上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
路加福音
22
害死耶穌的陰謀
( 太 26:1-5 可 14:1-2 約 11:45-53 )
除酵節（也名𨃟過節）近啦。
2 諸個祭司頭及經學士尋看有甚麼法通害死耶穌，因為是驚百姓。
3 撒但入佇彼個叫做加略的猶大；伊是十二個學生的一個。
4 就去及諸個祭司頭有司官相及參詳，欲用甚麼法將耶穌交𪜶。
5 𪜶歡喜，約欲銀互伊。
6 猶大應伊，就尋機會，當百姓無佇啲的時將耶穌交𪜶。
備辦𨃟過節的筵席
7 ( 太 26:17-25 可 14:12-21 約 13:21-30 )
除酵節，應該刣𨃟過節的羊羔，彼個日已經到。
8 耶穌差彼得、約翰講：「恁去替咱備辦𨃟過節的筵席，互咱通來食。」
9 𪜶給伊講：「愛阮佇甚麼所在備辦？」
10 伊給𪜶講：「恁去入城，就有一人帶水瓶欲抵著恁，著隨伊，入伊所入的厝，
11 給彼間厝的主人講：『先生問講：客廳佇叨落？我欲佇遐及我的學生食𨃟過節。』
12 伊欲用樓頂排設的大廳互恁看，恁著佇遐備辦。」
13 𪜶去，果然抵著照伊所給𪜶講的；就佇遐備辦𨃟過節。
設立主的晚餐
14 ( 太 26:26-30 可 14:22-26 林前 11:23-25 )
時到，耶穌坐桌，使徒也及伊坐。
15 伊對𪜶講：「佇受害的代先我不止意愛及恁食此個𨃟過節。
16 因為我給恁講，我無欲閣食伊，到伊應驗佇上帝的國。」
17 就接杯，祝謝了，講：「恁將此個分互恁逐人。」
18 因為我給恁講，今了後，我無欲飲葡萄汁，到上帝的國來。」
19 閣提餅，祝謝，來擘互𪜶，講：「此個是我的身軀，為著恁來獻的，恁行此個，來記念我。」
20 食了後捧杯也是按呢，講：「此個杯是新約，佇我的血來設立的，就是為著恁流出的。
21 若是賣我的人，伊的手及我佇桌裡。
22 因為人子真正去照所定著的，若是伊互甚麼人賣，彼人有災禍！」
23 𪜶就相對問，其中甚麼人欲做此個代誌。
爭論甚麼人最大
24 𪜶有啲相爭，看從中甚麼人算最大。
25 耶穌就給𪜶講：「列邦的君王做主來治理𪜶，管轄𪜶的稱做恩主。
26 若是恁就是按呢；恁中間最大的，著親像序細，做頭的，著親像差用。
27 甚麼號人最大？是坐桌的？抑是做差用的啊？豈是坐桌的嗎？若是我佇恁中間親像做差用的。
28 恁就是常常及我佇試煉中的。
29 我用國封恁，親像我的父曾用國封我一樣，
30 互恁佇我的國，飲食佇我的桌，恁也欲坐佇座位，審判以色列十二個支派。」
預言彼得認主
31 ( 太 26:31-35 可 14:27-31 約 13:36-38 )
閣講：「西門！西門啊！你看，撒但曾愛得著恁，愛簸恁親像簸麥；
32 若是我有替你祈禱，互你的信無失落。你歸正了後，著堅固你的兄弟。」
33 彼得給伊講：「主啊，我便便及你關落監，也及你死。」
34 伊就講：「彼得啊，我給你講，今仔日雞猶未啼，你欲三擺認我。」
錢袋，褡褳，刀
35 閣給學生講：「我前差恁無帶錢袋，及褡褳，及鞋，恁有欠甚麼無？」𪜶講：「無。」
36 伊就給𪜶講：「若是今有錢袋的著帶伊，有褡褳的也著按呢，無刀的著賣伊的衫來買刀。
