上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
歷代志上
佇軍事的得勝
18:1 ( 撒下 8:1-18 )
此霎了後，大衛拍非利士人，互𪜶降服，閣對非利士人的手取迦特及伊的鄉里；
上主互大闢得勝
18:1 ( 撒下 8:1-18 )
後來，大闢攻擊非利士人，互𪜶降服；閣對非利士人的手取著迦特及附近的庄社。
18:2 閣拍摩押，摩押人就服事大衛，來進貢伊。
18:2 大闢閣拍敗摩押人，摩押人就歸順大闢，閣進貢。
18:3 瑣巴王哈大利謝去伯拉河，欲堅固伊的國權，大衛就拍伊，直到哈馬，
18:3 瑣巴王哈大底謝去幼發拉底河，欲堅固伊的統治權的時，大闢攻擊伊，直到哈馬。
18:4 大衛搶伊的戰車一千張，馬兵七千，步兵二萬，拖車的馬大衛就割伊大腿的筋，其中只有留一百張車的馬。
18:4 大闢搶伊的戰車一千台、馬兵七千、步兵兩萬，閣斬斷戰車的馬的腳筋；只有留夠額通拖一百台戰車的馬。
18:5 大馬色的亞蘭人來幫助瑣巴王哈大利謝，大衛就刣亞蘭人二萬二千人。
18:5 大馬士革的敘利亞人來幫贊瑣巴王哈大底謝，大闢就刣死敘利亞人兩萬兩千。
18:6 對按呢大衛佇大馬色的亞蘭地設立防守的兵營，亞蘭人就降服大衛，來進貢伊。大衛無論叨落去，耶和華攏互伊得勝。
18:6 對按呢，大闢佇大馬士革的敘利亞設立軍營。敘利亞人就歸順大闢，閣進貢。大闢無論去叨位，上主攏互伊得勝。
18:7 大衛搶哈大利謝諸個奴僕金的屏牌帶到耶路撒冷。
18:7 大闢將哈大底謝的部下所用金的盾牌攏帶來耶路撒冷。
18:8 大衛閣對哈大利謝所管的提巴及均二個城搶多多銅。就是所羅門所用來造銅海及柱，以及諸個銅器的。
18:8 大闢王閣對哈大底謝的城提巴及均，提真多銅。後來，所羅門用諸個造銅海、銅柱，及所有的銅器。
18:9 哈馬王陀烏聽見大衛拍贏哈大利謝的全軍，
18:9 哈馬王陀以聽見大闢拍贏哈大底謝的全軍，
18:10 就差伊的子哈多蘭去見大衛王，給伊請安，也給伊祝福，因為伊有及哈大利謝交戰來卡贏伊（本然哈大利謝及陀烏常常有交戰的緣故）。哈多蘭續帶金銀銅諸個器具。
18:10 就差伊的子約蘭帶金器、銀器、銅器去見大闢王，給伊請安，祝賀伊拍贏哈大底謝，因為哈大底謝及陀以常常交戰。
18:11 大衛王將諸個器具，及對逐國帶來的金銀，攏分別做聖獻互耶和華，就是伊對以東、摩押、亞捫族、非利士人、亞瑪力所搶來的。
18:11 大闢王就將諸個物，及以前伊刣贏列國所得著的金銀，就是對以東、摩押、亞捫人、非利士人、亞瑪力人得著的，攏聖化獻互上主。
18:12 洗魯雅的子亞比篩佇鹽的山谷刣以東人一萬八千。
18:12 洗璐雅的子亞比篩佇鹽的山谷拍死以東人一萬八千。
18:13 伊佇以東地設立防守的兵營，以東人就攏降服大衛。大衛無論叨落去，耶和華攏互伊得勝。
18:13 大闢佇以東全地設軍營；以東人攏歸順伊。大闢無論去叨位，上主攏互伊勝利。
18:14 大衛做以色列全國的王，閣佇眾百姓的中間秉公行義。
18:14 大闢做全以色列的王，用公平正義治理伊所有的人民。
18:15 洗魯雅的子約押做元帥；亞希律的子約沙法做史官；
18:15 洗璐雅的子約押做元帥，亞希律的子約沙法做史官。
18:16 亞希突的子撒督及亞比亞他的子亞希米勒做祭司；沙威沙做書記官；
18:16 亞希突的子撒督及亞比亞他的子亞希米勒做祭司；西萊雅做書記。
18:17 耶何耶大的子比拿雅管轄基利提人及比利提人。大衛的眾子攏佇王的身邊做頭人。
18:17 耶何耶大的子比拿雅作頭指揮基利提人及比利提人。大闢的子攏做王室參謀。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。