上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
歷代志下
亞比雅及耶羅波安交戰
13:1 ( 王上 15:1-8 )
耶羅波安王十八年，亞比雅坐位做猶大王，
亞比雅及耶羅波安交戰
13:1 ( 王上 15:1-8 )
以色列王耶羅波安第十八年，亞比雅做猶大王，
13:2 佇耶路撒冷做王三年久。伊的老母名叫米該亞，是基比亞人烏列的查某子。
亞比雅及耶羅波安交戰。
13:2 佇耶路撒冷作王三年；伊的老母叫做米該亞，是基比亞人烏列的查某子。
亞比雅及耶羅波安常常交戰。
13:3 亞比雅用一陣過揀的兵四十萬來排陣，攏是好膽的戰士；耶羅波安也用過揀的大勇士八十萬，來對伊排陣。
13:3 亞比雅導四十萬精兵出戰。耶羅波安嘛導八十萬特選的兵迎戰。
13:4 亞比雅徛佇以法蓮山地的洗瑪臉山，講：「耶羅波安及以色列眾人啊，著聽我！
13:4 亞比雅徛佇以法蓮山區的洗瑪臉山，講：「耶羅波安及以色列人民，著聽我講！
13:5 耶和華──以色列的上帝將以色列國永遠互大衛，就是設立鹽的約，賞賜伊及伊子孫，恁豈著知嗎？
13:5 恁應該知，上主 — 以色列的上帝有及大闢立𣍐廢除的約，將以色列國永遠賜互大闢及伊的子孫。
13:6 總是大衛的子所羅門的人臣、尼八的子耶羅波安起來背叛伊的主人。
13:6 毋拘大闢的子所羅門的人臣，尼八的子耶羅波安，起來背叛伊的主人。
13:7 有許個無下落的匪類聚集隨伊，家己強猛來攻擊所羅門的子羅波安；彼時羅波安猶少年軟茈𣍐會抵當𪜶。
13:7 伊招集一寡無路用的匪類，公然對抗所羅門的子羅波安；彼時羅波安猶少年無經驗，𣍐當抵抗𪜶。
13:8 「今恁有意思欲抵敵大衛的子孫所治理耶和華的國，恁的人額真多，閣有金牛仔及恁佇啲就是耶羅波安所給恁造做上帝的。
13:8 今恁靠恁人多，聲勢大，閣有耶羅波安為恁造的金牛仔做神明，欲反抗大闢的子孫所治理上主的國。
13:9 恁豈是趕逐耶和華的祭司就是亞倫的子孫及利未人，照外國人的規例家己設立祭司嗎？甚至無論甚麼人牽一隻牛牨仔及七隻綿羊牨來分別家己，就通做無影跡的上帝的祭司。
13:9 恁豈毋是將上主的祭司，亞倫的子孫，及利未人趕走，照外國人的作法家己設立祭司？甚至無論什麼人牽一隻牛仔及七隻綿羊來，恁就給伊設立做所謂神明的祭司。
13:10 論到阮，耶和華是阮的上帝，阮無棄拺伊。阮有祭司服事耶和華，就是亞倫的子孫，閣有利未人逐個盡伊的職，
13:10 「毋拘阮咧，上主是阮的上帝，阮無棄拺伊；阮有祭司，亞倫的子孫，及利未人啲執行服事上主的職務。
13:11 逐早起逐下昏獻燒祭燒芳香互耶和華，閣有排列的餅佇聖潔的桌；也有金燈台及燈盞，逐下昏通點伊，因為阮守耶和華──阮上帝的命令；獨獨恁棄拺伊。
13:11 逐日早暗，阮獻燒化祭，燒芳香，佇純金的桌排獻祭的餅互上主；逐下昏閣點金燈台的燈；因為阮遵守上主 — 阮的上帝的命令，毋拘恁棄拺伊。
13:12 看啊，上帝及阮佇啲做阮的頭，伊的祭司也及阮佇啲提響亮的號頭大聲歕攻擊恁。以色列人啊，通及耶和華──恁列祖的上帝交戰，因為恁𣍐會亨通。」
13:12 看咧，上帝及阮同在，閣領導阮；伊的祭司嘛大聲歕喇叭欲攻擊恁。以色列人啊，毋通及上主 — 恁列祖的上帝交戰，因為恁一定𣍐贏。」
13:13 總是耶羅波安埋伏兵佇𪜶的後面。對按呢，以色列人佇猶大的頭前，埋伏的兵佇𪜶的後面。
13:13 耶羅波安召一部份的兵佇猶大人的後面埋伏，伊的軍隊對正面進攻。
13:14 猶大人越頭看，看前後攏有對敵的兵，就求叫耶和華，祭司也歕號頭。
13:14 猶大人越頭看，看著𪜶前後受包圍，就求叫上主；祭司嘛歕喇叭。
13:15 猶大人就喉叫；猶大人喉叫的時，上帝就拍贏耶羅波安及以色列眾人佇亞比雅及猶大人的面前。
13:15 猶大人就大聲喝進攻。𪜶大聲喝的時，上帝就佇亞比雅及猶大人的面前拍敗耶羅波安及以色列的軍隊。
13:16 以色列人佇猶大人的面前逃走，上帝交𪜶佇猶大人的手。
13:16 以色列人佇猶大人的面前逃走；上帝將𪜶交佇猶大人的手。
13:17 亞比雅及伊的百姓大大刣死𪜶，以色列人倒啲來死的有五十萬過揀的人。
13:17 亞比雅及伊的軍兵大勝利；以色列人特選的兵受刣死的有五十萬。
13:18 彼時，以色列人就降服，猶大人得著卡贏，因為倚靠耶和華──𪜶列祖的上帝的緣故。
13:18 以色列人受制伏；猶大人得勝，因為𪜶倚靠上主 — 𪜶列祖的上帝。
13:19 亞比雅追趇耶羅波安，取伊幾若個城，就是伯特利及伊的鄉社，耶沙拿及伊的鄉社，以法蓮及伊的鄉社。
13:19 亞比雅追趇耶羅波安，攻取伊幾若個城，就是伯特利、耶沙拿、以弗崙，以及諸個城附近的庄社。
13:20 當亞比雅活啲的日，耶羅波安𣍐會閣強盛；耶和華拍伊，伊就死。
13:20 亞比雅在位的時，耶羅波安無閣再強盛；上主拍耶羅波安，伊就死。
13:21 亞比雅漸漸強盛，娶某十四個，生子二十二個，查某子十六個。
13:21 亞比雅漸漸強盛。伊有某十四個、子二十二個、查某子十六個。
13:22 亞比雅其餘的事及伊的言行，攏記佇先知易多的註解。
13:22 亞比雅其他的事蹟及伊的所行所做，攏記載佇先知易多的《評論集》。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。