上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
民數記
33
對埃及到摩押
下面是以色列人佇摩西及亞倫的領導下，照軍隊的次序，出埃及了後所行的路程。
2 摩西照上主的命令，將𪜶逐站行程的起點記錄落來，以下是行程的起點：
3 正月十五，𨃟過節隔日，以色列人對蘭塞起程，佇埃及人的面前勇敢無驚行出去。
4 彼時埃及人抵啲埋葬𪜶互上主拍死的大子；上主嘛審判埃及的神明。
5 以色列人對蘭塞出發，佇疏割紮營。
6 對疏割出發，佇曠野邊界的以倘紮營。
7 對以倘出發，斡去巴力‧洗分東旁的比‧哈希錄，佇密奪的對面紮營。
8 𪜶對比‧哈希錄起程，經過紅海，進入曠野；佇以倘的曠野行三日，就佇瑪拉紮營。
9 𪜶對瑪拉出發，來到以琳；遐有十二個水泉，七十欉棕樹；就佇遐紮營。
10 𪜶離開以琳以後，佇紅海附近紮營。
11 𪜶對紅海附近出發，佇汛的曠野紮營。
12 𪜶對汛的曠野出發，佇脫加紮營。
13 𪜶對脫加出發，佇亞錄紮營。
14 𪜶對亞錄出發，佇利非訂紮營；佇遐𪜶無水通飲。
15 𪜶對利非訂出發，佇西奈曠野紮營。
16 𪜶對西奈曠野出發，佇基博羅‧哈他瓦紮營。
17 𪜶對基博羅‧哈他瓦出發，佇哈洗錄紮營。
18 𪜶對哈洗錄出發，佇利提瑪紮營。
19 𪜶對利提瑪出發，佇臨門‧帕烈紮營。
20 𪜶對臨門‧帕烈出發，佇立拿紮營。
21 𪜶對立拿出發，佇勒撒紮營。
22 𪜶對勒撒出發，佇基希拉他紮營。
23 𪜶對基希拉他出發，佇沙斐山紮營。
24 𪜶對沙斐山出發，佇哈拉大紮營。
25 𪜶對哈拉大出發，佇瑪吉希錄紮營。
26 𪜶對瑪吉希錄出發，佇他哈紮營。
27 𪜶對他哈出發，佇他拉紮營。
28 𪜶對他拉出發，佇密加紮營。
29 𪜶對密加出發，佇哈摩拿紮營。
30 𪜶對哈摩拿出發，佇摩西錄紮營。
31 𪜶對摩西錄出發，佇比尼‧亞干紮營。
32 𪜶對比尼‧亞干出發，佇曷‧哈及甲紮營。
33 𪜶對曷‧哈及甲出發，佇約巴他紮營。
34 𪜶對約巴他出發，佇阿博拿紮營。
35 𪜶對阿博拿出發，佇以旬‧迦別紮營。
36 𪜶對以旬‧迦別出發，佇尋的曠野，就是加低斯，紮營。
37 𪜶對加低斯出發，佇以東地區的邊界何珥山紮營。
38 以色列人出埃及了後第四十年五月初一，祭司亞倫照上主的指示，上何珥山，死佇遐。
39 亞倫死佇何珥山的時，是一百二十三歲。
40 住佇迦南地尼革夫的迦南人亞拉得王聽見以色列人來啦。
41 以色列人對何珥山出發，佇撒摩拿紮營。
42 𪜶對撒摩拿出發，佇普嫩紮營。
43 𪜶對普嫩出發，佇阿伯紮營。
44 𪜶對阿伯出發，佇摩押邊界的以耶‧亞巴琳紮營。
45 𪜶對以耶‧亞巴琳出發，佇底本‧迦得紮營。
46 𪜶對底本‧迦得出發，佇亞門‧低比拉太音紮營。
47 𪜶對亞門‧低比拉太音出發，佇尼波山對面的亞巴琳山紮營。
48 𪜶對亞巴琳山出發，佇約旦河邊、耶利哥對面的摩押平原紮營。
49 𪜶佇摩押平原，順約旦河，對伯‧耶西末到亞伯‧什亭的中間紮營。
過約旦河前的指示
50 以色列人佇約旦河邊，耶利哥對面的摩押平原的時，上主對摩西講：
51 「你著命令以色列人：恁過約旦河進入迦南地的時，
52 著將彼所在的住民攏趕出去，毀壞𪜶所有用石頭雕刻及用金屬鑄的神像，拆毀𪜶一切的山頭壇。
53 恁著佔領彼個地，住遐徛起，因為我已經將此個地賜互恁做產業。
54 恁著照宗族抽籤分配土地做產業；人多的就分較多，人少的就分較少；看叨一個宗族分著叨位，彼個地就歸互彼個宗族做產業。
55 恁若無將彼所在的住民趕出去，許個留落來的住民就會成做恁目睭內的刺，脇下的莿，閣會佇恁徛起的所在給恁擾亂；
56 我按怎對待𪜶，嘛會按呢對待恁。」
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。