上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
歷代志上
掃羅的死
10:1 ( 撒上 31:1-13 )
非利士人及以色列人交戰，以色列人佇非利士人的面前逃走，佇基利波山受刣死。
掃羅王的死
10:1 ( 撒上 31:1-13 )
非利士人及以色列人佇基利波山交戰；以色列人死真多，戰敗逃走。
10:2 非利士人趇近掃羅及伊許個子，非利士人就刣死掃羅的子約拿單、亞比拿達、麥基舒亞。
10:2 非利士人追趇掃羅及伊許個子，刣死掃羅三個子約拿單、亞比拿達，及麥基‧舒亞。
10:3 交戰的陣勢對佇掃羅真危急，射箭的人射伊，困苦到極，
10:3 掃羅受著猛烈的攻擊；伊互射箭的人發見，射著，受傷真傷重。
10:4 掃羅就給彼個攑伊的戰器者講：「你拔出你的刀，給我鑿死，免得許個無受割禮的人來凌辱我。」彼個攑伊的戰器的愛，因為真驚；
10:4 掃羅給替伊攑軍器的侍衛講：「拔刀給我鑿死，才免我互諸個無受割禮的人凌辱。」彼個侍衛毋敢，因為伊真驚。掃羅就向刀仆落去，家己鑿死。
10:5 掃羅就攑伊的刀將身軀俯佇頂面來刺死。攑伊的戰器的人看見掃羅已經死，也刺佇刀裡來死。
10:5 彼個侍衛看著掃羅已經死，嘛仆落去，家己鑿死。
10:6 按呢，掃羅及伊三個子死，全家做一下死。
10:6 按呢，掃羅及伊三個子攏死，全家滅亡。
10:7 徛起山谷的以色列人看見軍兵逃走，掃羅及伊的子攏死，也放拺𪜶的城逃走，非利士人就來徛起伊。
10:7 佇耶斯列山谷彼旁的以色列人看著𪜶的軍隊已經逃走，掃羅及伊的子嘛攏戰死，就放城逃走。非利士人就來佔許個城，佇遐徛起。
10:8 隔日，非利士人來搶剝許個受刣的人，尋著掃羅及伊的子死佇基利波山，
10:8 隔日，非利士人來剝戰死的人的物件，看著掃羅及伊的子死佇基利波山，
10:9 𪜶就剝伊，提伊的頭殼及軍裝，差人到非利士地的四境報消息互𪜶的偶像及𪜶的百姓，
10:9 就剝掃羅的軍服，提伊的頭殼及戰甲，派人去非利士逐所在，將此個消息報互𪜶的偶像及人民知。
10:10 用伊的軍裝下佇𪜶的上帝的廟，吊伊的頭殼佇大袞的廟。
10:10 𪜶將掃羅的戰甲下佇𪜶神明的廟內，將伊的頭殼吊佇大袞的廟。
10:11 基列的雅比人聽見非利士人所款待掃羅一切的事，
10:11 基列的雅比人聽著非利士人對掃羅所做的代誌，
10:12 𪜶的眾勇士就起來，將掃羅的身屍及伊許個子的身屍帶到雅比，閣將伊的骨骸佇雅比的橡樹腳，禁食七日。
10:12 𪜶的勇士攏起來，將掃羅及伊的子的身屍帶去雅比，將𪜶的骨骸葬佇雅比的橡樹腳，禁食七日。
10:13 按呢，掃羅死。因為伊犯罪佇耶和華，為著伊無守耶和華的命令；閣因為伊去尋鬼上身的婦仁人來問伊，
10:13 按呢掃羅死，因為伊背叛上主，無守上主的命令，去尋尪姨，求伊指點，
10:14 也無問耶和華，所以伊刣死伊，將伊的國歸互耶西之子大衛。
10:14 無尋求上主，所以上主給伊刣死，將王位交互耶西的子大闢。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。