上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
列王紀下
以色列國的王何細亞
17:1 猶大王亞哈斯十二年，以拉的子何細亞佇撒瑪利亞坐位做以色列王共九年。
以色列王何細亞
17:1 猶大王亞哈斯第十二年，以拉的子何細亞佇撒馬利亞開始作王，統治以色列九年。
17:2 伊行耶和華所看做歹的事，總是無親像伊以前的以色列諸個王。
17:2 伊做上主看做歹的事，毋拘無親像以前以色列諸個王。
17:3 亞述王撒縵以色上來攻擊伊，何細亞就降服伊，進貢伊。
17:3 亞述王撒縵以色上來攻擊。何細亞投降，給伊進貢。
17:4 亞述王知何細亞有計謀背叛，因為伊曾差使者去見埃及王梭，閣無進貢亞述王，親像以前年年的所做。所以亞述王關禁伊，縛伊佇監裡。
17:4 後來，何細亞派使者去見埃及王梭，請求援助，無親像過去每年進貢亞述王。亞述王知何細亞背叛，就給伊掠起來，關佇監裡。
17:5 亞述王上來遍行彼個地，閣上來圍攻撒瑪利亞三年久。
撒馬利亞淪陷
17:5 亞述王上來攻打以色列，圍困撒馬利亞三年久。
17:6 何細亞第九年亞述王取撒瑪利亞，掠以色列人到亞述，安置𪜶佇哈臘及哈博佇歌散河邊的，及瑪代人許個城。
17:6 何細亞第九年，亞述王攻取撒馬利亞，閣將以色列人掠去亞述，互𪜶住佇哈臘、歌散地區的哈博河邊，以及米底亞人的城。
17:7 這是因為以色列人得罪耶和華──𪜶的上帝，就是導𪜶出埃及地、脫離埃及王法老的手的，𪜶去敬畏別個上帝，
17:7 這是因為以色列人得罪上主 — 𪜶的上帝；伊有導𪜶出埃及地，脫離埃及王法老的手，𪜶卻去拜別個神明，
17:8 趁耶和華佇以色列的頭前所趕出的外邦人及以色列列王所設的規例。
17:8 去隨互上主佇以色列人面前趕出的列國及以色列列王所設的風俗規例。
17:9 以色列人暗靜行不義的事，得罪耶和華──𪜶的上帝，佇𪜶許個城，對守更樓到堅固的城，起山頭壇；
17:9 以色列人暗中做毋著的事，得罪上主 — 𪜶的上帝，佇𪜶所有徛起的所在，對干焦有守望台的庄社到有堡壘的城，起山頭壇。
17:10 佇逐個高山的頂面、逐欉青翠的樹腳，徛柱像及許個亞舍拉；
17:10 𪜶佇逐個高的山崙仔、逐欉青翠的樹下面，造石柱像及亞舍拉女神；
17:11 閣佇遐燒香佇逐個山頭壇，親像耶和華佇𪜶的頭前所趕出的外邦人的所行，閣行許個歹代來激耶和華的受氣；
17:11 閣佇逐個山頭壇燒香，學許個互上主佇𪜶面前趕出的列國的所做，做邪惡的事激上主受氣；
17:12 閣服事偶像，就是耶和華所吩咐𪜶講通按呢做的。
17:12 閣拜上主禁止𪜶拜的偶像。
17:13 總是耶和華託眾先知及先見者，對以色列及猶大做干證講：「著離開恁的歹所行，執守我的誡命律例，照我吩咐恁的列祖，及託我的奴僕眾先知所傳互恁完全的律法。」
17:13 上主曾差遣眾先知及先見警戒以色列及猶大，講：「著離開恁的歹行為，執守我的誡命及規例；著遵守我全部的律法，就是我命令恁的列祖，及通過我的僕人眾先知傳互恁的。」
17:14 總是𪜶聽，硬𪜶的頷頸，親像𪜶的列祖硬𪜶的頷頸，信服耶和華──𪜶的上帝的。
17:14 毋拘𪜶毋聽趁，親像𪜶的列祖硬心固執，毋肯悔改，毋信服上主 — 𪜶的上帝。
