上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
歷代志下
聖殿的設備
4:1 ( 王上 7:23-51 )
伊閣創一座銅壇，長二十肘，闊二十肘，高十肘；
聖殿的器具
4:1 ( 王上 7:23-51 )
所羅門閣造一座銅壇，長九公尺，闊九公尺，高四公尺半。
4:2 閣鑄一個銅海，款式是圓的，高五肘，對此旁到彼旁十肘，圓環三十肘；
4:2 閣鑄一個圓形的銅海，深兩公尺二十公分；直徑四公尺四十公分，周圍十三公尺二十公分。
4:3 伊的下面有匏仔的款圍伊，每肘十粒，來圍彼個銅海，匏仔有二鑆，鑄銅海的時續鑄伊；
4:3 銅海的唇下面有兩排牛圍啲，每四十五公分十隻，是鑄銅海的時像時鑄的。
4:4 銅海靠佇十二隻銅牛的頂面：三隻向北，三隻向西，三隻向南，三隻向東；銅海下佇牛的頂面，牛尾向內面；
4:4 銅海安佇十二隻銅牛的頂面，三隻向北，三隻向西，三隻向南，三隻向東；牛尾向內面。
4:5 銅海厚一巴掌的闊，伊的墘親像杯的墘，親像百合花，通貯三千罷特；
4:5 銅海的厚度七公分半；伊的唇親像杯的唇，形親像百合花；會當貯六萬公升。
4:6 閣創十個盆：下五個佇正旁，五個佇倒旁，通洗佇遐，獻燒祭所用的物洗佇彼內面；獨獨銅海是互祭司通洗。
4:6 閣造十個盆，五個下佇南旁，五個佇北旁，內面通洗獻燒化祭的物。銅海干焦互祭司洗盪。
4:7 閣照𪜶的體式造十個金的燈台，下佇殿內：五個佇正旁，五個佇倒旁；
4:7 閣照規定的款式造十個金燈台，下佇殿內，五個佇正旁，五個佇倒旁；
4:8 閣創十塊桌，下佇殿內：五塊佇正旁，五塊佇倒旁；閣創一百塊金碗；
4:8 閣造十塊桌下佇殿內，五塊佇正旁，五塊佇倒旁；閣造一百塊金碗。
4:9 閣起造祭司的院及大院，以及院門，用銅安許個門；
4:9 閣造祭司埕，嘛造大埕，以及大埕的門；門扇用銅包啲。
4:10 用銅海下佇殿的正旁，東勢向南。
4:10 銅海下佇聖殿的東南旁。
4:11 戶蘭閣創盤、托仔、碗。按呢，戶蘭為所羅門王佇上帝的殿所做的工攏完。
4:11 戶蘭閣造盆、托仔，及碗。按呢，戶蘭為著所羅門王完成上帝聖殿一切的工。
4:12 就是：二支柱及許個盤，及柱頂二個柱枓，及蓋柱頂二個柱枓的盤的網，
4:12 伊所造的有：
兩支柱、柱頂碗形的柱斗、蓋碗形柱斗的網仔；
4:13 閣有石榴四百粒，安佇二個網（每個網有石榴二鑆，蓋佇柱頂二個柱枓的盤）。
4:13 四百粒石榴，分做兩旁，一旁兩排，安佇兩領蓋碗形柱斗的網仔；
4:14 閣創許個座及座頂的盆，
4:14 盆座及座頂的盆；
4:15 銅海一個及伊的下面的牛十二隻，
4:15 一座銅海，銅海下面十二隻牛；
4:16 伊的老父戶蘭用光亮的銅，為所羅門王為耶和華的殿做盤、托仔、肉叉，及逐樣的器具，
4:16 盆、托仔，及肉叉；
以上諸個器具攏是師傅戶蘭為著所羅門王起上主聖殿用光亮的銅做的。
4:17 王佇約但平洋疏割及撒利但的中間佇粘土的地鑄成的。
4:17 諸個器具是王佇約旦平原，用疏割及撒拉旦中間的黏土做模鑄造的。
4:18 按呢所羅門做許個一切的器具真多，銅的輕重𣍐得著知。
4:18 所羅門造的器具非常多，銅的重量無法度計算。
4:19 所羅門也創上帝殿內一切的器具及金的壇及排列餅許個桌，
4:19 所羅門閣造上帝殿內所有的器具：金壇、排獻祭的餅的桌、
4:20 及好金的燈台及伊的燈，通照例點佇後殿的頭前。
4:20 𫞼佇至聖所頭前，照規例點𤏸的純金燈台及燈；
4:21 伊的花伊的燈及鉗，攏是金的，閣是足成的金；
4:21 純金做的燈台的花、燈，及鑷仔；
4:22 閣用好金做剪刀、盤、匙、火鼎。論到厝的門路，伊的內面至聖所的門及厝的門，就是殿的門，攏是金的。
4:22 純金做的燈心的剪刀、盤、囥香的𥐵仔，及囥火炭的盆；閣有聖殿的門，就是至聖所的門及前殿的門，攏用金包啲。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。