上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
歷代志下
示瑪雅的預言
11:1 ( 王上 12:21-24 )
羅波安到耶路撒冷的時，就聚集猶大及便雅憫的家，共十八萬人，攏是過揀的戰士，欲及以色列交戰，互國位閣歸佇羅波安。
示瑪雅的預言
11:1 ( 王上 12:21-24 )
羅波安到耶路撒冷，就聚集猶大家及便雅憫支族特選的戰士，共十八萬人，欲及以色列家交戰，互歸個王國閣歸屬伊家己。
11:2 總是耶和華的話臨到上帝的奴僕示瑪雅講：
11:2 毋拘上主的話臨到上帝重用的人示瑪雅，講：
11:3 「你去給所羅門的子猶大王羅波安及徛起猶大及便雅憫的眾以色列人講，
11:3 「你去給所羅門的子猶大王羅波安，猶大及便雅憫的人民，講：
11:4 耶和華按呢講：『恁莫得上去，莫得及恁的兄弟交戰，逐人倒去伊的家！因為此個代誌出佇我。』」𪜶聽耶和華的話就倒去，無去攻擊耶羅波安。
11:4 『上主按呢講：恁毋通去及恁的兄弟交戰；逐個人倒去家己的厝，因為此個代誌出佇我。』」𪜶就聽趁上主的話倒去，無去攻擊耶羅波安。
羅波安修諸個城
11:5 羅波安𫢶佇耶路撒冷，佇猶大地起幾若個城做衛所，
羅波安起堅固的城
11:5 羅波安住佇耶路撒冷。伊佇猶大地起幾若個堅固的城，
11:6 就是起伯利恆、以坦、提哥亞、
11:6 就是伯利恆、以坦、提哥亞、
11:7 伯‧夙、梭哥、亞杜蘭、
11:7 伯‧夙、梭哥、亞杜蘭、
11:8 迦特、瑪利沙、西弗、
11:8 迦特、瑪利沙、西弗、
11:9 亞多萊音、拉吉、亞西加、
11:9 亞多萊音、拉吉、亞西加、
11:10 瑣拉、亞雅崙、希伯崙。諸個攏佇猶大及便雅憫做堅固的城。
11:10 瑣拉、亞雅崙，及希伯崙；諸個攏是猶大及便雅憫堅固的城。
11:11 羅波安閣堅固許個衛所，佇𪜶中間設兵的頭人，閣積聚米糧、及油、及酒。
11:11 羅波安閣強化許個堅固的城，設指揮官，囤積糧食、橄欖油，及酒；
11:12 閣佇逐個城備辦屏牌及槍，互伊極其堅固。猶大便雅憫攏屬佇伊。
11:12 閣準備盾牌及槍，互諸個城閣較堅固。猶大及便雅憫攏受伊統治。
祭司及利未人攏歸猶大
11:13 以色列全地的祭司及利未人攏對四境來歸羅波安。
祭司及利未人歸猶大
11:13 以色列全地的祭司及利未人攏對逐所在來歸順羅波安。
11:14 利未人離開𪜶的郊野及產業，來到猶大及耶路撒冷，是因為耶羅波安及伊的子拒絕𪜶，准𪜶行祭司的職份服事耶和華。
11:14 利未人放棄𪜶的草埔及產業，來到猶大及耶路撒冷，因為耶羅波安及伊許個子毋准𪜶執行祭司的職務，服事上主。
11:15 耶羅波安為山頭壇、為鬼怪、為伊所鑄的牛仔家己設立祭司。
11:15 耶羅波安為山頭壇、山羊鬼，及伊所造的牛仔像，家己設立祭司。
11:16 以色列眾支派中，見若定著意思欲尋耶和華──以色列的上帝的，隨𪜶到耶路撒冷，欲獻祭互耶和華──𪜶列祖的上帝。
11:16 以色列各支族，所有決心欲尋求上主 — 以色列的上帝的人，攏隨利未人去耶路撒冷，欲獻祭互上主 — 𪜶列祖的上帝。
11:17 按呢，堅固猶大國歷過三年，互所羅門的子羅波安強盛，因為𪜶三年久行大衛所羅門的路。
11:17 按呢，𪜶互猶大國穩固；三年久擁護所羅門的子羅波安，因為𪜶遵行大闢及所羅門的路三年久。
羅波安的家眷
11:18 羅波安娶瑪哈拉做某，伊是大衛的查某孫耶利摩的查某子，又閣耶西的查某孫以利押的查某子亞比孩的查某子。
羅波安的家庭
11:18 羅波安娶瑪哈拉做某；瑪哈拉的老父是大闢的子耶利摩，老母是耶西的查某孫，以利押的查某子亞比孩。
11:19 伊給伊生幾若個子，就是耶烏施、示瑪利雅、撒罕。
11:19 瑪哈拉生三個子，耶烏施、示瑪利雅，及撒罕。
11:20 娶伊了後閣娶押沙龍的查某子瑪迦，伊給伊生亞比雅、亞太、細撒、示羅密。
11:20 後來羅波安閣娶押沙龍的查某子瑪迦做某；伊生四個子，亞比雅、亞太、細撒，及示羅密。
11:21 羅波安娶十八個某，六十個妃，生二十八個子，六十個查某子；總是伊疼押沙龍的查某子瑪迦，贏過攏總許個某及妃。
11:21 羅波安有十八個某，六十個妃，生二十八個子，六十個查某子；佇諸個某及妃的中間，伊上疼押沙龍的查某子瑪迦。
11:22 羅波安設立瑪迦的子亞比雅做頭，佇兄弟中做首領，因為想欲設立伊續接做王。
11:22 羅波安設立瑪迦的子亞比雅做太子，佇伊的兄弟中做頭，欲設立伊續接作王。
11:23 羅波安照智慧來行，分散眾子佇猶大及便雅憫的全地，到逐個堅固的城，閣互𪜶多多米糧，閣給𪜶尋多多某。
11:23 羅波安做事精明，分派伊所有的子去猶大及便雅憫全地逐個堅固的城；閣互𪜶充足的糧食，給𪜶娶真多某。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。