上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
歷代志上
受掠倒來的人
9:1 按呢以色列人照𪜶的世系所算，看啊，有記載佇以色列列王的記錄。猶大人因為犯罪就受掠到巴比倫。
受掠倒轉來的人
9:1 所有的以色列人，照家譜，有登錄佇《以色列列王史》。猶大人因為背叛上帝，受掠去巴比倫。
9:2 代先徛起伊的業的逐個城的人，就是以色列人、祭司、利未人、尼提寧人。
9:2 代先轉來家己的城，住佇家己所有地的人，有以色列的平民、祭司、利未人、聖殿的工人。
9:3 徛起佇耶路撒冷的有猶大人、便雅憫人、以法蓮，及瑪拿西的人。
9:3 猶大、便雅憫、以法蓮、瑪拿西諸個支族的人住佇耶路撒冷。
9:4 猶大的子法勒斯的子孫中有烏太。烏太是亞米忽的子；亞米忽是暗利的子；暗利是音利的子；音利是巴尼的子。
9:4 猶大支族有六百九十個家族住佇耶路撒冷。猶大的子法勒斯的後代有烏太；烏太是亞米忽的子，亞米忽是暗利的子，暗利是音利的子，音利是巴尼的子。示羅的後代有大子亞撒雅，及伊的眾子。謝拉的後代有耶烏利及伊的兄弟。
9:5 示羅的子孫中有大子亞帥雅及伊的眾子。
9:5 併於上節
9:6 謝拉的子孫中有耶烏利及伊的兄弟，共六百九十人。
9:6 併於上節
9:7 便雅憫的子孫中有撒路，撒路是米書蘭的子，米書蘭是何達威雅的子，何達威雅是哈西努的子，
9:7 便雅憫的後代有撒路；撒路是米書蘭的子，何達威雅的孫，哈西努亞的乾仔孫。
9:8 閣有耶羅罕的子伊比尼雅、米基立的孫、烏西的子以拉，伊比尼雅的曾孫、流珥的孫、示法提雅的子米書蘭，
9:8 閣有伊比尼雅，伊比尼雅是耶羅罕的子；閣有以拉，以拉是烏西的子，米基利的孫；閣有米書蘭，米書蘭是示法提雅的子，流珥的孫，伊比尼雅的乾仔孫。
9:9 及𪜶的兄弟，照𪜶的世系共九百五十六人。諸個攏是照𪜶列祖的家來做族長。
9:9 便雅憫支族有九百五十六個人，住佇耶路撒冷。以上諸個人攏是家族的族長，有登錄佇家譜。
住佇耶路撒冷的祭司
9:10 屬祭司的有耶大雅、耶何雅立、雅斤，
住佇耶路撒冷的祭司
9:10 祭司中有耶大雅、耶何雅立、雅斤，
9:11 猶有管理上帝的殿者希勒家的子亞薩利雅。希勒家是米書蘭的子；米書蘭是撒督的子；撒督是米拉約的子；米拉約是亞希突的子。
9:11 猶有上帝聖殿的總管亞撒利雅；亞撒利雅是希勒家的子，希勒家是米書蘭的子，米書蘭是撒督的子，撒督是米拉約的子，米拉約是亞希突的子。
9:12 閣有瑪基雅的曾孫、巴施戶珥的孫、耶羅罕的子亞大雅，閣有亞第業的子瑪賽；亞第業是雅希細拉的子；雅希細拉是米書蘭的子；米書蘭是米實利密的子；米實利密是音麥的子。
9:12 閣有耶羅罕的子亞大雅，耶羅罕是巴施戶珥的子，巴施戶珥是瑪基雅的子；閣有亞底業的子瑪賽，亞底業是雅希細拉的子，雅希細拉是米書蘭的子，米書蘭是米實利密的子，米實利密是音麥的子。
9:13 𪜶及𪜶的兄弟攏做族長，共一千七百六十人，攏有才能𠢕做上帝的厝差用的工。
