞撒王拍贏古實人
14:1 亞比雅及伊的列祖同睏，埋葬佇大衛城。伊的子亞撒續接伊做王。當亞撒的日，彼個地方太平十年久。
亞撒王拍敗古實人
14:1 亞比雅轉去伊的列祖遐，人給伊安葬佇大闢城；伊的子亞撒續接伊作王。亞撒在位的時，全國太平十年久。
14:2 亞撒行耶和華──伊的上帝看做好做正直的事，
14:2 亞撒做上主 — 伊的上帝看做好，看做正直的事。
14:3 因為伊除去外邦的上帝的壇及山頭壇，廢許個柱像，
14:3 伊廢除外邦神明的壇及山頭壇，毀壞石柱，剉亞舍拉女神的柱像，
14:4 剉許個亞舍拉，閣命令猶大人尋耶和華──𪜶列祖的上帝，遵趁伊的律法、誡命；
14:4 閣命令猶大人尋求上主 — 𪜶列祖的上帝，遵趁伊的律法誡命；
14:5 閣佇猶大逐個城除去許個山頭壇及日像，國得著太平佇伊的面前；
14:5 閣佇猶大逐個城廢除山頭壇及香台。佇亞撒治理的時，猶大國得著太平。
14:6 伊佇猶大起幾若座險要的城。因為伊的地方平安，佇彼幾年攏無交戰，因為耶和華互伊平安。
14:6 伊佇猶大起幾若座堅固的城，因為國家太平。佇彼幾年攏無戰爭，因為上主賜伊平安。
14:7 伊對猶大人講：「咱著來起諸個城，四圍起牆，及城樓及門，及門楗；地猶佇咱的面前，因為咱有求耶和華──咱的上帝；咱已經求伊，伊佇四圍賞賜咱平安。」𪜶就起造，來得著亨通。
14:7 伊對猶大人講：「咱著來強化諸個城，四圍起牆及城樓，安城門及門閂。因為咱有尋求上主 — 咱的上帝，此塊土地猶是咱的；咱有求叫上主，伊就賜咱四境平安。」𪜶就修造諸個城，事事攏順利。
14:8 亞撒有軍兵，對猶大出者三十萬夯屏牌及槍；對便雅憫出者二十八萬夯屏牌開弓。諸個攏是大力的勇士。
14:8 亞撒的軍兵，夯盾牌及槍的猶大人有三十萬，夯盾牌開弓的便雅憫人二十八萬；𪜶攏是強猛的勇士。
14:9 有古實王謝拉導軍隊一百萬，戰車三百張，來攻擊伊，來到瑪利沙。
14:9 古實王謝拉導軍兵一百萬，戰車三百台，來攻擊猶大；𪜶來到瑪利沙。
14:10 亞撒就出去抵敵伊，就佇瑪利沙洗法的山谷大家排陣。
14:10 亞撒出去迎戰，雙方佇瑪利沙的洗法山谷排陣。
14:11 亞撒求叫耶和華──伊的上帝講：「耶和華啊，佇強的、軟弱的的中間，你以外無幫助的。耶和華──阮的上帝啊，求你幫助阮；因為阮倚靠你，閣託你的名去抵敵諸個眾人。耶和華啊，你是阮的上帝，通互人卡贏你。」
14:11 亞撒求叫上主 — 伊的上帝講：「上主啊，你會當幫贊弱小的，嘛會當幫贊強大的。上主 — 阮的上帝啊，求你幫贊阮，因為阮倚靠你，閣奉你的名欲及許個強大的軍隊交戰。上主，你是阮的上帝，毋通互人較贏你。」
14:12 耶和華就拍贏古實人佇亞撒及猶大人的面前，古實人就逃走；
14:12 上主就拍古實人，互𪜶對亞撒及猶大人的面前逃走。
14:13 亞撒及隨伊的人追趇𪜶，到佇基拉耳。古實人死真多，𣍐會閣強盛，因為𪜶佇耶和華及伊的軍隊的面前敗壞。猶大人搶多多財物去，
14:13 亞撒及伊的軍兵追趇𪜶，直到基拉耳；古實人死傷真多，軍力𣍐當閣復原，因為𪜶互上主及伊的軍隊完全拍敗。猶大人得著真多戰利品。
14:14 𪜶閣拍基拉耳四圍許個城；因為耶和華互𪜶真驚。𪜶也搶𪜶攏總的城，因為城內有多多物通搶，
14:14 𪜶閣攻打基拉耳周圍的城，因為許個城的人攏真驚上主。猶大的軍隊搶遐所有的城，因為城內財物真多。
14:15 閣拍許個精牲的，牽真多羊及駱駝倒去耶路撒冷。
14:15 𪜶破壞牲生的椆，搶真多羊及駱駝，就倒去耶路撒冷。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。