上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
歷代志下
所羅門的成就
8:1 ( 王上 9:10-28 )
到二十年尾，就是所羅門起耶和華的殿及王宮完工的時。
所羅門其他的事蹟
8:1 ( 王上 9:10-28 )
所羅門用二十年起上主的聖殿及王宮，完工以後，
8:2 所羅門閣起戶蘭所互所羅門許個城，互以色列人住佇遐。
8:2 所羅門閣修建希蘭王互伊的城，互以色列人住佇遐。
8:3 所羅門去到哈馬瑣巴，攻取伊。
8:3 所羅門攻取哈馬‧瑣巴，
8:4 伊閣佇曠野起達莫，及佇哈馬所起許個府庫的城，
8:4 閣重建佇曠野的達莫，佇哈馬起造囤積物資的城；
8:5 閣起頂伯‧和崙，下伯‧和崙是險要的城，有牆，有門，有楗；
8:5 閣重建頂‧伯‧和崙及下‧伯‧和崙，成做有牆，有門，有門閂的堅固的城。
8:6 閣起巴拉及所羅門所有府庫的城，及下車的城及馬兵的城，及所羅門佇耶路撒冷、佇黎巴嫩，及佇伊所治理的全地，為家己的快樂所愛起的攏起伊。
8:6 所羅門閣起造巴拉城及真多囤積軍用品的城，以及下戰車的城及下戰馬的城。所羅門閣佇耶路撒冷、黎巴嫩，及全國逐所在，起造伊所愛起的建築。
8:7 論到所剩的百姓赫人、亞摩利人、比利洗人、希未人、耶布斯人，是屬佇以色列的，
8:7 所有住佇境內的赫人、亞摩利人、比利洗人、希未人、耶布斯人賰落來的後代，毋是屬佇以色列，
8:8 就是佇此地方𪜶所剩的後裔，以色列人無一盡滅者，所羅門派𪜶做苦工，到今仔日。
8:8 無互以色列人消滅的，所羅門強制𪜶做苦工，到今仔日。
8:9 總是以色列人，所羅門無互𪜶做奴僕做伊的工，是做伊的戰士，軍長的首領、車長、馬兵長。
8:9 毋拘所羅門無互以色列人做奴隸做苦工；伊互𪜶做伊的戰士、官長、戰車長、馬兵長。
8:10 所羅門王的大官，管理百姓者二百五十人。
8:10 所羅門王的督工有兩百五十人。
8:11 所羅門帶法老的查某子對大衛的城，上到伊所給伊起的厝；因為講：「我的某通徛起佇以色列王大衛的厝，因為耶和華的櫃所到的所在攏是聖地。」
8:11 所羅門將埃及王的查某子對大闢城搬入去為著伊起的宮殿；因為所羅門講：「我的某毋通住佇以色列王大闢的宮殿；因為上主的約櫃所到的所在攏神聖。」
8:12 所羅門佇耶和華的壇，就是佇兩廊的頭前所起的，獻燒祭互耶和華；
8:12 所羅門佇聖殿走廊頭前所起上主的祭壇，獻燒化祭互上主；
8:13 照摩西所命令佇安息日、月的初一，一年三擺所定著的節，就是除酵節、七七節、搭寮仔節，照逐日所應該獻的來獻。
8:13 照摩西的命令，佇安歇日、初一，及逐年三遍的節期，就是除酵節、七七收割節、搭寮節，照逐日應該獻的來獻祭。
8:14 閣照伊的老父大衛的例，定著祭司的班列，來做伊的工，閣定著利未人盡𪜶的職，互𪜶謳咾，閣佇祭司的面前服事照逐日所應該做的；閣設立顧門者，照𪜶的班列佇逐個門，這是上帝的奴僕大衛所命令的。
8:14 閣照伊的老父大闢的規例，分配祭司的班次及職務；嘛分配利未人的職務，負責頌讚，照逐日的規定協助祭司；閣分派守衛，照班次佇逐個門顧守。諸個攏照上帝重用的人大闢的命令安排。
8:15 王所命令許個祭司及利未人，無論管府庫抑是別項事，𪜶攏無違逆。
8:15 無論管理府庫，抑是做逐款職務，許個祭司及利未人攏無違逆王的命令。
8:16 所羅門起耶和華的殿，對下地基到成功的日，工料攏代先備辦。按呢，耶和華的殿攏起好。
8:16 所羅門起上主聖殿的工事，對下地基彼日到完工，攏順利進行。按呢，上主的殿就完成。
8:17 彼時，所羅門去以東地到佇海墘的以旬‧迦別及以祿。
8:17 彼時，所羅門去以東地區的海港以旬‧迦別及以祿。
8:18 希蘭託伊的奴僕，差船隻及知影海路的奴僕到伊遐。𪜶及所羅門的奴僕到俄斐，對遐得著金四百五十他連得，運到所羅門王遐。
8:18 希蘭派伊的官員，將船及經驗豐富的船員送互所羅門。𪜶及所羅門的船員去俄斐，對遐運送金一萬五千公斤到所羅門王遐。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。