9:13 以上諸個人攏做𪜶家族的族長，真𠢕處理上帝殿內的事務；𪜶攏總有一千七百六十人。
住佇耶路撒冷的利未人
9:14 利未人米拉利的子孫中，有哈沙比雅的曾孫、押利甘的孫、哈述的子示瑪雅。
住佇耶路撒冷的利未人
9:14 利未人米拉利的後代有哈沙比雅的乾仔孫，亞斯利干的孫，哈述的子示瑪雅。
9:15 閣有拔巴甲、黑勒施、迦拉，及亞薩的曾孫、細基利的孫、米迦的子瑪探雅，
9:15 閣有拔巴甲、黑勒施、加拉，及瑪他尼；瑪他尼是亞薩的乾仔孫，細基利的孫，米迦的子。
9:16 閣有耶杜頓的曾孫、迦拉的孫、示瑪雅的子俄巴底，閣有以利加拿的孫、亞撒的子比利家。𪜶攏徛起佇尼陀法人的鄉社。
9:16 閣有耶杜頓的乾仔孫，加拉的孫，示瑪雅的子俄巴底亞。閣有以利加拿的孫，亞撒的子比利加。𪜶攏住佇尼陀法人的庄社。
住佇耶路撒冷的聖殿顧門的
9:17 顧門的是沙龍、亞谷、達們、亞希幔，及𪜶的兄弟；沙龍做𪜶的頭。
住佇耶路撒冷的聖殿守衛
9:17 聖殿的守衛有：沙龍、亞谷、達們、亞希幔，及𪜶的兄弟；沙龍做𪜶的頭。
9:18 伊平素顧守向東的門王出入的，𪜶攏是利未族諸個營中顧門者。
9:18 𪜶以前顧守東旁王的門；𪜶較早是利未族營中的守衛。
9:19 可拉的曾孫、以比雅撒的孫、可利的子沙龍，及伊同族的兄弟可拉人攏管理差用的工，及守會幕的門。𪜶的祖曾管理耶和華的營盤，顧守出入的所在。
9:19 可拉的乾仔孫，以比雅撒的孫，可利的子沙龍，及仝族的兄弟可拉人，攏負責事務，閣看守會幕的門；𪜶的祖先曾顧守上主會幕營地的入口。
9:20 早以利亞撒的子非尼哈管理𪜶，耶和華也及伊佇啲。
9:20 以前以利亞撒的子非尼哈曾做𪜶的總管，上主嘛及伊同在。
9:21 米施利米雅的子撒迦利雅做會幕的顧門者。
9:21 米施利米雅的子撒迦利亞嘛是會幕入口的守衛。
9:22 受揀選來顧門者共二百十二人。𪜶佇𪜶的鄉社，照世系來算，是大衛及先見的撒母耳所分派來擔當此個責任者。
9:22 受揀選做會幕入口守衛的人有兩百十二個。𪜶佇家己的庄社，有登錄佇𪜶的家譜。𪜶受大闢及先見撒母耳指派，負責此個職務。
9:23 𪜶及𪜶的子孫照𪜶的班列顧守耶和華的厝，就是會幕許個門。
9:23 𪜶及𪜶的後代繼續顧守上主聖殿的門，就是會幕的入口。
9:24 佇東西南北，四方攏有顧門者。
9:24 東西南北四旁的入口攏有守衛。
9:25 𪜶的兄弟𫢶佇鄉社者，每七日來及𪜶幫手。
9:25 𪜶𫢶佇逐庄社的兄弟，每七日輪流分擔𪜶的工作。
9:26 因為諸個顧門的頭四個利未人，攏擔當𪜶的責任，來管理上帝厝內諸個棧房及府庫。
9:26 此四個入口的守衛長是利未人，照𪜶的職責，管理上帝聖殿的房間及府庫。
9:27 𪜶徛起佇上帝的厝的四圍，因為彼個厝是交代𪜶，逐早起啲開門的也是𪜶。
9:27 𪜶佇上帝聖殿的周圍過暝，因為𪜶受託看守聖殿，逐早起負責開門。
其餘的利未人
9:28 𪜶中間幾若人管理服事的器具，因為照數額帶入也照數額帶出；
