上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
創世記
13
亞伯蘭及羅得分開
亞伯蘭導伊的某及伊所有的，對埃及去尼革夫，羅得嘛做夥去。
2 亞伯蘭的牲生、金、銀真多。
3 伊對尼革夫漸漸向伯特利遷徙，到伯特利及艾的中間，就是伊以前搭布棚，
4 起祭壇的所在。亞伯蘭佇遐求叫上主的名。
5 及亞伯蘭做夥去的羅得嘛有牛群、羊群、布棚，
6 致到彼個地區無夠通互𪜶做夥徛起；因為𪜶的財物真多，𣍐當做夥徛起。
7 亞伯蘭的牧者及羅得的牧者常常冤家。當時迦南人及比利洗人住佇彼個地區。
8 亞伯蘭給羅得講：「咱毋通冤家，你的牧者及我的牧者嘛毋通冤家，因為咱是一家人。
9 全地攏佇你的目睭前，請你離開我；你若去倒旁，我就去正旁；你若去正旁，我就去倒旁。」
10 羅得攑頭看約旦河向瑣珥方向一片的平原，水源充足，彼個地佇上主毀滅所多瑪及蛾摩拉以前，親像上主的園，親像埃及的地。
11 羅得就揀約旦河彼片平原，遷徙去東旁；𪜶兩家就分開。
12 亞伯蘭住佇迦南地；羅得住佇平原諸個城，漸漸遷徙去到所多瑪。
13 所多瑪人非常邪惡，大大得罪上主。
亞伯蘭遷徙去希伯崙
14 羅得離開了後，上主對亞伯蘭講：「你攑頭，對你徛的所在向東西南北看。
15 你所看著一切的地，我欲永遠賜互你及你的後代。
16 我嘛欲互你的後代親像地上的土沙赫多；人若會當算地上的土沙，才會當算你的後代。
17 你起來行透此個地逐所在，我欲將此個地賜互你。」
18 亞伯蘭就遷徙去希伯崙，到倚近幔利許個橡樹的所在徛起；佇遐伊為著上主起一座祭壇。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。