上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
耶利米書
24
兩籠無花果
巴比倫王尼布甲尼撒對耶路撒冷將約雅敬的子猶大王約雅斤，以及猶大國的官員、作工師傅及拍鐵師傅攏掠去巴比倫。此個代誌以後，上主互我看見佇上主聖殿頭前有兩籠無花果：
2 一籠真媠親像初熟的無花果，一籠真僫，僫甲𣍐食得的無花果。
3 上主問我：「耶利米，你有看見什麼？」
我應講：「我有看見無花果；好的真好，僫的真僫，僫甲𣍐食得」。
4 上主閣對我講：
5 「我上主 — 以色列的上帝欲將許個對此塊土地流放去巴比倫的猶大人，當做好的無花果好款待𪜶。
6 我欲看顧𪜶，賜福𪜶，導𪜶轉來此塊土地。我欲給𪜶重建，𣍐給𪜶拆毀；我欲給𪜶栽種，𣍐給𪜶拔出。
7 我欲賜𪜶一粒認識我的心，承認我是上主。𪜶欲做我的子民，我欲做𪜶的上帝，因為𪜶欲一心一意歸向我。」
8 上主閣講：「猶大王西底家及伊的官員、賰落來留佇此塊土地的耶路撒冷人民，以及住佇埃及的猶大人，我欲給𪜶當做僫甲𣍐食得的無花果。
9 我欲互𪜶抵著大災難，互天下萬國的人看了攏驚惶討厭𪜶；我欲互𪜶佇流放去的逐所在，互人侮辱、恥笑、戲弄，閣受咒詛。
10 我欲用戰亂、飢荒，及瘟疫除滅𪜶，互𪜶對我賞賜𪜶及𪜶列祖的此塊土地消失。」
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。