上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
歷代志上
22:1 大衛講：「這是耶和華上帝的厝，此個是以色列燒祭的壇。」
22:1 大闢講：「主上帝的聖殿欲起佇遮；以色列人欲佇遮獻燒化祭。」
備辦起上帝的殿
22:2 大衛命令聚集徛起以色列地的出外人，閣派拍石的師傅拍石，愛欲起上帝的殿。
準備起聖殿
22:2 大闢下令召集住佇以色列地的外國人，閣派𪜶的拍石師傅去拍石，為著欲起上帝的殿。
22:3 大衛備辦鐵真多做門扇的釘及相連的路用，閣備辦銅真多，到𣍐秤得；
22:3 大闢準備真多鐵，做門扇的鐵釘及門鈕；閣準備多甲𣍐秤得的銅。
22:4 亦備辦𣍐算得的柏香柴，因為西頓人及推羅人載多多柏香柴到大衛遐。
22:4 伊嘛有算𣍐了的柏香柴，因為西頓人及泰爾人載真多柏香柴互大闢。
22:5 大衛講：「我的子所羅門猶久細漢閣軟茈，欲給耶和華起的殿著真媠到極，互伊名聲榮光到佇萬國，所以我今著給伊備辦。」大衛就佇未死的代先備辦多多材料。
22:5 大闢想：「我的子所羅門猶少年無經驗；上主的聖殿著起真堂皇，互伊的名聲榮耀透到萬國。所以，我欲為著此個殿準備。」大闢就佇猶未死以前準備真多材料。
22:6 大衛就叫伊的子所羅門來，吩咐伊著給以色列的上帝起殿，
22:6 大闢叫伊的子所羅門來，交代伊著為上主 — 以色列的上帝起聖殿。
22:7 給所羅門講：「我的子啊，我心內本想欲為耶和華──我的上帝的名起殿，
22:7 大闢給所羅門講：「我的子，我本來想欲為上主 — 我的上帝的名起聖殿，
22:8 總是耶和華的話臨到我講：『你流多多人的血，大大交戰，你𣍐得通為我的名起殿，因為你佇我的目睭前互多多人的血流佇地裡。
22:8 毋拘上主給我講：『你不時交戰，刣死真多人，流真多人的血；你毋通為著我的名起聖殿，因為我有看著你流真多人的血佇地裡。
22:9 看啊，你欲生一個子，伊欲做太平的人；我欲互伊太平，互四圍諸個對敵無攪擾伊。伊的名欲叫所羅門。佇伊坐位的日，我欲賞賜安靜和平互以色列。
22:9 毋拘，你會生一個子，我欲互伊一生太平，無受四圍對敵侵犯。伊的名欲叫做所羅門；佇伊統治的時，我欲互以色列國泰民安。
22:10 伊欲為我的名起殿。伊欲做我的子；我欲做伊的父。我欲堅固伊的國位，佇以色列到永遠。』
22:10 伊欲為著我的名起聖殿。伊欲做我的子，我欲做伊的父。我欲堅立伊的國權，互伊永遠統治以色列。』」
22:11 我的子啊，今願耶和華及你佇啲，互你亨通，起你的上帝──耶和華的殿，照伊所論到你的。
22:11 大闢閣講：「我的子，願上主及你同在，互你順利亨通，照伊給你應允的，起上主 — 你的上帝的聖殿。
22:12 獨獨願耶和華賞賜你聰明智慧，互你治理以色列，來遵趁耶和華──你的上帝的律法。
22:12 願上主賜你聰明智慧，遵趁上主 — 你的上帝的律法來治理以色列。
22:13 你若謹慎遵趁耶和華所命令摩西教示以色列諸個律例法度，就你欲亨通。你著奮志好膽，莫得驚，莫得愞。
22:13 你若謹慎遵趁上主通過摩西教示以色列的規例及命令，就會亨通；你著堅強勇敢，毋通驚，毋通懍。
22:14 我佇困苦中為耶和華的殿備辦金十萬他連得，銀一百萬他連得，銅及鐵重到𣍐秤得，因為真多；我也有備辦柴及石，你通閣加添伊。
22:14 我辛辛苦苦為上主的殿準備金三千四百公噸，銀三萬四千公噸，多甲𣍐秤得的銅及鐵，閣有石及木材；諸個以外你通閣加添。
22:15 閣你也有多多師傅、拍石者、做木者，及逐號工程師，通做逐號的工。
22:15 你嘛有真多師傅：拍石的、土水的、作木的，以及真多𠢕用金、銀、銅、鐵做逐款工藝的師傅。你著起來開始做工。願上主及你同在！」
22:16 金銀銅鐵多到𣍐算得。你著起來做，願耶和華及你佇啲。」
22:16 併於上節
22:17 大衛閣吩咐以色列的眾首領幫助伊的子所羅門，講：
22:17 大闢閣命令以色列所有的官員幫贊伊的子所羅門，講：
22:18 「耶和華──恁的上帝豈無及恁佇啲嗎？豈無佇四圍賞賜恁平安嗎？因為伊已經將此個地徛起的百姓交佇我的手，此個地就降服佇耶和華及伊的百姓的面前。
22:18 「上主 — 恁的上帝豈無及恁同在？豈無互恁國境平安？上主已經將此個地的住民交互我治理，此個地及住民嘛歸順上主及伊的子民。
22:19 今恁著定著恁的心恁的意思，尋耶和華──恁的上帝；亦著起來起造耶和華上帝的聖所，通將耶和華的約櫃及上帝聖的器具搬入為耶和華的名所欲起的殿。」
22:19 今恁著全心全情尋求上主 — 恁的上帝，閣著起來起造主上帝的聖所，通將上主的約櫃及上帝聖的器具，搬入奉上主的名欲起造的聖殿。」
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。