上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
民數記
17
亞倫的柺
上主對摩西講：
2 「你著吩咐以色列人，逐支族的首領攏著攑𪜶的柺仔來，攏總十二支。你著佇𪜶的柺仔寫𪜶的名。
3 利未支族彼支柺仔著寫亞倫的名；因為逐支族的族長攏有一支柺仔。
4 你著將許個柺仔提來會幕，下佇約櫃的頭前，就是我及恁相會的所在。
5 我所揀彼個人，伊的柺仔會茁芽；按呢我欲互以色列人𣍐閣埋怨恁。」
6 摩西將諸個話給以色列人講，逐個支族的首領就將𪜶的柺仔交互摩西；一個支族一支，共十二支；亞倫的柺仔嘛佇彼中間。
7 摩西就將許個柺仔提入去囥約櫃的帳幕內面，下佇上主的面前。
8 隔日，摩西入去囥約櫃的帳幕，看著利未支族亞倫的柺仔已經茁芽，生花莓，開花，結杏仁。
9 摩西對上主的面前攑許個柺仔出來，去以色列的眾人遐，互𪜶看；逐個族長就去攑家己的柺仔。
10 上主對摩西講：「將亞倫的柺仔囥倒去約櫃面前，做諸個背逆的人的鑑戒。按呢𪜶就𣍐閣對我發怨言，嘛𣍐因為按呢來死。」
11 摩西就照上主的命令做。
12 以色列人對摩西講：「慘啊！阮會死，會滅亡，阮會死了了。
13 所有倚近上主的會幕的攏會死。按呢，阮穩死的！」
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。