上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
提摩太前書
2
教會的禮拜
1-2 所以，第一，我勸勉你著為著所有的人、君王，及攏總的官員懇求，祈禱，代禱，感恩，互咱通過平靜安然的生活，凡事敬虔，端正。
3 按呢做是應該，是咱的救主上帝歡喜接納的。
4 伊愛眾人得救，達到認識真理。
5 因為上帝是一位，上帝及人中間的中間人嘛是一位，就是作人的基督耶穌。
6 伊獻本身來贖回眾人，此項事佇抵好的時機有得著證實。
7 為著按呢，我受任命做傳道者、使徒，及外邦人的教師，互𪜶相信上帝閣認識真理。我啲講的是真的，毋是假的。
8 我愛查甫人無受氣，無爭論，佇逐所在攑起聖潔的手祈禱。
9 我嘛愛婦仁人穿插端莊樸素整齊，毋通用奇形怪狀的頭毛型、金器、珠寶，抑是真貴的衫妝飾家己；
10 著用好行為做妝飾，表示家己是敬畏上帝的婦仁人。
11 婦仁人著恬恬仔學，用順從的心事事順服。
12 我毋准婦仁人教示抑是管轄查甫人；伊著安靜。
13 因為亞當代先受造，後來才夏娃。
14 閣亞當無受誘惑，毋拘婦仁人受誘惑陷落罪。
15 不過婦仁人若安份守己，持守信仰、仁愛，及聖潔，就會因為生子得著救。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。