上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
歷代志上
約櫃徙出基列‧耶琳
13:1 ( 撒下 6:1-11 )
大衛及諸個千總、百總，及諸個頭人參詳。
約櫃遷出基列‧耶琳
13:1 ( 撒下 6:1-11 )
大闢及指揮官、軍官，以及所有的領袖參詳。
13:2 大衛對以色列全會講：「恁若掠做好，閣是出佇耶和華──咱的上帝的意思，今咱就差人遍行以色列全地，見咱許個猶剩的兄弟及𫢶佇有郊野的城的祭司利未人，互𪜶攏聚集到咱遮。
13:2 大闢對以色列全會眾講：「恁若看做好，閣是出佇上主 — 咱的上帝的意思，咱著派人去以色列全地，去見無佇咱遮的親族，以及住佇有草埔的城的祭司及利未人，互𪜶攏聚集來遮。
13:3 咱就通帶咱的上帝的約櫃到咱遮；因為掃羅的時陣，咱無用彼個來問上帝。」
13:3 咱就通將咱的上帝的約櫃遷來遮；因為佇掃羅作王的時，咱無將約櫃看做要緊。」
13:4 全會攏講通按呢行；眾百姓攏看此個代誌做好。
13:4 全會眾攏同意按呢做；人民嘛看此個代誌做著。
13:5 對按呢，大衛召以色列人對埃及西曷的溪直到哈馬出入的所在，欲帶上帝的約櫃對基列‧耶琳來。
13:5 大闢就對埃及邊界的西曷河，到哈馬隘口召集所有的以色列人，欲將上帝的約櫃對基列‧耶琳接來。
13:6 大衛及以色列眾人就到巴拉，就是屬猶大的基列‧耶琳，愛欲對遐帶彼個𫢶佇𠼻𡀔兵中間耶和華上帝的約櫃，就是用伊名來稱呼者。
13:6 大闢及以色列眾人就去巴拉，就是屬猶大的基列‧耶琳，欲對遐將上帝的約櫃接來；此個櫃是奉坐佇兩個天使基路伯中間的上主的名稱呼的。
13:7 𪜶用新的車，載上帝的約櫃對亞比拿達的厝出來。烏撒及亞希約趕車。
13:7 𪜶將上帝的約櫃下佇新的車，對亞比拿達的厝載出來；烏撒及亞希約趕彼台車。
13:8 大衛及以色列眾人佇上帝的面前盡力唱歌，用琴、瑟、鑼、鼓、號頭，作樂跳舞。
13:8 大闢及以色列眾人佇上帝的面前盡力唱歌，用琴、瑟、鑼、鼓、喇叭，歡喜慶祝。
13:9 到基頓的五穀場；因為牛著觸，烏撒伸手按彼個櫃。
13:9 𪜶到基頓的五穀場，牛著觸，烏撒伸手給約櫃扶啲。
13:10 耶和華受氣烏撒，因為伊伸手按約櫃就拍伊，伊就死佇遐佇上帝的面前。
13:10 上主對烏撒發大受氣，因為伊伸手扶約櫃，就拍伊；伊就佇遐死佇上帝的面前。
13:11 大衛因為耶和華拍烏撒，就無歡喜，號彼個所在做毗列斯‧烏撒，直到今仔日。
13:11 大闢因為上主拍烏撒，真無歡喜，就將彼個所在號做比列斯‧烏撒，直到今仔日。
13:12 彼日，大衛驚上帝，就講：「我豈可通帶上帝的約櫃到我的所在？」
13:12 彼日，大闢驚上帝，就講：「我哪通將上帝的約櫃運來我的所在？」
13:13 對按呢大衛無帶約櫃到大衛的城家己的所在，就轉到迦特人俄別‧以東的家。
13:13 對按呢，大闢無將約櫃遷入大闢城，到家己的所在，就給伊徙去迦特人俄別‧以東的厝。
13:14 上帝的約櫃佇俄別‧以東的家佇伊的厝三月日久，耶和華賜福佇俄別‧以東的家及伊一切所有的。
13:14 上帝的約櫃停佇俄別‧以東的厝三月日久。上主賜福俄別‧以東的家及伊一切所有的。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。