17:15 𪜶也棄拺伊的律例以及伊及𪜶的列祖所立的約，及對𪜶所干證的干證，趁虛假，來家己做虛假，學周圍的外邦人，許個人就是耶和華曾命令𪜶通學𪜶的所行的；
17:15 𪜶棄拺上主的規例，以及伊及𪜶的列祖所立的約，毋聽伊的警戒，去拜虛假的神明，致到家己成做空虛。雖然上主曾命令𪜶毋通學周圍列國的所做，𪜶猶原去學𪜶。
17:16 𪜶離開耶和華──𪜶的上帝一切的誡命，為本身鑄像就是二隻牛仔，做亞舍拉，敬拜天頂的萬象，服事巴力，
17:16 𪜶棄拺上主 — 𪜶的上帝所有的誡命，為家己鑄造兩隻牛仔的像，做亞舍拉女神的柱像，敬拜天頂的萬象，服事巴力。
17:17 閣互𪜶的子查某子經過火，也用占卜，邪術賣家己，行耶和華所看做歹的事，激伊的受氣。
17:17 𪜶燒𪜶的子查某子獻做祭，閣抽籤卜卦，行邪術，做上主看做歹的事，來出賣家己，激上主受氣。
17:18 所以耶和華大受氣以色列人，趕𪜶離開伊的面前，獨獨剩猶大一支派若定。
17:18 所以上主對以色列人發大受氣，對伊的面前給𪜶趕出去；只有賰猶大一個支族。
17:19 猶大也無趁耶和華──𪜶的上帝的誡命，就是趁以色列所立的規例。
17:19 猶大嘛無遵趁上主 — 𪜶的上帝的命令，顛倒學以色列的風俗規例。
17:20 耶和華棄拺以色列的眾後裔，苦楚𪜶，將𪜶交佇搶掠𪜶的人的手，到尾趕出𪜶離開伊的面前，
17:20 上主棄拺以色列所有的後代，給𪜶苦楚，將𪜶交互搶奪𪜶的人，最後對伊的面前給𪜶趕出去。
17:21 因為拆以色列離開大衛的家；𪜶就設立尼八的子耶羅波安做王。耶羅波安迫以色列互𪜶無趁耶和華，互𪜶奸犯大罪。
17:21 以色列對大闢家分裂出去，就設立尼八的子耶羅波安作王。耶羅波安引誘以色列，互𪜶無順趁上主，陷落大罪。
17:22 以色列人行耶羅波安所犯一切的罪，無離開伊，
17:22 以色列人繼續犯耶羅波安攏總的罪。
17:23 致到耶和華遷徙以色列離開伊的面前，照伊託伊的奴僕眾先知所講的。按呢，以色列受掠離開本地到亞述，到今仔日。
17:23 最後，上主給以色列對伊的面前趕出去，抵抵照伊通過伊的僕人眾先知所講的。按呢，以色列受掠離開𪜶的家鄉去到亞述，直到今仔日。
亞述人徛起佇以色列人中
17:24 亞述王對巴比倫、古他、亞瓦、哈馬，及西法瓦音移徙人來撒瑪利亞，安置𪜶佇許個城，替以色列人；𪜶就得著撒瑪利亞，來徛起許個城。
亞述遷徙人來撒馬利亞
17:24 亞述王對巴比倫、古他、亞瓦、哈馬，及西法瓦音，遷徙人來住佇撒馬利亞逐個城，代替以色列人；𪜶就佔領撒馬利亞，住佇許個城。
17:25 𪜶起頭徛起佇遐的時，無敬畏耶和華，所以耶和華互獅入𪜶中間，咬死幾若人。
17:25 𪜶抵仔住佇遐的時，無拜上主，所以上主就互獅入去𪜶中間，咬死一寡人。
17:26 有人報亞述王講：「你所移徙安置佇撒瑪利亞許個城的列邦人，知彼所在的上帝的規例，所以伊互獅入來𪜶中間，咬死𪜶。」因為𪜶知彼所在的上帝的規例。」
17:26 有人對亞述王講：「你遷徙去住佇撒馬利亞許個城的逐族的人，毋知彼所在的上帝的規例，所以伊互獅入去𪜶中間，咬死𪜶，因為𪜶毋知彼所在的上帝的規例。」
