上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
使徒行傳
19
保羅佇以弗所
亞波羅佇哥林多的時，保羅經過頂勢的地方，到以弗所；抵著幾若個學生，
保羅佇以弗所
亞波羅佇哥林多的時，保羅經過內陸的地區，來到以弗所，佇遐有抵著幾若個門徒。
2 問𪜶講：「恁信的時曾受著聖神無？」應講：「連有聖神的賞賜抑無，阮亦未曾聽見。」
2 伊問𪜶：「恁信主的時有領受聖神無？」
𪜶應講：「無，阮到今曾聽著講有聖神。」
3 講：「按呢，就恁受洗禮來歸佇甚麼啊？」𪜶就講：「約翰的洗禮。」
3 保羅閣問講：「按呢，恁領受的是什麼洗禮？」
𪜶應講：「是約翰的洗禮。」
4 保羅講：「約翰行反悔的洗禮，給百姓講著信隨尾伊來的，就是耶穌。」
4 保羅講：「約翰的洗禮是悔改的洗禮；伊叫以色列人著信隨佇伊後面來彼位，就是著信耶穌。」
5 許個人聽見，就受洗禮歸佇主耶穌的名。
5 𪜶聽了就奉主耶穌的名領受洗禮。
6 保羅給𪜶按手，聖神就到佇𪜶，𪜶隨時講諸個腔口，及先知的話。
6 保羅一下給𪜶按手，聖神就降臨佇𪜶身上，𪜶就用靈語講話，閣宣講上帝的信息。
7 共約略十二人。
7 𪜶攏總有十二個人。
8 保羅入會堂，好膽來講，歷過三月日久，用上帝國的事，來辯論苦勸。
8 保羅連續三月日久入去會堂好膽傳道，及人辯論上帝國的事，苦勸𪜶信主。
9 若是有幾若人硬心順趁，當眾人的面前誹謗此個路，保羅就離開𪜶，亦互學生及𪜶相離，就佇推喇奴的學堂日日辯論。
9 不過有一寡人固執信，佇會眾面前誹謗主的道路。保羅就導門徒離開𪜶，逐日佇推喇奴的講堂及人談論。
10 親像按呢二年久，致到𫢶佇亞西亞的人，無論猶太、希利尼，攏聽見主的道理。
10 按呢繼續兩年久，所有住佇亞西亞省的人，無論猶太人抑是希臘人，攏有聽見主的信息。
士基瓦的子
11 上帝用保羅的手行罕得有的權能；
士基瓦的子
11 上帝用保羅的手行奇異的神跡；
12 甚至有人對伊的身軀提手巾抑是圍身裙下佇病人的身上，𪜶的病就退去，惡神亦出去。
12 甚至有人提保羅用過的手巾抑是圍裙囥佇病人身上，𪜶的病就好去，邪神就對𪜶出去。
13 總是有幾若個四界行、唸咒趕鬼的猶太人，對許個互惡神上身的人自專叫主耶穌的名，講：「我倚靠保羅所傳的耶穌命令你出去！」
13 彼時有幾若個行江湖啲趕鬼的猶太人，嘛想欲借主耶穌的名來制壓邪神附身的人，講：「我奉保羅所傳耶穌的名命令恁出去！」
14 有猶太的祭司頭士基瓦七個子，亦行此個代誌。
14 猶太的祭司長士基瓦的七個子嘛啲做此款代誌。
15 惡神應講：「耶穌我知伊，保羅我亦識伊。若是恁是是誰啊？」
15 拘邪神應講：「耶穌我識，保羅我嘛識，恁咧，恁是什麼人？」
16 惡神上身的人就跳佇𪜶身上，贏𪜶二人，壓制𪜶，致到𪜶褪腹裼受傷，走出彼間厝。
16 彼個互邪神附身的人扼倚去攻擊許個行江湖的，給𪜶制伏，互𪜶受傷，赤身露體對彼間厝逃走。
17 徛起以弗所的猶太人、希利尼人，攏知，無驚惶；主耶穌的名就大榮顯。
17 住佇以弗所所有的猶太人及希臘人聽著此項代誌攏真著驚；主耶穌的名大受尊崇。
18 已經信的人，多多到明明認閣講起𪜶的所行。
18 有真多已經信的人出來，公開承認閣報人知𪜶過去所做的代誌。
19 平素行法術的，亦有多多人將𪜶的冊聚集，下佇眾人的面前來燒。算𪜶的價錢，就知達銀五萬。
19 有真多行邪術的人提𪜶的冊來，囥歸堆，佇眾人的面前放火燒。𪜶計算冊的價值，大約有五萬個銀元。
20 主的道理大大興旺得勝，有親像按呢。
20 對按呢，主的信息一直傳開，大大興旺。
以弗所的暴動
21 諸個事已經明白，保羅定著意思經過馬其頓、亞該亞，才欲去耶路撒冷；講：「到遐了後，我亦著去看羅馬。」
佇以弗所的暴動
