上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
歷代志下
3:1 所羅門動工起耶和華的殿佇耶路撒冷、摩利亞的山，就是耶和華對伊的老父大衛出現的所在，大衛曾定著彼個地佇耶布斯人阿珥楠的五穀場。
開始起造聖殿
3:1 ( 王上 6:1-38 )
所羅門佇耶路撒冷的摩利亞山動工起造上主的聖殿。此個所在早前是耶布斯人亞勞拿的五穀場；上主曾佇遮對所羅門的老父大闢顯現，所以大闢決定欲佇遮起聖殿。
3:2 所羅門坐位第四年二月初二動工來起。
3:2 所羅門作王第四年，二月初二，開始動工。
3:3 所羅門所下的地基欲起上帝的殿的，記佇下底：長六十肘，闊二十肘，攏是照古早的寸尺。
3:3 所羅門欲起的上帝的殿的地基，長二十七公尺，闊九公尺。
3:4 頭前的廊長二十肘，及殿的闊平平，高一百二十肘；內面安好金。
3:4 殿前的走廊闊九公尺，及殿平闊；高五十四公尺；內面貼純金。
3:5 大間殿的壁用松樹的柴蓋伊，用好金安伊，頂面刻棗樹及鍊仔；
3:5 大殿的壁用松樹板蓋，用純金貼；頂面刻棗樹及鍊仔。
3:6 用寶石鑲彼間殿，互伊真媠；所用的金攏是巴瓦音的金。
3:6 彼間殿閣用寶石及巴瓦音的金裝飾。
3:7 閣用金安殿及棟樑，戶椗、牆壁、門扇；壁頂刻𠼻𡀔兵。
3:7 殿，包括殿的樑、戶橂、牆壁、門扇攏用金貼；壁頂刻天使基路伯。
3:8 閣起至聖所，長二十肘，及殿的闊平平，伊的闊也是二十肘；用好金安，計共六百他連得。
3:8 閣起至聖所，長九公尺，闊及聖殿的闊相像九公尺，攏貼純金，金的重量二十公噸。
3:9 釘的金釘重五十舍客勒。樓閣攏安金。
3:9 金釘仔重五百七十公克。頂面的部份嘛攏貼金。
3:10 至聖所的內面照做像的法創二個𠼻𡀔兵，用金安伊。
3:10 至聖所的內面雕刻一對天使基路伯，外面包金。
3:11 許個𠼻𡀔兵的翅共長二十肘。此個𠼻𡀔兵一支翅長五肘，伸到殿此旁的壁；彼支翅也是五肘，伸到彼個𠼻𡀔兵的翅。
3:11 兩個基路伯的翼攏總大約九公尺。第一個基路伯一旁的翼抵著此旁的壁，第二個一旁的翼抵著彼旁的壁；𪜶另外兩支翼佇殿的中央相磕；每一支翼長兩公尺二十公分。
3:12 彼個𠼻𡀔兵一支翅也是五肘，伸到殿彼旁的壁；彼支翅也是五肘，及此個𠼻𡀔兵的翅相接。
3:12 併於上節
3:13 許個𠼻𡀔兵展開翅，共二十肘，𪜶的腳啲徛，面向內面。
3:13 此兩個基路伯搋開翼，攏總約九公尺；𪜶的腳徛啲，面向入口。
3:14 閣用藍色、紫色、朱紅色的料及幼苧布做帳；綉𠼻𡀔兵佇伊的頂面。
3:14 閣用藍色、紫色、朱紅色的紗，及幼麻布做帳，繡基路伯佇彼頂面。
二支銅柱
3:15 ( 王上 7:15-22 )
佇殿前創二支柱，高三十五肘；每支柱的柱枓高五肘。
兩支銅柱
3:15 ( 王上 7:15-22 )
所羅門王佇殿前造兩支柱，高十五公尺半，每一支柱的柱斗高兩公尺二十公分。
3:16 閣做鍊仔，安佇柱枓；閣做石榴一百粒，安佇鍊仔頂。
3:16 閣做鍊仔安佇柱斗；閣做石榴一百粒，安佇鍊仔頂。
3:17 許個柱祀佇殿前，一支佇正旁，一支佇倒旁；正旁的號名叫雅斤，倒旁的號名叫波阿斯。
3:17 彼兩支柱𫞼佇殿前，一支佇正旁，一支佇倒旁；正旁彼支叫做雅斤，倒旁彼支叫做波阿斯。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。