17:27 亞述王就命令講：「對遐掠來的祭司通互𪜶一個倒去，互伊住遐徛起，用彼所在的上帝的規例教示𪜶。」
17:27 亞述王就命令講：「著互對遐掠來的一個祭司倒去，互伊住佇遐，用彼所在的上帝的規例教導𪜶。」
17:28 對按呢許個對撒瑪利亞所掠去的祭司一個倒來，徛起佇伯特利，教示𪜶著怎樣敬畏耶和華。
17:28 按呢，就有一個對撒馬利亞互人掠去的祭司倒來，住佇伯特利，教𪜶著按怎敬畏上主。
17:29 總是，逐邦國的人造𪜶家己的上帝，逐國的人佇𪜶所徛起許個城安置伊的像佇撒瑪利亞人前所造的山頭廟。
17:29 毋拘逐族的人佇𪜶徛起的城造𪜶家鄉的神明，安置佇撒馬利亞人以前造的山頭壇。
17:30 巴比倫人造疏割‧比訥；古他人造匿甲；哈馬人造亞示瑪；
17:30 巴比倫人造疏割‧比訥的像，古他人造匿甲的像，哈馬人造亞示瑪的像，
17:31 亞瓦人造匿哈及他珥他；西法瓦音人用火燒子兒，獻互西法瓦音的上帝亞得米勒及亞拿米勒。
17:31 亞瓦人造匿哈及他珥他的像，西法瓦音人燒子兒獻互西法瓦音的神明亞得米勒及亞拿米勒。
17:32 𪜶按呢敬畏耶和華，對眾人中設立人做山頭壇的祭司，替𪜶獻祭佇山頭廟。
17:32 𪜶拜上主，毋拘嘛對𪜶中間設立人做山頭壇的祭司，替𪜶佇山頭壇獻祭。
17:33 𪜶敬畏耶和華，閣服事家己的上帝，對甚麼國徙來，就趁彼國的規例。
17:33 𪜶拜上主，閣照𪜶逐國的風俗規例服事家己的神明。
17:34 𪜶到今仔日猶久照前的風俗去行，無敬畏耶和華，無遵趁𪜶的律例、及𪜶的規例，也無照耶和華命令雅各後裔的律法誡命。（雅各，就是伊所稱做以色列的。）
17:34 到今仔日，𪜶猶原照以前的風俗啲做，無敬畏上主，無遵趁上主吩咐雅各後代的規例、命令、律法，及誡命；上主有給雅各號名叫做以色列。
17:35 耶和華曾及𪜶立約，吩咐𪜶講：「通敬畏別個上帝，通跪拜，通服事伊，通祭獻伊。
17:35 上主曾及𪜶立約，吩咐𪜶，講：「毋通拜別個神明；毋通跪拜𪜶，毋通服事𪜶，嘛毋通給𪜶獻祭。
17:36 獨獨彼個用大權能及伸出的手骨導恁出埃及地的耶和華，恁著敬畏伊，跪拜伊，祭獻伊。
17:36 只有彼位伸出大權能的手導恁出埃及的上主，恁著敬畏伊，跪拜伊，對伊獻祭。
17:37 伊寫互恁的律例、禮儀、律法、誡命，恁應該永遠執守遵趁，通敬畏別個上帝。
17:37 我寫互恁的規例、命令、律法，及誡命，恁應該永遠執守順趁；毋通拜別個神明。
17:38 我及恁所立的約恁通𣍐記得，也通敬畏別個上帝。
17:38 我及恁立的約，恁毋通𣍐記得，嘛毋通拜別個神明。
17:39 獨獨著敬畏耶和華──恁的上帝。伊欲救恁脫離恁一切對敵的手。」
17:39 只有著敬畏上主 — 恁的上帝，伊就會救恁脫離恁一切對敵的手。」
17:40 總是𪜶聽趁，猶原照前的風俗去行。
17:40 毋拘𪜶毋聽趁，猶原照以前的風俗啲做。
17:41 按呢諸個列國也敬畏耶和華，也服事𪜶的偶像。𪜶的子𪜶的孫也攏是按呢，𪜶的祖公所行的，到今仔日𪜶也行伊。
17:41 按呢，諸個對列國遷徙來的人拜上主，閣服事𪜶的偶像；𪜶的子子孫孫到今仔日嘛攏學𪜶的祖先按呢啲做。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。