其他的利未人
9:28 利未人中間有人管理敬拜用的器具，提出提入攏著點算。
9:29 其中也有的受設立來管理許個器具及聖所的器具，以及麵粉、酒、油、乳香、芳料。
9:29 閣有人受派管理聖所其他所有的器具，以及麵粉、酒、油、乳香，及芳料。
9:30 祭司的子的中間幾若人用芳料做膏油。
9:30 祭司的後代閣有人負責調和芳料。
9:31 利未人瑪他提雅是可拉族沙龍的大子，伊的責任是管理盤內所煏的物。
9:31 利未人瑪他提雅是可拉族沙龍的大子，受派負責烘餅的工作。
9:32 𪜶同族的兄弟歌轄的子，有的管理排列的餅，逐個安息日備辦伊。
9:32 𪜶仝族的兄弟哥轄的後代，有人負責準備安歇日獻祭的餅。
9:33 諸個擔當唱歌的是利未人諸個族長，徛起佇殿邊的小厝，暝日當職，無做別項的工。
9:33 負責唱歌的人是利未人家族的族長，𫢶佇聖殿的房間，無做別項工課，因為暝日攏著愛侍奉。
9:34 頂面諸個攏是利未人的族長佇𪜶的世代做出名，徛起佇耶路撒冷。
9:34 以上諸個人，照族譜的記錄，是利未人家族的族長，攏住佇耶路撒冷。
掃羅王的祖先及後裔
9:35 ( 代上 8:29-38 )
基遍的老父耶利徛起基遍。伊的某瑪迦；
掃羅王的祖先及後代
9:35 ( 代上 8:29-38 )
耶利開創基遍城，徛起佇遐；伊的某叫做瑪迦。
9:36 伊的大子是亞伯頓。閣有蘇珥、基士、巴力、尼珥、拿答、
9:36 伊的大子是亞伯頓，閣有蘇珥、基士、巴力、尼珥、拿答、
9:37 基多、亞希約、撒迦利雅、米基羅。
9:37 基多、亞希約、撒迦利亞，及米基羅。
9:38 米基羅生示米暗。諸個人及𪜶的兄弟徛起佇耶路撒冷佇𪜶的兄弟的對面。
9:38 米基羅生示米暗。諸個人攏徛起佇耶路撒冷，及𪜶的親族住對面。
9:39 尼珥生基士；基士生掃羅；掃羅生約拿單、麥基舒亞、亞比拿達、伊施‧巴力。
9:39 尼珥生基士，基士生掃羅，掃羅有四個子：約拿單、麥基‧舒亞、亞比拿達，及伊施巴力。
9:40 約拿單的子是米力‧巴力；米力‧巴力生米迦。
9:40 約拿單生米力‧巴力，米力‧巴力生米迦。
9:41 米迦的子是毗敦、米勒、他利亞、亞哈斯。
9:41 米迦有四個子：比敦、米勒、他利亞，及亞哈斯。
9:42 亞哈斯生雅拉；雅拉生亞拉篾、亞斯瑪威、心利；心利生摩撒；
9:42 亞哈斯生雅拉，雅拉有三個子：亞拉篾、亞斯瑪威，及心利。心利生摩撒，
9:43 摩撒生比尼亞；比尼亞生利法雅；利法雅的子是以利亞撒；以利亞撒的子是亞悉。
9:43 摩撒生比尼亞，比尼亞生利法雅，利法雅生以利亞薩，以利亞薩生亞悉。
9:44 亞悉有六個子，𪜶的名是亞斯利干、波基路、以實瑪利、示亞利雅、俄巴底雅、哈難。這攏是亞悉的子。
9:44 亞悉有六個子：亞斯利干、波基路、以實瑪利、示亞利雅、俄巴底亞，及哈難。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。