上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
撒母耳記上
29
非利士人無信任大闢
非利士人召集𪜶所有的軍隊到亞弗。以色列人佇耶斯列的水泉邊紮營。
2 非利士人的首領帶兵出陣，有的帶百人，有的帶千人。大闢及伊的部下，以及亞吉王行佇後面。
3 非利士人的將領講：「諸個希伯來人佇遮創啥？」
亞吉王給非利士人的將領講：「此個人是以色列王掃羅的將領大闢。伊已經及我住年外；對伊來投降到今仔日，我毋曾看著伊有犯什麼過失。」
4 非利士人的將領對亞吉受氣，給伊講：「互此個人倒去你給伊安置的所在，毋通互伊及咱出去交戰，才免伊佇交戰的時變做咱的對敵。伊欲用什麼回復伊的主人對伊的信任？豈毋是咱諸個人的頭殼？
5 以前以色列人跳舞的時，有人唱，有人應，講：
掃羅刣死千千，
大闢刣死萬萬；
𪜶所講的豈毋是此個大闢？」
6 亞吉叫大闢來，給伊講：「我指永活的上主咒誓，你是誠實的人；你佇我的軍隊服役，我真滿意，因為對你來遮到今仔日，我毋曾看著你有什麼失錯。毋拘其他的首領無合意你。
7 今你平安轉去，才免諸個首領無歡喜你的所做。」
8 大闢對亞吉講：「我有做什麼代誌？對我來你遮到今仔日，你佇你奴僕的身上有看著什麼代誌，互你的奴僕𣍐當及王 — 我的主的對敵交戰？」
9 亞吉應講：「我知，我看你親像上帝的使者赫呢好，毋拘非利士人的將領無愛你及阮鬥陣去交戰。
10 所以，明仔載天一下光，你著導所有離開掃羅，隨你來我遮的人離開。」
11 隔早起，大闢及隨伊的人透早就出發，倒去非利士人的地；像時，非利士人向耶斯列進軍。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。