上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
歷代志下
5:1 對按呢所羅門為著耶和華的殿所做的工攏完。所羅門將伊的老父大衛所獻許個物帶入去，伊的銀，伊的金，伊許個器具，下佇上帝殿內的府庫。
5:1 按呢，所羅門王完成上主聖殿一切的工。所羅門將伊的老父大闢所獻的金、銀，及器具攏帶入去下佇上帝聖殿的府庫。
運約櫃入殿
5:2 ( 王上 8:1-9 )
彼時，所羅門聚集以色列的長老、各支派的首領，及以色列人許個族長到耶路撒冷，欲將耶和華的約櫃對大衛城──就是錫安──運上來。
迎接約櫃入聖殿
5:2 ( 王上 8:1-9 )
彼時，所羅門召集以色列的長老、逐支族的首領，以及逐宗族的族長來耶路撒冷，欲迎接上主的約櫃，對錫安的大闢城運起來聖殿。
5:3 以色列眾人，就佇七月的節期攏聚集到王遐。
5:3 七月的節期，以色列人攏聚集佇王遐。
5:4 以色列諸個長老到地，許個利未人扛約櫃。
5:4 以色列的長老攏來，許個利未人就扛約櫃起來。
5:5 𪜶就扛約櫃，及會幕及布棚內一切聖的器具上來，祭司利未人攏扛伊上來。
5:5 祭司及利未人將約櫃、會幕，以及布棚內一切聖的器具扛入聖殿。
5:6 所羅門王及聚集到伊遐以色列的全會，佇約櫃前獻羊牛做祭祀，多到𣍐算得，也算𣍐了。
5:6 所羅門王及聚集佇伊遐的以色列全會眾，佇約櫃前獻牛、羊做祭物，祭物多甲𣍐算得。
5:7 祭司扛耶和華的約櫃到伊的所在入彼間厝的後殿，到至聖所，下佇𠼻𡀔兵的翅下。
5:7 祭司扛上主的約櫃入內殿，就是至聖所，下佇指定的所在，天使基路伯翼股下面。
5:8 因為𠼻𡀔兵展開𪜶的翅佇櫃的所在的頂面，𠼻𡀔兵佇彼頂面遮蓋櫃及伊的槓。
5:8 基路伯佇下約櫃的所在的頂面搋開𪜶的翼，遮蓋約櫃及扛約櫃的槓。
5:9 許個槓真長，伊的槓尾對約櫃佇後殿前通看見，佇外面就𣍐看見，到今仔日猶佇遐。
5:9 槓真長，槓尾佇內殿前的聖所看會著，對外面就𣍐當看著；到今仔日槓猶佇遐。
5:10 櫃內只有二塊石碑，就是以色列人出埃及地，耶和華及𪜶立約的時，摩西佇何烈山所下的。這以外，無別項物。
5:10 約櫃內面只有兩塊石版，以外攏無別項物；石版是以色列人出埃及地，上主佇何烈山及𪜶立約的時摩西所下的。
上帝的榮光
5:11 許個祭司出聖所，因為所佇遐的祭司攏已經家己清氣，無照𪜶的班列。
上主的榮光
5:11 所有佇聖殿無論屬叨一個班次服事的祭司，攏已經潔淨家己。𪜶對聖殿出來的時，
5:12 利未人中眾唱歌者就是亞薩、希幔、耶杜頓，及𪜶許個子許個兄弟攏穿幼苧衫，徛佇壇的東勢，提鐃鈸、及瑟、及琴，閣有祭司百二人及𪜶佇遐歕哨角，
5:12 利未人的中間負責獻詩的，就是亞薩、希幔、耶杜頓，以及𪜶的後代及親族，攏穿幼麻布的衫，徛佇祭壇的東旁，提鐃鈸、瑟，及琴；閣有百二個祭司提喇叭及𪜶做夥佇遐。
5:13 許個歕哨角者、許個唱歌者一齊同聲，謳咾感謝耶和華。用伊的哨角、鐃鈸、樂器，大聲謳咾耶和華講：
因為伊是好，
伊的慈惠永永佇啲！
彼時，彼個殿就是耶和華的殿，有雲充滿，
5:13 許個歕喇叭的、唱歌的，和諧齊聲，稱讚感謝上主。𪜶用喇叭、鐃鈸、樂器伴奏，大聲稱讚上主講：
上主至善，
伊的慈愛續到永遠。
彼時，上主的殿互雲充滿；
5:14 致到祭司為著雲的緣故𣍐會徛啲服事，因為耶和華的榮光充滿上帝的殿。
5:14 因為按呢，祭司𣍐當繼續服事；上主的榮光充滿上帝的殿。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。