上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
歷代志下
北方支族的反叛
10:1 ( 王上 12:1-20 )
羅波安去示劍，因為以色列眾人到示劍，欲設立伊做王。
北部支族反叛
10:1 ( 王上 12:1-20 )
羅波安去示劍，因為以色列人民欲佇遐設立伊作王。
10:2 前尼八的子耶羅波安閃避所羅門王的面，走去埃及，𫢶佇遐；耶羅波安聽見此個事，就對埃及倒來。
10:2 以前尼八的子耶羅波安為著閃避所羅門王，走去住佇埃及；耶羅波安聽著此個代誌，就對埃及倒來。
10:3 𪜶差人去叫伊來，耶羅波安就及以色列眾人來見羅波安；
10:3 以色列人差人去請伊來；耶羅波安就及以色列會眾來見羅波安，對伊講：
10:4 給伊講：「你的老父互阮背艱苦的軛；你的老父所下佇阮的苦工及重的軛，求你減輕，阮就服事你。」
10:4 「你的老父互阮背重的擔；求你減輕你的老父下佇阮肩頭頂的重擔，減少阮的苦工，阮就服事你。」
10:5 羅波安給𪜶講：「三日後閣來見我！」百姓就去。
10:5 羅波安給𪜶講：「三日後才閣來。」人民就倒去。
10:6 羅波安的老父所羅門活啲的時，有跟隨佇伊面前的老人，羅波安王及𪜶議論，講：「恁有甚麼計策，我通回覆此個百姓。」
10:6 羅波安的老父所羅門猶活啲的時，有元老服事伊；羅波安王請教𪜶，講：「恁有什麼計策，我通回復諸個人民？」
10:7 𪜶給伊講：「你若好款待此個百姓，互𪜶歡喜，用好話來應𪜶，𪜶就永遠做你的奴僕。」
10:7 𪜶應伊講：「你若好款待諸個人民，互𪜶歡喜，用好話回答𪜶，𪜶就會永遠做你的僕人。」
10:8 總是伊拒絕老人所互伊的計策，及許個徛佇伊面前及伊平勻的少年人參詳，
10:8 毋拘羅波安拒絕諸個元老互伊的計策，去及許個及伊做夥大漢，服事伊的少年人參詳；
10:9 給伊講：「此個百姓有對我講：『你的老父下佇阮的軛，求你互阮卡輕』；今恁有甚麼計策，互咱通回覆𪜶。」
10:9 伊給𪜶講：「諸個人民有對我講：『求你減輕你的老父下佇阮肩頭頂的重擔。』今恁有什麼意見互咱通給𪜶回復？」
10:10 許個及伊平勻的少年人講：「此個百姓對你講：『你的老父互阮背重的軛求你給阮減輕』；你著按呢應𪜶講：『我的尾指卡大我的老父的腰；
10:10 許個及伊做夥大漢的少年人給伊講：「諸個人民對王講：『求你減輕你的老父下佇阮肩頭頂的重擔。』王著按呢應𪜶講：『我的尾指比我的老父的腰較粗。
10:11 我的老父互恁背重的軛，我欲加添恁的軛；我的老父用鞭警戒恁，我欲用蠍仔蟲警戒恁。』」
10:11 我的老父互恁背重的擔，我欲互恁閣較重的擔；我的老父用鞭刑罰恁，我欲用鐵刺的鞭刑罰恁。』」
10:12 第三日，耶羅波安及眾百姓到羅波安遐，照王所命令講「第三日閣來我遮」。
10:12 耶羅波安及眾人民照羅波安王的話，佇第三日倒來見伊。
10:13 王用歹聲嗽應百姓，羅波安王放拺老人的計策，
10:13 王用歹聲嗽應人民；伊毋聽元老互伊的建議，
10:14 照少年人的計策對𪜶講：「我的父互恁背重的軛，我欲加添恁的軛；我的父用鞭警戒恁，我欲用蠍仔蟲警戒恁。」
10:14 顛倒照少年人的意見對人民講：「我的老父互恁背重的擔，我欲互恁閣較重的擔；我的老父用鞭刑罰恁，我欲用鐵刺的鞭刑罰恁。」
10:15 王無聽趁百姓；因為此個代誌是出佇上帝，互耶和華應驗伊託示羅人亞希雅對尼八的子耶羅波安所講的話。
10:15 王毋肯聽人民的請求，因為此個代誌是出佇上帝，欲實現上主通過示羅人亞希雅對尼八的子耶羅波安所講的話。
10:16 以色列眾百姓看見王無聽趁𪜶，百姓就對王講：
阮佇大衛有甚麼份額啊？
阮及耶西的子無干涉！
以色列啊，逐人倒去恁的布棚！
大衛啊，著顧你家己的厝！
對按呢，以色列眾人倒去𪜶的布棚。
10:16 以色列眾人民一下知王毋肯聽𪜶的請求，就對王講：
大闢的王國阮無份；
耶西的子及阮無關係。
以色列人啊，恁攏倒去恁兜！
今，大闢家，恁家己顧互好！
對按呢，以色列人攏倒去𪜶兜。
10:17 總是徛起猶大諸個城的以色列人，羅波安猶原做𪜶的王。
10:17 毋拘羅波安猶原做住佇南部猶大地區的以色列人的王。
10:18 羅波安王差管理做苦工的人哈多蘭去，以色列人就用石頭擲死伊。羅波安王就趕緊上車，欲走去耶路撒冷。
10:18 羅波安王派監督強制勞工的亞多蘭去以色列人遐；以色列人民用石頭給伊抌死。羅波安王就趕緊上戰車走倒去耶路撒冷。
10:19 對按呢，以色列反叛大衛家，到今仔日。
10:19 對按呢，北部的以色列人反叛大闢家，到今仔日。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。