上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
歷代志下
埃及攻擊猶大
12:1 ( 王上 14:25-28 )
羅波安的國堅固，伊強盛的時就棄拺耶和華的律法，以色列也攏隨伊。
埃及侵犯猶大
12:1 ( 王上 14:21-31 )
羅波安的王國一下穩固強盛，伊就棄拺上主的律法，所有的以色列人嘛攏隨伊。
12:2 羅波安王五年，埃及王示撒上來攻擊耶路撒冷，因為𪜶得罪耶和華。
12:2 羅波安王第五年，埃及王示撒上來攻擊耶路撒冷，因為以色列人得罪上主。
12:3 示撒有戰車一千二百張，馬兵六萬，閣隨伊對埃及出來的人，就是路比人、蘇基人、古實人，多到𣍐算得。
12:3 示撒有戰車一千兩百台，馬兵六萬；閣導利比亞人、蘇基人、古實人，對埃及上來，人多甲算𣍐了。
12:4 伊攻取猶大堅固的城，就來到耶路撒冷。
12:4 伊攻取猶大堅固的城，來到耶路撒冷。
12:5 彼時，猶大的首領為著示撒的緣故聚集佇耶路撒冷。先知示瑪雅來見羅波安及許個首領，給𪜶講：「耶和華按呢講：『恁棄拺我，所以我棄拺恁佇示撒的手。』」
12:5 彼時，猶大的領袖因為示撒的緣故，佇耶路撒冷聚集；先知示瑪雅來見羅波安及許個領袖，對𪜶講：「上主按呢講：『恁棄拺我，所以我棄拺恁，將恁交佇示撒的手。』」
12:6 對按呢以色列許個首領及王家己謙卑講：「耶和華是公義。」
12:6 以色列許個領袖及王就謙卑認罪，講：「上主是公義。」
12:7 耶和華看見𪜶家己謙卑，耶和華的話就臨到示瑪雅講：「𪜶既然家己謙卑，我無欲剿滅𪜶；欲互𪜶略仔得著拯救，我無欲用示撒的手傾落我的受氣佇耶路撒冷。
12:7 上主看見𪜶家己謙卑，上主的話臨到示瑪雅講：「𪜶既然謙卑認罪，我無欲剿滅𪜶，欲互𪜶暫時得著解救；我無欲通過示撒的手將我的受氣摒落佇耶路撒冷。
12:8 總是𪜶欲做示撒的奴僕，互𪜶知服事我及服事列國有甚麼分別。」
12:8 毋拘𪜶會做示撒的奴僕，互𪜶知，服事我及服事地上列國有什麼無相像。」
12:9 對按呢，埃及王示撒上來攻擊耶路撒冷，搶耶和華殿的寶物及王宮的寶物，攏帶去，閣搶所羅門所做金的屏牌。
12:9 對按呢，埃及王示撒上來攻擊耶路撒冷，將上主聖殿及王宮的寶物攏搶去，閣搶所羅門所做許個金的盾牌。
12:10 羅波安王做銅的屏牌來替𪜶，交互守王宮門的侍衛長顧守。
12:10 羅波安王做銅的盾牌代替許個金的盾牌，交互顧王宮大門的侍衛長顧守。
12:11 王逐擺入耶和華的殿，侍衛就帶諸個屏牌，後來就帶倒轉來，下佇侍衛的厝。
12:11 王逐遍入上主的殿，侍衛就夯諸個盾牌，後來閣帶倒轉下佇侍衛室。
12:12 王家己謙卑的時，耶和華的受氣收倒轉，無一盡滅伊，閣佇猶大的中間也有好的代誌。
12:12 王家己謙卑的時，上主就無閣受氣，無完全給伊剿滅；猶大的情形嘛有改善。
羅波安政績簡述
12:13 羅波安王家己強盛，佇耶路撒冷做王。羅波安坐位的時四十一歲，佇耶路撒冷，就是耶和華對以色列眾支派中所揀安置伊的名的城，做王十七年。伊的老母名叫拿瑪，是亞捫人。
羅波安死
12:13 羅波安佇耶路撒冷作王，加強伊的統治。羅波安坐位的時四十一歲。伊佇耶路撒冷作王十七年；耶路撒冷是上主對以色列眾支族中揀選互人來敬拜伊的城。羅波安的老母叫做拿瑪，是亞捫人。
12:14 羅波安行歹，因為伊無定著意思尋耶和華。
12:14 羅波安做邪惡的事；伊無堅決尋求上主。
12:15 羅波安所行的事，對頭到尾豈無記佇先知示瑪雅及先見易多的冊論族譜的嗎？羅波安及耶羅波安常常交戰。
12:15 羅波安的事蹟，對頭到尾攏記載佇先知示瑪雅及先見易多的《言行錄》。羅波安及耶羅波安常常交戰。
12:16 羅波安及伊的列祖同睏，埋葬佇大衛城。伊的子亞比雅續接伊做王。
12:16 羅波安轉去伊的列祖遐，人給伊安葬佇大闢城；伊的子亞比雅續接伊作王。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。