21 諸個代誌了後，保羅受聖神感動決定欲經過馬其頓及亞該亞去耶路撒冷。伊講：「我到遐以後嘛一定著去訪問羅馬。」
22 就差跟隨伊的從中二人提摩太、以拉都去馬其頓，本身暫時住亞西亞。
22 伊就差兩個助手提摩太及以拉都去馬其頓，家己暫時留佇亞西亞。
23 當時，為著主的路有起大擾動。
23 抵彼時，關係主的道路佇以弗所引起嚴重的擾亂。
24 因為有銀匠，名底米丟，平素做亞底米的銀龕，伊互做此號工的人趁錢無少。
24 有一個叫做底米特的拍銀師傅，伊用銀造女神亞底米的廟的模型，互一寡師傅賺𣍐少錢。
25 就聚集𪜶以及趁此號食的人，講：「大家，恁知咱倚靠此個手藝來趁錢。
25 底米特給許個師傅及所有的同業集倚來，對𪜶講：「各位，恁知咱是靠此個工藝啲賺錢。
26 今此個保羅若佇以弗所，也差不多遍亞西亞，用伊的勸勉來迷惑多多人，講：『手所妝的，是神明。』這是恁所看見所聽見的。
26 現在恁有看著閣有聽著此個保羅啲做的代誌。伊講：『人的手所造的攏是神。』諸個話若佇以弗所，嘛差不多佇全亞西亞省，有互真多人受教唆去隨𪜶。
27 親像按呢，若咱此號工業危險互人看輕，就大女神亞底米的廟亦欲互人目底無，閣遍亞西亞及天下所拜的亞底米欲失伊的威風。」
27 按呢，若咱此個事業會拍歹名聲，連偉大的女神亞底米的廟都會互人輕視，全亞西亞省及全世界所啲拜此個女神的尊嚴嘛會受破壞！」
28 𪜶聽見，就大受氣，叫講：「大啊！以弗所人的亞底米！」
28 群眾一下聽著諸個話非常受氣，大聲喝：「以弗所人的亞底米真偉大！」
29 通城擾亂。已經掠保羅同行的馬其頓人該猶及亞里達古，就同心夾入戲園。
29 全城攏亂起來；眾人拖保羅的同伴馬其頓人該猶及亞里達古，歸陣做一下衝入去劇場。
30 保羅心想愛入去見百姓，學生准。
30 保羅想欲入去群眾內面，拘門徒給伊阻止。
31 猶有亞西亞幾個頭目，是保羅的朋友，差人勸伊莫得冒險入戲園。
31 有幾若個亞西亞省的官員，是保羅的朋友，嘛差人去勸保羅通入去劇場。
32 會眾紛亂，一人喝一款；大半知是因為啥事來聚集。
32 彼時歸個會場亂操操，一人喝一項；大部份的人知𪜶是按怎啲聚集。
33 有人牽亞力山大出眾人的中間，猶太人亦舉伊進前，亞力山大搖手，愛對百姓分訴；
33 群眾中間有人將擾亂的責任歸互亞歷山大，因為猶太人給伊拺出去頭前。亞歷山大就比手勢叫𪜶安靜，想欲給𪜶辯明。
34 眾人知伊是猶太人，就同聲叫講：「大啊！以弗所人的亞底米！」親像按呢約量一時久。
34 𪜶一下認出伊是猶太人，就攏齊聲喝：「以弗所人的亞底米真偉大！」按呢直直喝，喝兩點鐘久。
35 書記官已經互眾人安靜，就講：「以弗所人啊！是誰知以弗所人的城就是顧守大亞底米的殿及對宙斯所降落的像啊？
35 城的書記官互群眾攏安靜了後，講：「以弗所人，啥人知以弗所城是偉大的亞底米廟及對天落落來彼塊聖石的守護者？
36 諸個事已經𣍐辯駁得，恁眾人著靜靜，通衝莽。
36 既然無人會當否認此個代誌，恁應該安靜，通衝動。
37 何況諸個人是偷提廟內的物，亦是謗瀆咱的女神的，恁竟然帶𪜶到遮。
37 恁拖諸個人來遮，拘𪜶並無搶寺廟，嘛無褻瀆咱的女神。
38 若底米丟以及許個倚伊的師傅及人有代誌，就有聽相告的日期，亦有總督大家通對訊。
38 底米特及伊的師傅若欲控告，有開庭的日子及主持訴訟的官長，𪜶通提出告訴。
39 恁若問別物事，通佇合例的會來擬斷。
39 恁若有其他的要求，通佇定期的會議解決。
40 是因為今仔日無緣故的擾亂，驚了咱𣍐免得受查問。閣亦無話通解此個聚會的因由。」
40 今仔日所發生的代誌，咱驚了會互人追究責任，閣對此款的混亂，咱嘛提𣍐出理由通辯解。」
41 講息，就散會。
41 講諸個話了後，伊就宣布散會。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。