37 因為我給恁講，所記載的講：『算伊及不法的人同列。』此句話的確應驗佇我，因為干涉我的今欲成啦。」
38 𪜶講：「主啊，你看！佇遮有二支刀。」伊給𪜶講：「夠額啦。」
佇橄欖山上禱告
39 ( 太 26:36-46 可 14:32-42 )
耶穌出去，照常去橄欖山，學生也隨伊。
40 到彼所在，就給𪜶講：「恁著祈禱，免得入迷惑。」
41 就離開𪜶約略有㧒石頭的遠，跪落去祈禱，講：
42 「父啊！你若肯，著將此個杯離開我；獨獨是我的意思，是你的意思著成。」
43 有一個天使對天出現，來壯伊的力。
44 耶穌苦痛到極，祈禱愈迫切，伊的汗是親像大點血滴落地。
45 祈禱息起來，去就近學生，看見𪜶為著憂悶啲睏，
46 就給𪜶講：「啥事睏？起來祈禱，免得入迷惑！」
耶穌受掠
47 ( 太 26:47-56 可 14:43-50 約 18:3-11 )
猶啲講的時，有歸陣人到。十二學生的一個，彼個叫做猶大的，行佇𪜶的頭前，近倚耶穌欲給伊唚。
48 若是耶穌給伊講：「猶大！你用唚嘴賣人子嗎？」
49 左右的人看見所欲到的事，就講：「主啊！阮著用刀來刣𪜶嗎？」
50 其中一人刣祭司頭的奴僕，削去伊正旁的耳仔。
51 耶穌應講：「代誌到按呢，請容允這！」就摸伊的耳仔，來醫好伊。
52 耶穌對許個來攻擊伊的祭司頭、殿司、長老講：「恁攑刀及槌出來，親像攻擊賊嗎？
53 我日日及恁佇殿裡，恁無伸手攻擊我。若是此霎是恁的時，及黑暗的權勢。」
彼得三擺認主
54 ( 太 26:57-58,69-75 可 14:53-54,66-72 約 18:12-18,25-27 )
𪜶就掠伊，帶伊去，帶伊入祭司頭的厝。彼得遠遠隨伊。
55 人佇庭裡起火，相及啲坐；彼得也坐佇𪜶中間。
56 有一個女婢看見伊向火光啲坐，注目看伊，講：「此人也是及伊做陣。」
57 伊認講：「婦仁人啊，我識伊。」
58 霎仔久，閣一人看見，講：「你也是𪜶的人。」彼得講：「人啊！我是。」
59 過半時久，閣一人出力講：「此人真正及伊做陣，因為伊也是加利利人。」
60 若是彼得講：「人啊！你所講的我知。」猶啲講的時，雞連鞭啼。
61 主越頭看彼得，彼得就記得主的話有怎樣給伊講：「今仔日雞啼的代先，你欲三擺認我。」
62 伊就出去外面大啼哭。
戲弄伊、拍伊
63 ( 太 26:67-68 可 14:65 )
顧守耶穌的人戲弄伊，拍伊，
64 掩伊的面，問伊講：「你著做先知來講，拍你的是是誰啊？」
65 閣講多多項來褻瀆伊。
耶穌佇公會受審
66 ( 太 26:59-66 可 14:55-64 約 18:19-24 )
到天光，百姓的長老會聚集，其中有諸個祭司頭及經學士，𪜶就帶耶穌到𪜶的公會，
67 講：「你若是基督，著給阮講。」耶穌給𪜶講：「我若給恁講，恁信；
68 若問恁，恁也應。
69 總是今了後人子欲坐佇上帝權能的大旁。」
70 大家講：「按呢，就你是上帝的子嗎？」伊對𪜶講：「恁講我就是。」
71 𪜶講：「乜使用別項的干證？咱本身有聽見伊親嘴所講的。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。