上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
路加福音
23
耶穌佇彼拉多面前受審
( 太 27:1-2,11-14 可 15:1-5 約 18:28-38 )
𪜶全會的人攏起來，帶伊到彼拉多的面前，
2 告伊講：「阮看此人迷惑阮的百姓，禁人納稅互該撒，家己稱做基督，做王。」
3 彼拉多問伊講：「你是猶太人的王嗎？」應伊講：「你講就是。」
4 彼拉多對許個祭司頭及歸陣的人講：「我看此人無罪。」
5 總是𪜶愈出力講：「伊搖動百姓，遍猶太傳教，對加利利起，到遮。」
希律看輕耶穌
6 彼拉多一下聽見，就問：「看此人是加利利人抑是？」
7 已經知伊屬佇希律所管轄，就送伊互希律。彼時希律也佇耶路撒冷。
8 希律看見耶穌，就真歡喜；是久久愛看見伊，因為曾聽見伊的事，閣向望看見伊行神蹟，
9 就用多多話問伊，若是耶穌無應伊一句。
10 許個祭司頭及經學士徛啲，出力告伊。
11 希律及伊的兵目底無伊，戲弄伊，用媠的衫給伊穿，閣送還彼拉多。
12 希律及彼拉多平時結怨，彼日就做朋友。
耶穌受判死刑
13 ( 太 27:15-26 可 15:6-15 約 18:39—19:16 )
彼拉多召許個祭司頭及有司參百姓來，
14 對𪜶講：「恁帶此個人到我遮，講伊是迷惑百姓的。你看，我佇恁的面前已經審問伊，總是論到恁所告伊的事，我查出伊攏無罪；
15 希律也是按呢，因為有將伊送還咱。也你看伊所行無一項應該死的事。
16 所以，我欲拍，來解放伊。」
18 𪜶一齊喉叫講：「著除去此個人！放巴拉巴互阮！」
19 此個巴拉巴，因為佇城內作亂閣刣死人，才關落監。
20 彼拉多愛放耶穌，就閣及𪜶講。
21 若是𪜶叫：「釘伊十字架！釘伊十字架！」
22 彼拉多第三擺對𪜶講：「是怎樣？伊有行甚麼歹？我看伊無一項應該死的罪。所以，欲拍，來解放伊。」
23 𪜶大聲迫切，求釘伊佇十字架。𪜶的聲卡贏。
24 彼拉多擬斷照𪜶所求的來行，
25 就解放𪜶所求彼個為著作亂、續刣死人關落監的，將耶穌交𪜶，來順𪜶的意思。
耶穌受釘十字架
26 ( 太 27:32-44 可 15:21-32 約 19:17-27 )
帶耶穌去的時，有一個古利奈的人西門，對鄉下來；𪜶就搝伊來，將十字架靠佇伊的肩頭，互伊夯來隨耶穌。
27 隨伊的人，有百姓及婦仁人多多；婦仁人為著伊搥胸哀傷。
28 耶穌越頭對𪜶講：「耶路撒冷的婦仁人啊，莫得為著我啼哭，著為著恁家己及家己的子兒來啼哭。
29 因為時欲到，人欲講：『𣍐會懷孕的婦仁人，未曾生產的胎，未曾互囝仔吸的奶頭，有福氣！』
30 彼時，人就欲對山講：
壓阮！
也對山仔講：
蓋阮！
31 「因為佇青的樹木若行按呢，就佇乾的樹木欲怎樣啊？」
32 閣有二個犯人，互人帶去及耶穌同受死。
33 到一所在，名叫「頭殼碗」，就佇遐釘伊佇十字架，閣釘許個犯人：一個佇正旁，一個佇倒旁。
34 耶穌講：「父啊！赦免𪜶；因為𪜶所做的，𪜶知。」人就拈鬮分伊的衫。
35 許個有司譏刺伊，講：「伊曾救別人；若是做上帝的基督，受揀選的，著救家己！」
36 兵丁也戲弄伊，近倚用醋互伊，
37 講：「你若是猶太人的王，著救家己！」
38 佇伊的頂面有斬條寫講：「此個是猶太人的王。」
39 受吊啲的犯人一個褻瀆伊，講：「你豈是基督嗎？著救家己及阮！」
40 第二個應來責備伊，講：「你既然同受罪，連上帝也驚嗎？
41 咱受罪是公道，因為咱所受的合佇咱所行，若是此人所行的無一項著。」
42 就講：「耶穌啊，你佇你的國來的時，著記得我！」
43 耶穌就給伊講：「我實在給你講，今仔日你欲及我佇樂園。」
耶穌的死
44 ( 太 27:45-56 可 15:33-41 約 19:28-30 )
日中晝，全地黑暗，到三點鐘的時，日的光無去；
45 殿內的帳對中裂開。
46 耶穌大聲叫就講：「父啊！我的神交代你的手。」諸個話講息，氣就斷。
47 百總看見此個代誌，歸榮光上帝，講：「此個真正是義的人！」
48 聚集啲看的眾人看見諸個代誌攏搥胸倒去。
49 許個及耶穌相識的，以及許個對加利利隨伊來的婦仁人，攏遠遠啲徛來看諸個事。
耶穌的安葬
50 ( 太 27:57-61 可 15:42-47 約 19:38-42 )
有一人名約瑟，伊是議員，做人好閣義；
51 伊無同許個人所計謀所做的。伊是屬猶太人的亞利馬太城，平素欣慕上帝國的。
52 此人去見彼拉多，來求耶穌的身屍，
53 就收伊落來，用幼苧布包伊，下佇石鑿的墓；攏未曾埋葬人的。
54 彼日就是備辦節的日，安息日近啦。
55 對加利利及耶穌相及來許個婦仁人隨佇後面，看伊的墓及怎樣下伊的身屍。
56 就倒去，備辦香料香油。當安息日，照誡命來歇。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。